Шығыс Қазақстан облысы IX Қазақстан чемпионатында ұлттық ат спорты ойындары түрлерінен жеңімпаз атанды

Kazsport agent 2013 M08 18
285
0
0
0

ҚАРАҒАНДЫ. ҚазАқпарат — 11-16 тамызда Қарағанды облысы Қарқаралы ауданында өткен IX Қазақстан чемпионатында жастар арасында ұлттық ат спорты ойындары түрлерінен Шығыс Қазақстан облысының командасы 1...


IX Қазақстан чемпионатында ұлттық ат спорты ойындары
ҚАРАҒАНДЫ. ҚазАқпарат — 11-16 тамызда Қарағанды облысы Қарқаралы ауданында өткен IX Қазақстан чемпионатында жастар арасында ұлттық ат спорты ойындары түрлерінен Шығыс Қазақстан облысының командасы 1 орынды иеленді.Жарыс нәтижелерін Қарағанды облысы дене шынықтыру және спорт басқармасының баспасөз қызметі хабарлады.  

«Командалық есепте 1 орынды Шығыс Қазақстан облысы иеленді. Жамбыл облысы — 2 орында, Оңтүстік Қазақстан облысы — 3 орында», — делінген хабарламада.

Жарыс төрт ұлттық спорттың түрі бойынша өтті: көкпар, аударыспақ, қыз қуу және теңге ілу. Чемпионатқа Астана және Алматы қалаларынан және 8 облыстан: Ақмола, Оңтүстік Қазақстан, Жамбыл, Қызылорда, Батыс Қазақстан, Павлодар, Алматы, Қарағанды облыстарынан келген командалар қатысты. Жалпы алғанда, 300-ден астам спортшы сайысқа түсті.

Жүлде қоры 2 млн 130 мың теңгені құрады.

Көкпарда бірінші орынды Жамбыл облысының спортшылары алды. Екінші орынды Шығыс Қазақстан облысы иеленді, үшінші орын — Алматы облысының еншісінде.

Аударыспақ бойынша жарыста бес «алтын» медальдің төртеуін Шығыс Қазақстан облысының спортшылары және біреуін Оңтүстік Қазақстан облысының өкілі жеңіп алды.

Қыз қууда Шығыс Қазақстан облысының жұбы: Еркеназ Әйтімова мен Дарын Жанбазаров үздік шықты. Екінші орында — Сандуғаш Садықова мен Ерсейіт Қамалов (ОҚО), үшінші орында — Салтанат Байқұмақова мен Жансерік Жамкөз (Жамбыл облысы).

Теңге ілуде тағы да Шығыс Қазақстан облысының спортшысы Сәлімжан Иманхан жеңіске жетті. Екінші орынды Жамбыл облысынан келген Айдын Әшімжан және үшінші орынды қарағандылық Бейімбет Сембаев иеленді.

12 тамызда өткен салтанатты ашылу рәсіміне қазақстандық Ұлттық спорт түрлері қауымдастығының бірінші вице-президенті Бекболат Тілеухан, қазақстандық Ұлттық спорт түрлері қауымдастығының атқарушы директоры Ерлен Оспанов, ұлттық спорт түрлері бойынша мемлекеттік жаттықтырушы және ҚР еңбек сіңірген жаттықтырушысы Рамазан Сәттібай қатысты.

 

Оцените пост

0