место в рейтинге
  • 757849
  • 45
  • 7
Нравится блог?
Подписывайтесь!

Денис Тен: Олимпиаданың алтын медалін олжалауды мақсат етіп отырмын

Денис Тен
Денис Теннің есімі Қазақстан үшін мәнерлеп сырғанаудан Олимпиада жүлдесін алып берген алғашқы спортшы ретінде тарихта қалды. Ол өте қарапайым және ақкөңіл адам. Бізге ол спорттық қарым-қабілетінен бөлек, ой қабілеті де жоғары, өзінше бір пәлсапалық толғамдарға терең бойлай алатын адам ретінде сезілді. Егер қолына қалам алған болса, тамаша жазушы болар ма еді, кім білсін.

«ҚазАқпарат» тілшісіне берген экслюзивті сұхбатында Сочи Олимпиадасының қола жүлдегері, әлем біріншілігінің вице-чемпионы өзінің болашақтағы жоспарларымен бөлісіп, өзге де тақыптардың бетін ашып берді.

- Қазақстандықтар бұл медальді көп күтті, олардың ақ үмітін сен толығымен ақтап шықтың. Өзіңнің Сочи Олимпиадасындағы өнеріңді қалай бағалар едің?

- Сөз жоқ, мәнерлеп сырғанауда өнеріңді өте тамаша көрсетуге болады. Менің ойымша, Олимпиадада көрсеткен нәтижем шынымен де өте жақсы. Бұл былтыр Лондонда шыққан кездегі өнерімнен өзгешелеу болды. Жанкүйерлер менің дәл сондай сезімге толы өнерімді көргілері келді. Бірақ Сочиде мен қыруар қиындықтарға тап болғанымды ескеру керек. Сондықтан оны сәтті еңсеріп, мұзда лайықты деңгейде өнер көрсетуім және жүлдеге ілінуім — мен үшін және бүкіл Қазақстан үшін керемет жетістік.

Әлем чемпионатының күміс жүлдегері атансаң, Олимпиада ойындарының фавориттарының біріне айналып шыға келесің. Маусым басында мен әрине үштікке кіруді жоспарлағаным рас. Бірақ кейін үлкен қиындықтар туа бастады. Бірінен соң бірі алған жарақаттарымнан кейін менің ойым жүлдеге таласу жайында емес, Олимпиадаға қалай дұрыс жаттығуым керек дегенге ойысты. Сіздер мәнерлеп сырғанау спортының қаншалықты биік деңгейге жеткенін көрдіңіздер, жеңіс тұғырына бірден 15 спортшы таласты. Қысқа бағдарламадан соң, мен тоғызыншы орында тұрдым. Үшінші орынға маған бірнеше ұпай жетпей қалды, ал бұл мәнерлеп сырғанауда өте аз. Сондықтан менің де жүлдеден үмітім бар еді. Бірақ мен өзіме бұл жауапкершілікпен ауыртпалық түсірмеуге тырыстым. Мақсатым — төрт жылда бір айналып келетін ең басты додада ең керемет өнерімді көпшілікке паш ету болды. Менің ойымша, бұл қолымнан келді.

- Ресей үміті — Евгений Плющенконың жарыстан шығу туралы шешімін қалай қабылдадың?

- Шынымды айтсам, мен ол жөнінде жарыстың соңына дейін білген жоқпын. Сайыстың соңында тізімді көрген кезде бір білдім. Мен оның өнерін командалық жарыстарда бақыладым. Бірнеше рет ота жасатып, қаншама қиындықтарға мойымай, жоғары деңгейде өнер көрсету — кім-кімді болмасын таң қалдырмай қоймайды.

- Сочидегі жарыс өзіңе ұнады ма? Олимпиада ойындары қандай деңгейде ұйымдастырылған?

- Олимпиаданың деңгейіне барлығы да тәнті. Жарыс нысандары өте жоғары деңгейде салынған. Бұл Олимпиада ойындары, дегенмен спортшылар өздерін құдды бір курортқа келгендей сезінуде. Бұл әрине қуантпай қоймайды. Мен Олимпиаданың ұйымдастырылуына өте жақсы деген баға беремін. Мен Ванкуверде болдым, бірақ Сочи таңдай қақтырды. Алматы қаласы 2022 жылғы Қысқы Олимпиада ойындарын өткізу құқығын жеңіп алады деп сенемін. Егер ол құқықты біз жеңіп алсақ, Сочиден кем ұйымдастырмайтынымыз анық. Қазақстан ірі спорттық жарыстарды ең жоғары деңгейде ұйымдастыратынын білеміз. Алматы жеңіп жатса, шетелдіктер қазақтың ділін, мәдениетін және қонақжайлығын толығымен танып білуге мүмкіндік алады.

- Болашақ жоспарларың қандай? Қоржыныңа Олимпиада ойындарының алтын медалін салу ойыңда бар ма?

- Мәнерлеп сырғанауда белгілі бір жоспарлар қою өте қиын. Барлығы бізге байланысты емес, мұнда не секундтар, не голдар жоқ. Сондықтан мен өзімді шыңдай түсуге тырысамын. Әрине әрбір спортшы Олимпиада чемпионы болуға талпынады. Мен өзімнің алғаш қадамдарым — сауда кешендерінің мұз айдындарында, ашық мұз үстінде басталған. Содан бері үлкен жетістіктерге қол жеткіздім. Бұл маған үлкен күш-қуат береді. Бүгінгі таңда бізде керемет мұз кешендері бар, жаттығуға қажетті заманауи жағдайлар жасалған, бұл қуантады. Менің ойымша, көп ұзамай Қазақстаннан шыққан өзге де спортшылар үлкен жүлделерге қол соза бастайды. Егер сәтін салып жатса, командалық турнирлерге де қатысармыз. Әрине мен Олимпиаданың алтын медалін жеңіп алуды армандаймын. Дұрыс жаттығудың, бапкердің сауатты жұмысының арқасында болашақта ірі жарыстарда қазылар алқасы менің өнерімді жоғары бағалайды деп ойлаймын.

- Айтпақшы, өзіңнің мұздағы шоуыңа кімдерді шақырасың?

- Былтырғы шоу бізде тамаша деңгейде өтті. Екі қалада өткен шоуда 10 мың адам барлық билеттерді қас-қағым сәтте сатып алып кетті. Алматыда үлкен аншлаг болды, тіпті достарымды шақыра алмай қалдым. Олимпиада ойындары әлі аяқталған жоқ. Қазір мен Олимпиада соңында өтетін дәстүрлі көрнекі орындауларға дайындалудамын. Содан соң ғана шоу қашан және қандай тақырыпта өтетінін, кімдер келе алатынын ойластыратын боламыз.  Спортшылардың уақыттары өте тығыз екендігін де ескеру керек. Биыл шоу ауқымдырақ болады. Келетін жұлдыздардың саны артады, сонымен қатар шоуды қазақстандықтардың көпшілігі тамашалай алады. Оның бәрі уақыт еншісінде. Қазір  нақты ештеңе айта алмаймын, дегенмен қазақстандықтар үлкен шараға дайындала берсе болады.

- Денис, жанкүйерлерге айтарыңыз бар ма?

- Жанкүйерлерге шексіз алғысымды жеткізгім келеді. Мен әлі күнге дейін олардан мыңдаған хаттар алып жатырмын. Әлеуметтік желілерде тіпті керемет. Ол жерде оқушыларым көбейіп, менің атыма құттықтаулар мен жылы сөздер түсіп жатыр. Адамдардың қолдауы мен махаббатын көру үлкен қуаныш сыйлайды. Ел менің еңбегімді бағалап жатыр. Адамдар менің қажыр-қайратымның қадірін түсінеді, соған ризамын. Сондықтан халқыма шынайы алғысымды білдіремін. Жақында Олимпиада жүлдесі маған қандай еңбекпен келгені туралы ағылшын және орыс тілдерінде жазған болатынмын. Онда адамға жігер беретін бірнеше сәттер бар, бұл болашақта адамдарды жаңа қадамдарға бастайды деп есептеймін. Өмірде алға жетелейтін жағымды сәттерді таба білу өте маңызды.

- Мазмұнды сұхбатыңа рахмет, Денис!

- Сізге де рахмет!

СОЧИ. ҚазАқпарат - Автор: Жасұлан Жолдыбаев
 
Kazsport agent kazsportagent
ҚАЗАҚСТАН РЕСПУБЛИКАСЫ СПОРТ ЖӘНЕ ДЕНЕ ШЫНЫҚТЫРУ ІСТЕРІ АГЕНТТІГІ
21 февраля 2014, 14:50
143

Загрузка...
Loading...

Комментарии

Оставьте свой комментарий

Спасибо за открытие блога в Yvision.kz! Чтобы убедиться в отсутствии спама, все комментарии новых пользователей проходят премодерацию. Соблюдение правил нашей блог-платформы ускорит ваш переход в категорию надежных пользователей, не нуждающихся в премодерации. Обязательно прочтите наши правила по указанной ссылке: Правила

Также можно нажать Ctrl+Enter

Популярные посты

Инструкция для аллергиков. Как бороться с аллергией в период обострения

Инструкция для аллергиков. Как бороться с аллергией в период обострения

Я аллергик с детства. Имею аллергию на пыльцу березы, липы, полыни (выяснил это благодаря кожным пробам), а также пищевую аллергию на горчицу. Свои проблемы знаю, однако это меня не спасло.
Romeo_17
15 авг. 2017 / 17:21
  • 38844
  • 63
СМИ – ассистент провокаторов? Как гости из соседних стран сеют раздор в Казахстане

СМИ – ассистент провокаторов? Как гости из соседних стран сеют раздор в Казахстане

Инцидент с пьяным киргизским гостем на борту Air Astana, наверное, остался бы только во внутренних сводках авиакомпании, если бы г-н Доган, не поднял громкий крик о государственном языке.
openqazaqstan
17 авг. 2017 / 14:43
  • 11238
  • 174
Казахский национализм раньше выглядел несовременно. Теперь он другой

Казахский национализм раньше выглядел несовременно. Теперь он другой

Националисты стали совсем другими. По-английски хорошо говорят, русскую классику цитируют. Очень современные, образованные, адекватные. А после Крыма в националисты уже чуть ли не любой казах готов был записаться.
Aidan_Karibzhanov
16 авг. 2017 / 16:52
Имеющий уши да услышит. Латиница касается только казахского языка

Имеющий уши да услышит. Латиница касается только казахского языка

Президент Назарбаев наконец-то разъяснил для всех, кто ещё не понял, очевидный вопрос, который всем в Казахстане очевиден. Елбасы повторил: на латиницу мы переводим казахский язык, и это не означает отказ от русского языка.
openqazaqstan
18 авг. 2017 / 16:23
  • 3152
  • 52
«Доехать до Алтын Орды» – как мошенники обманывают алматинцев

«Доехать до Алтын Орды» – как мошенники обманывают алматинцев

Из множества грустных откровений постепенно сложился перечень самых распространённых уловок охотников за нашими деньгами. В нём ожидаемо лидировали профессиональные попрошайки.
caravan_kz
16 авг. 2017 / 15:05
  • 2151
  • 2
В Кокшетау строят два парка для молодёжи. Будут учтены интересы и любителей спорта

В Кокшетау строят два парка для молодёжи. Будут учтены интересы и любителей спорта

Общая площадь парка составляет 25 гектаров. На территории предусмотрено устройство прогулочных дорожек, площадок для установки аттракционов и павильонов различного назначения, цветников.
zhasakmola
17 авг. 2017 / 17:13
  • 2023
  • 1
Надо научиться видеть скрытые экономические процессы за вспышкой национального гнева

Надо научиться видеть скрытые экономические процессы за вспышкой национального гнева

При полном отсутствии бюджетного жилищного строительства, целые аулы оседают в ветхих домишках, сквозь заборы которых насмешливо возвышаются башни "коктемов", "риц карлтонов" и "есентаев".
niyazov
19 авг. 2017 / 11:16
  • 2072
  • 54
Недоразумение с грантами в ВУЗы: «медалисты» до сих пор имеют преимущество

Недоразумение с грантами в ВУЗы: «медалисты» до сих пор имеют преимущество

Многие способные выпускники без Алтын Белги готовились к тестированию, чтобы в честной борьбе попытать счастья на гранты без ущемления со стороны якобы "золотых" выпускников.
DanaJarlygapova
14 авг. 2017 / 14:35
В «Жилстройсбербанке» посоветовали не ходить в кафе, а копить на квартиру

В «Жилстройсбербанке» посоветовали не ходить в кафе, а копить на квартиру

При какой зарплате можно купить квартиру, рассказала председатель правления АО ЖССБ Ляззат Ибрагимова. Она также подчеркнула, что придется забыть, что такое вечеринки, кафе и всякие развлечения.
tala03
18 авг. 2017 / 9:55
  • 1559
  • 47