Көкшетауда әлемдік стандарттармен жабдықталған теннис орталығы ашылды,
деп хабарлады ҚР Теннис федерациясының баспасөз қызметінен.
Жаңа теннис клубында келушілерге барлық жағдай жасалған. Онда 3 ашық және 3 жабық теннис корты бар. Олардың барлығы да заманауи кәсіби жабындылармен жабдықталған. Айта кетерлігі, бұл спорт нысаны демеушілердің қаржысына салынған еліміздегі 7-ші теннис орталығы. Бұған дейін мұндай кешендер Алматы, Павлодар, Қызылорда, Өскемен қалаларында бой көтерген болатын.
Теннис орталығының ашылу салтанатына ҚР Теннис федерациясының президенті Б.Өтемұратов, аталған федерацияның вице-президенті Әділ Бөрібаев, Ақмола облысының әкімі Қосман Айтмұхамбетов қатысты.
АСТАНА. ҚазАқпарат - Автор: Марлан Жиембай