- Халықаралық келісімге сәйкес Қазақстандық бітімгерші әскерлер құрамы Ресей Федерациясының аумағында өтіп жатқан «Мызғымас бауырластық-2013» бітімгершілік оқу-жаттығуына қатысуда.
Кез келген оқу-жаттығу әскери қызметшілер жауынгерлік дағдысының жоғары үлгісі болып табылады. Еліміздің Президенті – біздің Жоғарғы Бас Қолбасшымыз, Қорғаныс министрі бітімгершілік контингентті даярлау мен жарақтандыруға айрықша көңіл бөледі.
Бітімгершілік оқу-жаттығуының басты мақсаты – бітімгершілік міндеттерді орындау, осы оқу-жаттығуға қатысатын түрлі бітімгершілік контингенттердің үйлесімділігін пысықтау. Мен бітімгершілік құрамның, жарақтануы, қару-жарағы, техникасы, біздің бітімгершілік контингенттің машықтануы барлық халықаралық стандарттарға сай келетінін атап өткім келеді. Қазақстандық әскери қызметшілердің жеке құрамы бітімгершілік контингенттің алдында тұрған барлық жаттығу жауынгерлік міндеттерді орындауға қатысты. Ол міндеттер - қарсылас тараптардың арасын ажырату, буферлік аймақ қалыптастыру, жауапкершілік ауданын қоршап алу және оқшаулау, гуманитарлық жүктерге ілесіп жүру және т.б.
Оқу-жаттығу басшылығы қазақстандық әскери қызметшілердің жақсы даярлығын атап өтуде – барлық міндеттер сапалы әрі жоғары бағаға орындалды.