Қазақстан Республикасы мен Беларусь Республикасы арасындағы Қазақстан Республикасы азаматтарының Беларусь Республикасының аумағында және Беларусь Республикасы азаматтарының Қазақстан Республикасының аумағында болу тәртібі туралы келісімге, сондай-ақ Қазақстан Республикасының Үкіметі мен Беларусь Республикасының Үкіметі арасындағы реадмиссия туралы келісімге және Қазақстан Республикасының Үкіметі мен Беларусь Республикасының Үкіметі арасындағы реадмиссия туралы келісімді іске асыру тәртібі туралы атқару хаттамасына қол қою туралы БАСПАСӨЗ-РЕЛИЗІ
Ағымдағы жылғы 4 қазанда Астана қаласында Беларусь Республикасының Президенті А.Н. Лукашенконың Қазақстан Республикасына ресми сапары барысында Қазақстан Республикасының Ішкі істер министрі Қ.Н. Қасымов пен Беларусь Республикасының Ішкі істер министрі И.А. Шуневич Қазақстан Республикасы мен Беларусь Республикасы арасындағы Қазақстан Республикасы азаматтарының Беларусь Республикасының аумағында және Беларусь Республикасы азаматтарының Қазақстан Республикасының аумағында болу тәртібі туралы келісімге, сондай-ақ Қазақстан Республикасының Үкіметі мен Беларусь Республикасының Үкіметі арасындағы реадмиссия туралы келісімге және Қазақстан Республикасының Үкіметі мен Беларусь Республикасының Үкіметі арасындағы реадмиссия туралы келісімді іске асыру тәртібі туралы атқару хаттамасына қол қойды.
Болу тәртібі жөніндегі Келісімнің мақсаты Қазақстан Республикасының азаматтары мен Беларусь Республикасы азаматтарының Тараптардың аумағында 30 күн ішінде Тараптардың құзыретті органдарында міндетті тіркеусіз болуының жеңілдетілген тәртібін белгілеу болып табылады.
Реадмиссия туралы келісім мен оны іске асыру тәртібі туралы атқару хаттамасы Қазақстан Республикасы мен Беларусь Республикасының аумағында заңсыз жүрген адамдарды анықтау және оларды қайтару рәсімдерін, сондай-ақ осындай адамдарды транзиттеуге көмек көрсетуді айқындайды.
Ішкі істер министрлігі