Серік Жұлтанов – арманы орындалған сақшы

dvd_sko 2013 M12 13
259
0
0
0

Ата-бабамыз аңсаған Тәуелсіздік таңына бүгінде 22 жыл толып отыр. Жылдар ағады, Тәуелсіздік Күнін тойлау маңыздылығы артады. Әдетте, 16 желтоқсанда ұйымдастырылатын түрлі мерекелік шаралар...

Ата-бабамыз аңсаған Тәуелсіздік таңына бүгінде 22 жыл толып отыр. Жылдар ағады, Тәуелсіздік Күнін тойлау маңыздылығы артады. Әдетте, 16 желтоқсанда ұйымдастырылатын түрлі мерекелік шаралар, кездесулер, кештерді Ел болып бірге тойлау дәстүрде бар. Ал ішкі істер органдарының қызметкерлері керісінше, қоғамдық тәртіпті қадағалаумен болады. Сондай жандардың бірі – М. Жұмабаев ауданы ІІБ учаскелік инспекторы, полиция лейтенанты Серік Жұлтанов.

16 желтоқсан Серіктің шаңырағында маңызды аталып өтіледі. Біріншіден, Тәуелсіздік Күні болса, екіншіден, өзінің туған күні. Тағдырдың жазғаны болар, бала кезінен полицияда қызмет етуді армандаған кейіпкеріміз, өмірінің соңғы жылдары бұл күндерді қызмет бабында өткеріп жүр.

Екі жоғары білімі бар Серік Жұлтанов, ішкі істер органдарындағы еңбек жолын СҚО мамандандырылған күзет қызметі басқармасы батальонының полицейі, сержанты ретінде бастаған. Мұнда екі жыл қызмет еткесін, осы жылғы Конституция Күні салтанатты түрде полиция лейтенанты шеніне қол жеткізеді. Бұған қоса, лауазымы да артып М. Жұмабаев ауданының ішкі істер бөліміне, аталмыш ауданның Авангард ауылдық округінің учаскелік инспекторы лауазымына тағайындалды.

Арманына ілесіп, полициядағы еңбек жолын одан әрі жетілдіру үшін бала-шағасын ауылда қалдырған. Айта кетейік, Серік Қызылжар ауданы Байсал ауданының тумасы. Дегенмен, отбасы отағасының қызметіне түсіністікпен қарайды және кейіпкеріміздің айтуы бойынша барлық бастамаларын қолдайды. Бұл оның өміріндегі басты жетістігі – сүйікті жанжары Динара және қызы Нұрсұлу мен ұлы Батырхан.

Учаскелік полиция инспекторының мақсаты – қоғамдық тәртіпті, қауіпсіздікті қамтамасыз ету. Әкімшілік аймақта қылмыстарды болдырмау және азаматтардың құқықтарын қорғау болып табылады.

Серік, өзіне қарасты аумағында қылмыс жиі жасалмайды деп тәубесіне келіп отыр. Бұл әрине қуантарлық жайт. Дегенмен келеңсіз жағдайларды болдырмау үшін, әсіресе мереке күндері күшейтілген түрде жұмыс істейміз дейді. 16 желтоқсан да сол күндердің бірі. Еш өкінетіні жоқ, себебі бұл тағдырды өзі таңдаған ол, қызметіне адал және асқан жауапкершілікпен қарайды.

Мұндағы айтқым келгені – тәртіп сақшыларының өмірінен сыр шерту. Біріміз кәдімгідей, жанұямыз не болмаса құрбыларымызбен мерекелерді тиісінше тойласақ, екіншіміз осы мейрамдардың жайлы өтуін қадағалайды. Бұл ретте полиция қызметкерлерінің үлесі зор. Серік Жұлтанов та солардың қатарында. Ендеше барлығы да ойдағыдай.

Айтулы мереке күні Серіктің 30 жасқа толу мерейтойы. Сондықтан оған мықты денсаулық, жанұялық береке, адал қызмет, қоғамдық тәртіпті орнатуда жетістіктерге жетуін тілейміз! Тәуелсіздігіміздің көк байрағы желбірей берсін!

Жан Айтмағанбетов,

СҚО ІІД баспасөз қызметі

Оцените пост

0