Сочидегі Қысқы Олимпиада ойындары туралы

Kazsport agent January 27, 2014
436
0
0
0

Астанада қазақстандық делегацияның шеф-де-миссоны — ҚР Спорт және дене шынықтыру iстерi агенттiгi төрағасының орынбасары Елсияр Қанағатов Сочидегі Қысқы Олимпиада ойындарында жүлде алған Қазақстан...

Канагатов И.
Астанада қазақстандық делегацияның шеф-де-миссоны — ҚР Спорт және дене шынықтыру iстерi агенттiгi төрағасының орынбасары Елсияр Қанағатов Сочидегі Қысқы Олимпиада ойындарында жүлде алған Қазақстан спортшыларының сыйақы мөлшері жайында айтып берді.

Оның айтуынша, сыйақылардың көлемі 2012 жылғы Лондон Олимпиадасында бекітілген деңгеймен бюджет есебінен берілетін болады.

«Бірінші орын үшін — 250 мың доллар, екінші орын үшін — 150 мың доллар, 75 мың — үшінші орынға беріледі. Осылай алтыншы орынға дейін бара береді (30, 15, 5). Осындай қаржыға спортшылардың бас бапкерлері де алатын болады. Жалпы Олимпиадада алтыншы орынға дейінгі орындар жүлделі деп саналады», — дейді Е.Қанағатов.

Айта кетейік, Сочи Олимпиадасына қатысу құқығын Қазақстанның 50 спортшысы жеңiп алды. Ел намысын қорғайтын спортшылар қысқы спорттың 10 түрiнен қатыспақ. Соның iшiнде шаңғы жарысы мен биатлонда он-оннан, мәнерлеп сырғанаудан — 2, фристайл могулдан — 5, фристайл акробатикадан — 4, шорт-тректен — 6, конькимен жүгiруден — 6, сноубордтан — 1, тау шаңғысынан — 4, шаңғымен секiруден — 1 және шана жарысынан 1 жолдама бар. Сонымен қатар олармен бiрге 40 адам жаттықтырушы мен сервисмендер барады.

Сочи Олимпиадасы барысында қазақстандық спортшылардың қауіпсіздігі күшейтіледі.

Олимпиада ойындарына қатысушы спортшының қауіпсіздігін ең бірінші кезекте ресейлік тарап пен Халықаралық олимпиада комитеті бірге қамтамасыз етеді.

«Сіздер білесіздер, бұл үдерісті қадағалау шаралары күшейтілген, қауіпсіздік шараларына қойылатын талаптар да қатаңдатылған. Өз кезегінде біз Сочиде Қазақстан құрамасының қауіпсіздігі мәселелерін ҚР Спорт және дене шынықтыру істері агенттігі мен Ұлттық қауіпсіздік комитеті талқыладық. Біздің тарапымыздан әрбір спортшыны бақылау күшейтіледі. Бұл шаралар Сочи Олимпиадасының ұйымдастыру комитетімен бірлесіп жасалады», — деді Е.Қанағатов.

Айта кетейік, соңғы кездері БАҚ беттерінде Сочи Олимпиадасы барысында лаңкестік терактілер орын алуы ықтимал деген алыпқашпа әңгімелер көбейген. Еуропада бірқатар мемлекеттердің олимпиада комитеттеріне лаңкестік терактілер жасалатыны жөнінде қоқан-лоққыға толы хаттар келіп түскен.

Сочиде Қазақстан құрамасы кемінде екі жүлде алады деп жоспарлануда.

Қазақстандық спортшылардың Сочи Олимпиадасындағы жетістігі Ванкувер Олимпиадасының көрсеткішінен де жоғары болуы тиіс. Себебі 18 жылда қысқы спорт түрлерінен бірде-бір медаль алып көрмеген Қазақстан былтыр әлемдік біріншіліктерде бірнеше жүлде жеңіп алды.

«Болжам айту өте қиын. Бірақ былтырғы жылғы әлем және өзге де халықаралық турнирлердегі нәтижені көріп отырмыз. 18 жылда біз Әлем чемпионаттарында қысқы спорт түрлерінен медаль алып көрген жоқпыз. 2013 жылы Алексей Полторанин, Николай Чеботько, Денис Тен, Денис Кузин сынды спортшыларымыз әлемдік біріншіліктерде жоғары жүлделі орындарды алды. Меніңше, Сочиде медаль алатындай оларда әлеует бар», — деді Е.Қанағатов.

«Кем дегенде екі медаль — сондай талап құрама командаларымыздың алдына қойып отырмыз. Ол қандай медаль болады, оны сол спортшылар өзінің жетістігімен көрсете жатар, дегенмен кем дегенде екі медаль алу жоспарланып отыр. Фристайл-могулдан біздің Юля Галышева, Дмитрий Рейхард деген спортшыларымыз жақсы нәтиже көрсетіп жүр, шорт-тректен біз командалық эстафетада жас спортшыларымызға үміт арта аламыз», — деп түйді сөзін Е.Қанағатов.

Сочи Олимпиадасына қатысу құқығын Қазақстанның 50 спортшысы жеңiп алды
Ел намысын қорғайтын спортшылар қысқы спорттың 10 түрiнен қатыспақ. Соның iшiнде шаңғы жарысы мен биатлонда он-оннан, мәнерлеп сырғанаудан — 2, фристайл могулдан — 5, фристайл акробатикадан — 4, шорт-тректен — 6, конькимен жүгiруден — 6, сноубордтан — 1, тау шаңғысынан — 4, шаңғымен секiруден — 1 және шана жарысынан 1 жолдама бар. Сонымен қатар олармен бiрге 40 адам жаттықтырушы мен сервисмендер барады.

Спортшылар үш олимпиадалық қалашықта: тау шаңғысы, жағалаудағы олимпиадалық және қосымша тау бөктерiндегi қалашықтарда тұратын болады.

Сочидегі Қысқы Олимпиада ойындарында Қазақстан туын шаңғышы Ердос Ахмадиев ұстап барады.

 

Оцените пост

0