Қазақстан Қорғаныс министрлігі кәсіби армияға көшудің Тұжырымдамасын талқылауда

МО РК 2013 M10 2
245
0
0
0

Қорғаныс министрлігінде Қазақстан Қарулы Күштері Бас штабы бастығы генерал-полковник Сәкен Жасұзақовтың жетекшілік етуімен Қазақстан Қарулы Күштерінің басшы құрамы қатысқан конференция өткізілді. –...

Қорғаныс министрлігінде Қазақстан Қарулы Күштері Бас штабы бастығы генерал-полковник Сәкен Жасұзақовтың жетекшілік етуімен Қазақстан Қарулы Күштерінің басшы құрамы қатысқан конференция өткізілді.

– Кәсіби армияға өтуге байланысты әскерлердегі жауынгерлік оқуды жетілдірудің жаңа жолдарын іздестірудің қажеттігі артып отыр,-деді ҚР ҚК Бас штабының бастығы. – Әсіресе, жауынгерлік даярлық параметрлерін сапалы түрде өзгертудің әдіс-тәсілдерін қазіргі заманғы даму үрдісін ескере отырып, ұйымдастыру мен өткізудің қажеттілігі өсті. – Біз шетелдік армиялардың ең үздік тәжірибесіне сүйендік.

Конференция барысында Қарулы Күштердің құрылымдары мен әскери бөлімдеріндегі қазіргі кезеңдегі кәсіби армияға өту шарттары бойынша жауынгерлік әзірлікке талдаудың көрсеткеніндей әскерлердегі бүкіл жауынгерлік дайындық жүйесін жетілдіруде жауынгерлік дайындықтың нормативтік-құқықтық базасын қайта қараудың қажеттілігі туындайтындығы атап өтілді.

Армия сапына келісімшарт бойынша әскери қызметшілердің келуі мерзімді қызметтің сарбаздарына арналған кейбір жауынгерлік әзірлік бағдарламасына өзгерістер енгізуді қажет етеді.

Қарулы Күштердегі жауынгерлік дайындық жүйесін жетілдіру мақсатында Қорғаныс министрлігінде кәсіби армияның жауынгерлік дайындығын қамтитын бірқатар жаңа бағдарламалар жасалды. Оларды одан әрі тәжірибе түрінде қолдану жоспарлануда.

Кәсіби армияға көшудің басты мақсаты құрамалар мен әскери бөлімдердің жауынгерлік дайындығын Ел Президенті – Қарулы Күштердің Жоғарғы Бас қолбасшысы Н.Назарбаевтың «Қазақстан-2050» стратегиясы –қалыптасқан мемлекеттің жаңа саяси бағыты» Жолдауындағы қорғаныс қабілеті мен қауіпсіздікті қамтамасыз ету жөніндегі  тапсырмаларды орындауды қамтамасыз ететін деңгейде ұстап тұру болып табылады.

ҚР ҚМ Баспасөз қызметі

Оцените пост

0
Дальше