Қорғаныс министрі Әділбек Жақсыбеков Ақтау гарнизонында болып қайтты

МО РК 2013 M09 20
319
0
0
0

Қазақстан Республикасының Қорғаныс министрі Әділбек Жақсыбеков Ақтау гарнизонына жұмыс сапарымен барып қайтты. Қорғаныс ведомствосының басшысы сапар барысында Ақтау гарнизонының инфрақұрылымын...

Қазақстан Республикасының Қорғаныс министрі Әділбек Жақсыбеков Ақтау гарнизонына жұмыс сапарымен барып қайтты.

Қорғаныс ведомствосының басшысы сапар барысында Ақтау гарнизонының инфрақұрылымын, әскери бөлімдердегі бірқатар әскери нысандарды аралады, әскери қызметшілердің қызмет жағдайларымен танысты, бөлім командирлерімен кездесті.
Әділбек Жақсыбеков жұмыс сапарын зымыранды-артиллериялық қару-жарақ қоймасынан бастады. Мұнда ол қару-жарақты сақтау, оны күзету мәселелерімен танысып, теңіз жаяу әскерлері орналасқан базаға бет түзеді. Әскери ведомство басшысы әскери қызметшілердің әлеуметтік тұрмыстық жағдайымен танысып, әскери техникалардың жай-күйін тексерді.
Мемлекет басшысы – Қарулы Күштердің Жоғарғы Бас қолбасшысы Н.Ә. Назарбаевтың саясатын басшылыққа ала отырып, Қорғаныс министрлігі еліміздің қорғаныс өнеркәсібі кешенін дамытуда айтарлықтай шараларды жүзеге асыруда.   2013 жылғы 30 сәуірде «Орал зауыты-Зенит» АҚ жаңадан құрастырып суға түсірген зымырандық-артиллериялық «Орал» кемесі Әскери-теңіз күштерінің сапын толықтырды. (Анықтама: кеменің толық су сыйымдылығы 250 тоннаға жуық. Отандық кеме озық үлгідегі заманауи қару-жарақтармен және новигациялық-штурмандық байланыс құралдарымен толық жабдықталған. Келешекте осындай кемелердің Қазақстан Республикасы Қарулы Күштері Әскери-теңіз күштеріне пайдалануға берілуі жоспарланған).
Әділбек Жақсыбеков отандық әскери кеменің ішін аралап, теңізшілермен тілдесті. Министр жеке құрамның жауынгерлік дайындығының деңгейін және отандық кеменің техникалық мүмкіндіктерін, әсіресе  автоматтандырылған  басқару жүйесін  жоғары бағалады.
- Бүгін біздің армия қазіргі заманғы қару-жарақпен және әскери техникамен жабдықталған. Президент Нұрсұлтан Назарбаев «Қазақстан-2050» Стратегиясы» Жолдауында Қарулы Күштер алдына  нақты – қорғаныс қабілетін нығайту тапсырмасын қойды. Біздің  ұрысқа қабілеттілігімізді сипаттайтын көрсеткіштердің бірі – біздің әскери кемелер болып табылады,- деп атап өтті Әділбек Жақсыбеков.
Қорғаныс ведомствосының басшысы әскери  кемелердің Ақтаудағы тұрағының  құрылысын іске асырудың  механизмдерімен танысып, Әскери-теңіз күштерінің оқу орталығын аралады.
Әділбек Жақсыбековтің келесі аралаған нысаны әскери қызметшілер ғана емес олардың отбасы мүшелері де айналысатын спорт кешені болды. Министр әскерилер қашанда спорттық бабында болуы  керектігін атап өтті.
Әділбек Жақсыбеков сапар барысында әскери қызметшілердің әлеуметтік-тұрмыстық жағдайына баса назар аударып, басшыларға сарбаздар мен офицерлердің әлеуметтік мәселесі тұрақты бақылауда болуы жөнінде тапсырма қойды.
 

ҚР ҚМ Баспасөз қызметі

 

Оцените пост

0
Дальше