Қазақстан құрамасы әлемде екінші орында

Kazsport agent 2013 M11 27
195
0
0
0

Қол күрестен биылғы жылдың қорытынды турнирі «NEMIROFF WORLD CUP 2013″ коммерциялық турнирі Польшаның Варшава қаласында болып өтті. Бұл додадан Қазақстан бес алтын алды. Жүлде қоры — 31 400 доллар...

Қол күрестен биылғы жылдың қорытынды турнирі "NEMIROFF WORLD CUP 2013" коммерциялық турнирі

Қол күрестен биылғы жылдың қорытынды турнирі «NEMIROFF WORLD CUP 2013″ коммерциялық турнирі Польшаның Варшава қаласында болып өтті. Бұл додадан Қазақстан бес алтын алды.

Жүлде қоры — 31 400 доллар. Әлемнің 27 мемлекетінен 200 аса кәсіпқой спортшылар жарысқа түсті. Бұл турнир 13-ші рет жалауын көтеріп отыр. Кіші әлем чемпионаты саналатын додаға қол күрестің жілігінің майын ішкен Денис Цыпленков, Андерий Пушкарь, Қажымұрат Золоев секілді спортшылар бақ сынады. Турнирде спортшылар 63, 70, 78 , 86, 95, +95 келі дәрежесінде сынға түсті. Жарыстың алғашқы күні сол қол арасында жүлделер сарапқа салынды. Кәсіпқойлар арасында өткен турнирде 63 келіде қазақ елінің намысын турнирде ОҚО Шардара ауданының тумасы Әбілда Ержан қорғады. Ол финалда украиналық спортшы Ибришев Хайсерді айқым басымдылықпен ұтып турнирдің жеңімпазы атанып қоржынға алғашқы алтынды салды. 70 келіде тағы бір шардаралық спортшы Мағжан Шәмиев жақсы өнер көрсетіп финалдық бәсекеде ғана ресейлік Александр Ковальчукке жол беріп күміс медальға ие болды. Жартылай финал отандасы Мағжанға жол берген тағы бір қазақстандық спортшы Фароджов Вали қола медальға ие болды. 86 келі салмақта өнер көрсеткен Қыдырғали Оңғарбаев өзінен әлде қайда үлкен әккі спортшылардан басым түсіп жартылай финалда ресейлік Максим Черскийге жол беріп қола медальға ие болды. Жарыстың екінші күні бәсеке оң колдан өтті. 78 келі салмақ дәрежесінде шардаралық қол күрес шебері Шынболат Райханов қарсылас шақ келтірмеді. Жартылай финалда қазақстандық Жаналы Хасановтан басым түсті, ал финалда ресейлік спортшы Андрей Малаховты еркін ұтып қоржынға екінші алтын медаль салды. 70 келіде өнер көрсеткен спортшы Фароджов Вали финалда германиялық спортшыдан басым түсіп, үшінші алтынды қоржынға салды. 63 келіде оң қолдан өнер көрсеткен Ержан Әбілда финалда ғана ресейлік Максим Еңдубаевтан ұтылып, күміс медаль алды. Қыздар арасында өткен бәсекеде 52 келіде Татьяна Верина мен Дарья Вервитская алтын медальға ие болды. Қазақстан ұлттық құрамасын осы турнирге бастап барған аға жаттықтырушы шардаралық Арман Қарсыбаев пен Алиев Ахмедтің еңбектері орасан зор. Тағы да Қазақстан құрамасы өзінің армрестлингтен әлемде ойып тұрып орын алатынын тағы да бір рет дәлелдеді.
Жалпы бейресми командалық есепте 5 алтын 3 күміс 5 қола медальға ие болған Қазақ елі Ресейден кейін екінші орынға табан тіреді. Биылғы 2013 жыл қол күрес шеберлері үшін толағай табысқа жеткен жыл болды деп толық айта аламыз, деп хабарлады alaman.kz.

   

Оцените пост

0
Дальше