ҚР Сыртқы істер министрінің орынбасары Алексей Волков БҰҰ Бас хатшысының арнайы өкілі Мирослав Енчемен кездесті

МИД РК 2013 M11 21
259
0
0
0

  ҚР БҰҰ Орталық Азия экономикасына арналған арнайы Бағдарламасына (СПЕКА) төрағалығы аясында 2013 жылғы 19-22 қараша аралығында Алматыда «Аймақтық ынтымақтастық негізіндегі жалпы және тұрақты даму»...

 

ҚР БҰҰ Орталық Азия экономикасына арналған арнайы Бағдарламасына (СПЕКА) төрағалығы аясында 2013 жылғы 19-22 қараша аралығында Алматыда «Аймақтық ынтымақтастық негізіндегі жалпы және тұрақты даму» тақырыбында СПЕКА Экономикалық форумы және СПЕКА Жетекші Кеңесінің сессиясы өтуде.

БҰҰ Орталық Азия экономикасына арналған арнайы Бағдарламасы 1998 жылы ҚР Президенті Н.Назарбаевтың бастамасымен жасап шығарылған болатын. Қазіргі таңда оны жүзеге асыруға Қазақстан, Қырғызстан, Тәжікстан, Түрікменстан, Өзбекстан, Әзірбайжан және Ауғанстан қатысуда.

СПЕКА БҰҰ Еуропалық Экономикалық Комиссиясы мен БҰҰ Азия мен Тынық мұхит елдеріне арналған Экономикалық және Әлеуметтік Комиссиясының ұйымдастыру және сараптамалық қолдауымен жүзеге асырылады. Оның мақсаты аталған мемлекеттерге олардың өзара ынтымақтастығын тереңдетуге, экономикалық дамуын ынталандыру мен Еуропа мен Азия экономикасына интеграциялауда ықпал жасау.

СПЕКА кедейлікпен күрес, су-энергетикалық ресурстарды рационалды және әділ қолдану, сыртқы сауданы кеңейту мен кедендік рәсімдерді жеңілдету, көлік инфрақұрылымын жетілдіру, сонымен қатар «жасыл» экономиканы дамыту секілді басты бағыттарда ынтымақтастықты нығайтудың маңызды механизмі болып табылады.

Аталған іс-шара шеңберінде (2013 жылғы 21 қараша) ҚР Сыртқы істер министрінің орынбасары Алексей Волковтың БҰҰ Бас хатшысының арнайы өкілі, БҰҰ Орталық Азия бойынша превентивті дипломатия жөніндегі Аймақтық Орталығының Басшысы Мирослав Енчемен кездесуі өтті.

Тараптар Ауғанстанмен екіжақты, сондай-ақ көпжақты форматтарда ынтымақтастықты дамыту, Орталық Азия елдерімен өңірлік әріптестік мәселелері жөнінде пікір алмасты.

mfa.gov.kz

Оцените пост

0