Астанада «Жасыл технологиялар: трансферт және енгізу» тақырыбындағы семинар-тренинг өткізілді

http://www.eco.gov.kz/new2012/KK/2013/11/100-27/ 2013 жылдың 21-22 қарашасында «Жасыл Академия» ғылыми-білім беру орталығында «Жасыл технологиялар: трансферт және енгізу» тақырыбындағы ҚР қоршаған...

http://www.eco.gov.kz/new2012/KK/2013/11/100-27/

2013 жылдың 21-22 қарашасында «Жасыл Академия» ғылыми-білім беру орталығында «Жасыл технологиялар: трансферт және енгізу» тақырыбындағы ҚР қоршаған орта және су ресурстары министрлігінің Су ресурстары комитетіне бағынысты кәсіпорындардың басшыларына арналған семинар-тренинг өтті.

Семинар Қазақстан Республикасының «жасыл» экономикаға көшуі жөніндегі Тұжырымдаманы іске асыру үдерісіне ақпараттық қолдау көрсету және су ресурстарын басқару саласындағы жаңа технологиялармен таныстыру мақсатында ұйымдастырылды.

Семинарға ҚР ҚОСРМ жауапты хатшысы  Анатолий Дерновой мен Латвияның Қазақстандағы Төтенше және Өкілетті Елшісі Юрис Маклаковс қатысты.

Қатысушылардың алдында сөйлеген сөзінде А. Дерновой Елбасының Үкімет және министрліктің алдына су ресурстары саласының проблемаларын 2050 жылға дейін толықтай шешуге байланысты қойған міндеттемелерін іске асыру үшін ең алдымен сектордың мемлекеттік басқару жүйесін нығайту қажеттігін атап өтті. Ведомствоның Қоршаған орта және су ресурстары министрлігі болып қайта ұйымдастырылуы – осы бағыттағы іс-қимылдың бастамасы ретінде қарастырылу керек.

Латвияның Қазақстандағы Елшісі Юрис Маклаковс екі елдің «жасыл» экономика саласындағы ынтымақтастығының мүмкіншіліктері жайлы баяндады. «Vega I» компаниясының өкілдері су секторында «жасыл» технологияларды енгізу бойынша жинақтаған тәжірибесімен бөлісті.

Семинарға қатысушылар алдында ҚР Статистика агенттігінің, Қазгидрометтің өкілдері және Еуроодақ пен Ресей сарапшылары сөз сөйлеп, трансшекаралық контексте су ресурстарын басқару, су объектілерінің ластану жағдайы, суды тиімді пайдалану индикаторларын енгізу, су үнемдейтін технологияларды пайдалану мәселелерін қозғады.

Семинар аясында «Казгидроводхоз» РМК басшыларының, сондай-ақ халықаралық сарапшыларының қатысуымен су ресурстарын пайдалану мәселелері талқыланған  «дөнгелек үстел» отырысы өтті. Отырыс барысында су ресурстарын басқару бағдарламасын әзірлеу, «жасыл» технологияларды енгізу және суды тиімді пайдалану  мәселелері қарастырылды.

«Дөңгелек үстел» отырысының қорытындысы бойынша семинарғы қатысушылар су секторындағы менеджментті жетілдіру бойынша ұсыныстар енгізді.

Семинарға қатысушылар арасында тестілеу өткізіліп, нәтижелері бойынша сертификаттар тапсырылды.

 

ҚР қоршаған орта және су ресурстары

министрлігінің баспасөз қызметі

 

Оцените пост

0
Дальше