Ғажайып аралға саяхат

Liya Moses 2013 M09 19
1589
1
1
0

Таңғы 5:30-да ұялы телефонның қоңырау сағаты жұбайыларды ұйқыларынан оятты. "Тағы 5 минут..." деген ой біріші келгенімен, күйеуінің: "Аэропортқа жетуіміз керек!!!" деген сөзі бұлардың бүгін сапарға...

Таңғы 5:30-да ұялы телефонның қоңырау сағаты жұбайыларды ұйқыларынан оятты. "Тағы 5 минут..." деген ой біріші келгенімен, күйеуінің: "Аэропортқа жетуіміз керек!!!" деген сөзі бұлардың бүгін сапарға ұшатынын есіне түсірді. Екеуі атып тұрып, ваннаға қарай жүгірді.

Ол таңда шапшаң болмайтын. Мең-зең, шалаұйқы, күйеуіне таңғы асты да әзірлеуге шамасы жоқ еді. Қайта таңғы асты (сүтпен араластырылған жүгері қауыздарын) күйеуінен күтетін.

Шайдан соң ұйқыларынан мүлдем оянған екеуі чемодандарын алып, тысқа шықты.

Олар автобус аялдамасына қарай тартты. Бүгін аэропортқа автобуспен баруы бірінші рет еді. Осы автобустар таңғы 6-да жүре ме деген күмәндары да жоқ емес. Әйтеуір, Гуглдың айтуынша, 10 минутта келуі тиіс.

Автобус та келді. Автобуста адамдар да бар екен, көбісі мексикандықтар. Олар мейрамханаларда, тағы басқа жерлерде аспаз, ыдыс жуушы сияқты физикалық қызмет жасайды. Құмырсқа сияқты еңбекқор да, қара күштері көп. Бір қария мексикандық оған: "Бас киімің әдемі екен!" деп комплимент айтты.

Олар бір сағаттан кейін аэропортқа да жетті. Құжатты тексерген офицер оның үлкен ақ панамасына қарап: "-Сендер қыздар бүгін бәрің үлкен панама киіп алғансыңдар ғой? Қайда жол тартасыз?", - деді. "-Гавайиға!", - деді ол қуана. Гавайиға бұл баруы алғашқы рет.

Ұшақ сәл-пәл сілкінулерден кейін, Мауи аралының аэропортына қонды. Адамдардың жүздері күлімсіреп, келе жатқан демалысты бастауға әзір екені аңғарылады.

Ұшақтан түсе сала ыстық та ылғал ауа біртүрлі үйреншіксіз, аптап қыздырып барады. Үлкен ақ панаманы киіп келгені қандый жақсы!

Машинаны жалға беретін жерге келіп, машиналады таңдай бастайды. Аптап ыстықтан ба, қызмет көрсетуші қыздың ынжықтығынан ба, күйеуінің шыдамы таусылып бір дәу сұр Мазда 6-ны таңдады. Екеуі де бұл таңдауға мәз емес. Жарайды, әйтеуір жүріп тұрса, баратын жеріне жеткізсе болды.

Біраздан соң қонақ үйлеріне де жетті. Ол Пайиа деген ауданда орналасқан. Бұл хиппилердің ұнатып, жайғасып алған жерлері екен. Көшеде екі хиппи қыз өздерінше бір әшекейлерді сатып отыр. Жолдың арғы жағында бір голландиялық сүт сауушы қыздың киімін киіп алған әйел "Хари Кришна" деп ән салып жатыр. "Бұлар жайларымен жүріп, бізге жабыспаса игі" деп ойлады ол.

Қонақ үй - екі қабатты, кішкентай ғана үй. Көріксіз көрінгенімен интернеттегі сипаттамалары өте жақсы. Сыртқы есігі даладағы нешетүрлі хиппилер кірмесін деп, әрқашан кілттеулі екен. Ресепшндеғы қыз оларды ішке кіргізді. Алайда бөлме әлі дайын емес деп, үш сағат күтуді сұрады. Бұл уақытта бұлар жолдың ар жағындағы балық маркетіне барып, Гавайидің дәмді балығына тойып алды.

Үш сағаттан кейін бөлмелері де дайын болып, екеуі номеріне барып жайғасты. Бөлме тар екен. Есікті ашқанда жарты метрден кейін кереует басталып, сонымен бөлме бітеді. Бөлменің ішіндегінің бәрі кішкентай ғана. "LCD телефизор бар" деп аузын толтырып айтқан ресепшн қыздың суреттеген телефизоры қабырғадағы орташа суреттен үлкен емес. Өзіңді Париждегідей сезінесің. Париждегі люкс номер осындай болады екен.

Кешке олар Мауидің ең атақты мейрамханасына барды - Feast at Lele (Леледегі той). Жай мейрамхана емес, бұл шоу. Келгендердің бәріне мойындарына орхидеялардан жасалған герлянданы тағады. Бұтына тек орамал орап алған келбетті де модель мүсінді официант бұларды отыратын столына жеткізді. Шоу да, ас та бәріне бір уақытта басталады. Официант мәзірді ұсынды. Төрт бөлімнен тұратын мәзір белгісіз тағамдардың, ингредиенттердің аттарына толы. Әр бөлім бір аралдың атына сәйкес келеді - Гавайи, Аотеароа, Самоа, Таити.

Күн бата бастағанда жүргізуші шығып Гавайидің тарихын баяндап берді. Гавайиға бірінші аяқ басқан адамдар - Полинезиялыңтар. Олар осы ғасырдың 200-600 жылдарында бұл аралдарға жүзіп келді. Жұлдыздарға қарап, қайықпен мыңдаған шақырым жерді жүзіп өткен! Қандай батылдық десеңізші!

Шоу немесе той әр аралдың тақырыбында болып, түрлі билер көрсетілді. Сол арал бөлімінен мәзірден барлық тағамдар әкелінді. Той деп осыны айт!

Жауды қорқыту үшін полинезиялықтардың еркектері тілдерін көрсетеді екен.

Түнгі он екіден кете он екі тағамды жеп, он екі биді тамашалаған бұл екеуі қонақ үйлеріне қайтты. Ертең жаңа күн. Ертең де ерте тұру керек. Бұл туралы келесі жазбада айтылады.

Оцените пост

1
Дальше