ІСКЕРЛІК ЖУРНАЛИСТИКА: дәстүрлі кездесу

1993arai February 15, 2014
640
0
5
0

3 дәріс. "Іскерлік журналистика клубының" мүшелері PRofi Asia-да кезекті рет жиналды. Бұл жолы барлығы өте ерекше болды. Юморға жол беріп, позитивті көңіл-күйде жүрдік, Ербол ағай айтпақшы "режиссер"...

3 дәріс. "Іскерлік журналистика клубының" мүшелері PRofi Asia-да кезекті рет жиналды.

Бұл жолы барлығы өте ерекше болды. Юморға жол беріп, позитивті көңіл-күйде жүрдік, Ербол ағай айтпақшы "режиссер" бола аламыз дегеннің бәрі фотоға түсу үшін өз идеясын ұсынып, күлкіге қарқ болды да қалды.


Қалай ойлайсыз?! Бұл клуб не үшін керек?!

· Біріншіден, қазақ блоггерлері арасында қазақ тілді ақпарат таратуда оза шауып, бәйге алатын буын керек;

· Екіншіден, журналистік жазу мен сұхбат алу, аудио мен бейне жасаудан да тереңірек үңіліп, медиа саласының көп біле бермейтін сырларын үйрену, тиімді құралдарын меңгеру;

· Үшіншіден, елдегі экономика саласын жақсы білетін және жүйелі түрде жаза алатын қаламы қарымды журналистер даярлау;

Бүгінгі сабақ біздің мақсатымызды ойға салып, кемшілігімізді ескертуден басталды. Одан соң әр сөзін «Түсіндіңдер ме?!» деп түйіндей аяқтайтын сыпайы лекторымыз Назира Бурханованың дәрісін тыңдап,топқа жаңадан қосылған шет тілдер университетінң студенті Мадина Беріковамен таныстық.Тізімде болса да, алғаш рет дәріске келген Айдос пен Ерзатқа орын іздеп, үш жылдық таныстығымыз бар Дарынның «филологияда» оқитынын да білдік.

Бүгінгі жиылыстың кереметтілігі неде?!

БІРЛІКТЕ. Барлығымыз біріге отырып, «Сочи-2014», «Жеңіске бірге жетеміз», «Алға Қазақстан», «Сочидан алтын күтеміз», «Жарайсың Денис» т.б. жазбаларды ұстап алып, суреттерге түстік.

Ақсәуленің «суретке қырындап түсу» туралы идеясы,тудың суретін ұстаған Бауыржанның бойы ұзын болса да кішілерден кезек күткені, Есдәулеттің өзгенің фотосын бұзатын қылығы,екі сұлуымыз Назгүл мен Ғазизаның суретке түскенде әдемі болып тұра қалатын тәжірибелілігі, тіпті барлығымыздың бір қабырғаға сүйеніп тұрып та, обьективке сыймай қалғанымыз арамыздағы алшақтықты жеңіп, достық ниеттің тиегі ағытылуына, мақсат жолымыздың бірігуіне негіз болған сынды.


ЖАУАПКЕРШІЛІКТЕ. Ербол ағайдың өз ісіне ұқыпты қарайтын азамат екенін білеміз. Бұл жолғы дәріс басталардан бұрын, бәріміздің интернеттегі жазбамызды көріп, біліп, тіпті тізімдеп қойғанына іштей разы болдық. Осы арқылы топта кімнің қалып, кімнің кетуі тиіс екенін әділ түрде айтып берді. Өзгесін былай қойғанда біз үшін жасалып жатқан жобаның жүрісін жақсартып, сенімді ақтау маңызды екенін сезінгеніміз рас.


СЕНІМДІЛІК. Болашаққа сеніммен қарай алдық, кіші еңбектің үлкен нәтижелерге жетелейтініне жүрекпен сендік. Осы клуб туралы естіген «өзгелер» бізге сенсе, біз өз кезегімізде өзіміздің алар асуымыз бен биікке жетелер күш-жігерімізге сенім арттық.


ТАМАША. Дәл осы темп-пен жалғастыратын болсақ, алдағы уақытта бұдан да үлкен жетістікке жетеміз. Іскер клуб, дүлділдеріңді баптауды жалғастыра бер!!!


Оцените пост

5