Әскерилер жалпықалалық сенбілікке бір кісідей қатысты

МО РК 2013 M09 21
237
0
0
0

Астана қаласында өткізілетін жалпықалалық сенбіліктерден Қорғаныс министрлігінің әскери қызметшілері тыс қалып көрген емес. Бүгін ұйымдастырылған сенбілікте де әскерилер астаналықтармен бірге бір...

Астана қаласында өткізілетін жалпықалалық сенбіліктерден Қорғаныс министрлігінің әскери қызметшілері тыс қалып көрген емес. Бүгін ұйымдастырылған сенбілікте де әскерилер астаналықтармен бірге бір кісідей ат салысты.

 

 

Олардың күшімен қалалық әкімшілік бекітіп берген халықаралық әуежай ауданындағы территория тазартылып абаттандырылды. Офицерлер мен келісімшарт бойынша әскери қызметшілер белгіленген аумақпен қоса Қорғаныс министрлігі ғимаратына жақын маңдағы участоктерде жұмыс істеп қала көркінің арта түсуіне қомақты үлес қосты.

   

Жалпықалалық сенбілікке әскери қызметшілердің бір кісідей қатысуына ұйытқы болған Қазақстан Республикасы Қарулы Күштері Бас штаб бастығының орынбасары – Тәрбие және идеологиялық жұмыстар департаментінің бастығы полковник Мұхамеджан Таласов белгіленген аумақта жұмыс көрігін қыздырып жүрген әскерилердің арасында болып, атқарылған жұмыстардың жай-күйін жоғары бағалады.

   

- Қорғаныс министрлігіне қалалық әкімшілік бекітіп берген халықаралық әуежай ауданындағы аумақты сенбілік өткізілген сайын әскери қызметшілеріміз келіп тазартып жүр. Офицерлеріміз бен қызметшілеріміздің бүгінгі сенбілікке бір кісідей қатысуының өзі көңілге қуаныш ұялатады. Себебі олар Астананың көркеюі еліміздің көркеюі екендігін жақсы түсінеді,-деді ҚР ҚК Бас штаб бастығының орынбасары.

   

Әскери қызметшілер сенбілік кезінде нағыз әскерилерше қимыл танытып, берілген тапсырманы дер кезінде жылдам әрі сапалы орындады.

   

ҚР ҚМ Баспасөз қызметі

Оцените пост

0