АСТАНА. ҚазАқпарат — Қазақстандық боксшы Геннадий Головкин 2014 жылы тағы үш жекпе-жек өткізеді, деп хабарлады Vesti.kz.
Бұл туралы оның промоутері Том Леффлер мәлімдеді, оның сөзін ВКонтакте әлеуметтік желісінде GGG тобы келтірген.
Таяудағы жекпе-жек 26 сәуірде өтпек, ал тағы екі жекпе-жек жазға және күздің соңына қарай белгіленген. Алайда қарсыластардың аты-жөндері айтылмаған.
Бұған қосарымыз, осы кезге дейін Головкиннің 26 сәуірдегі қарсыласының есімі аталған жоқ.
Еске сала кетейік, қазіргі кезде Головкин WBA/IBO нұсқалары бойынша орта салмақтағы әлем чемпионы. 26 сәуірдегі кездесу Нью-Йоркте өтеді. Ол GGG үшін кәсіби рингтегі 30-шы кездесу болмақ. Қазақстандық осы кезге дейін бірде-бір рет жеңілместен келеді, соның ішінде 26 рет қарсыласын нокаутқа жіберді.
Басты сөздер: Спорт