Алғашқы әскери дайындық: Президент Жолдауын іске асыру шеңберінде жастарды әскери қызметке әзірлеуге жаңа көзқарас

МО РК 2014 M01 30
361
0
0
0

Астанада алғашқы әскери дайындық пәнінің оқытушыларымен нұсқаулық-әдістемелік сабақтар өткізілді.Шараны астаналық қорғаныс істері жөніндегі департаменті мен білім беру басқармасы бірлесіп...

Астанада алғашқы әскери дайындық пәнінің оқытушыларымен нұсқаулық-әдістемелік сабақтар өткізілді.Шараны астаналық қорғаныс істері жөніндегі департаменті мен білім беру басқармасы бірлесіп ұйымдастырды. Үш күндік семинарға орта мектептер мен колледждердің оқытушылары қатысты.

Аталған сабақтар Мемлекет Басшысы – Қазақстан Республикасы Қарулы Күштері Жоғарғы Бас Қолбасшысының «Қазақстан жолы – 2050: Бір мақсат, бір мүдде, бір болашақ» атты кезекті Жолдауын жүзеге асыру шеңберінде өткізілді. Оқытушылар үш күн бойы мектептерде, колледждерде жас ұрпаққа қазақстандық патриотизм рухын қалыптастыруда тәрбие жұмысын жетілдірудің әдістері мен тәсілдерін үйренді.

Бір айта кететін нәрсе бүгінгі таңда қорғаныс ведомствосында әскери білім беруді жетілдіруге, сондай-ақ азаматтарды әскери қызметке әзірлеуді ұйымдастыруға баса назар аударылады.

Семинарға қатысушылар алдында сөз сөйлеген Бас штаб бастығының орынбасары полковник Мұхамеджан Таласов:
- Елбасы биылғы Жолдауында «Біздің болашаққа барар жолымыз қазақстандықтардың әлеуетін ашатын жаңа мүмкіндіктер жасауға байланысты. ХХ ғасырдағы дамыған ел дегеніміз – белсенді, білімді және денсаулығы мықты азаматтар». Сол себепті алғашқы әскери даярлық пәні оқытушыларының біліктілігін арттыру, сондай-ақ әскери-патриоттық және әскери-спорттық клубтардың санын арттыру Жоғарғы Бас қолбасшы қойған тапсырмаларды іске асыруға жасалған қадам болып табылады, – деп атап өтті.

Нұсқаулық-әдістемелік сабақтардың қорытындысы бойынша оған қатысушыларға сертификаттар мен оқушылармен сабақ жүргізу үшін оқу автоматтары табыс етілді.

ҚР ҚМ Баспасөз қызметі

Оцените пост

0
Дальше