Қазақ сериалдарының несіне қызығамыз?

Алия 2013 M08 16
5533
10
7
0

Соңғы бес жылдың ішінде отандық қазақтілді сериалдар теленарықта өтімді тауар қатарына қосылып бара жатқандай. Көруге тұрарлық та, сапасы нашарлары да бар.

Соңғы бес жылдың ішінде отандық қазақтілді сериалдар теленарықта өтімді тауар қатарына қосылып бара жатқандай. Көруге тұрарлық та, сапасы нашарлары да бар. Алайда, сұраныс арқасында пайда болып жатқан шытырман телехикаялар кәріс пен түрік сериалдарына бәсекелес бола ала ма?

«Айналайын»


Шыққан жылы: 2011

Жанры: комедия, отбасылық кино

Продюсер: Ақан Сатаев

Сценарист: Берік Сабыржанов

Режиссерлері: Болат Қалымбетов, Серікбол Өтепбергенов, Қанағат Мұстафин, Қымбат Тілеуова

Рөлдерде: Ғазиза Әбдінәбиева, Қадырбек Демесин, Ержан Жарылқасынұлы, Бекжан Тұрыс, Гүлжамал Қазақбаева, Данагүл Темірсұлтанова, Азат Сейтметов, Бауыржан Каптагаев, Роза Рымбаева, Жанат (Жан) Байжанбаев, Жанна (Жаннат) Қуанышева, Майя Веронская, Камилла Ермекова

Ұлттық арна эфиріндегі «Айналайын» сериалын отбасылық киноға жатқызуға болады. Сериал ауылдық адамдардың қала өміріне үйренудегі және қалалықтардың ауылдан келген туыстарын түсінудегі қиыншылықтарын сипаттайды. Ауыл мен қаланың айырмашылығын көрсететін сериал болса да, «Айналайын» әлеуметтік теңсіздік пен қарсыластықты емес, керісінше, спецификалық ерекшеліктерді позитивті тұрғыдан баяндайды. Сериал бір отбасы өміріндегі оқиғаларға негізделген.

«Базарбаевтар»


Шыққан жылы: 2012

Жанры: оқиғалық комедия (ситком)

Бас продюсері: Нұрлан Қоянбаев

Cценарий: Нұрлан Қоянбаев, Нұрдәулет Шертім, Жәмит Көшербаев

Қоюшы режиссер: Стас Булов

Рөлдерде: Бекжан Тұрыс, Райхан Калиолдина, Нұрдәулет Шертім, Аида Жантілеуова, Дастан Қалдыбаев, Нұрлан Қоянбаев, Нұржан Тутов, Күнсұлу Тұрғынбекқызы, Бақыт Әліпбаева.

Ситкомның оқиғасы Алматыдағы қарапайым үшбөлмелі пәтерде өтеді: Саламат пен Айғаным және балалары – Шерәлі, Арсен, сондай-ақ, бірінші курс студенті Гүлнәр. Отағасы Алматы метросының құрылысына белсенді атсалысып жатқан маман, бригадир, Айғаным белгілі тележүргізуші, сондай-ақ,  туған-туыс, құда-құдағилармен ішкі-сыртқы саясат сияқты барлық мәселені қадағалап отыратын ханым. Үлкен ұлы Шерәлінің жасы 25-те. Ол болашағынан үміт күттіретін футболшы. Ортаншы ұлы – Ералы Кембридждің студенті, кіші ұлы Арсенді  көршілер мен мұғалімдердің бәрі жақсы көреді, ал Гүлнәр әкесінің сүйікті қызы.

«Тағдыр»


Телехикая трейлері


"Тағдыр" телехикаясы жайында

Шыққан жылы: 2013

Жанры: драма

Бас продюсері: Ақан Сатаев

Режиссері: Айдан Сахаман

Сценарий: Берік Сабыржанов

Рөлдерде: Алдабек Шалбаев, Дулыға Ақмолда, Раушан Байзақова, Асхат Тишибаев, Жанел Мақажанова, Еркебұлан Дайыров, Зарина Карменова.

Теленовелла желісі 1992 жылы ауылдың ең құрметті адамы Қалиханның әйелі босану үстінде қайтыс болуынан басталады. Нәрестенің атын Жұлдыз қойып, оның тәрбиесін баланы дүниеге әкелген дәрігердің жесірі Шарипа қолға алады. Шарипа қызы Айданамен бірге Қалиханның үйіне көшіп келеді. Жиырма жылдан соң Айдана мен Жұлдыз оқуға түсіп, әрқайсысының ересек өмірі басталып кетеді. Бірінің махаббат хикаясы бақытты отбасы құрумен аяқталса, екіншісі үшін тойға дайындық үлкен трагедияға айналады. Жиырма сериядан кейін көрермендер барлық жұмбақтардың жауабын табады: Айдананың әкесі өліміне кім кінәлі? Қыздардың қайсысы өз шынайы махаббатын табады?

«Ағайынды»

Шыққан жылы: 2009

Жанры: драма

Продюсері: Берік Сабыржанов

Режиссері: Ақан Сатаев

Сценарий: Тимур Жақсылықов

Рөлдерде: Берік Айтжанов, Нұрлан Әлімжанов, Ануар Нұрпейісов, Майра Омар, Айдос Бектеміров, Жан Байжанбаев, Алмагүл Рулас, Мұрат Бисенбин, Саят Исембаев.

«Ағайынды» сериалын заманауи алғашқы қазақ сериалы деуге болады. Алғашында «Хабар», «Қазақстан» кейін «Астана» арналарынан берілді. Бірінші сериясынан-ақ ол көрермендерін баурап алды. Атынан көрініп тұрғандай сериал қарапайым қазақ отбасындағы ағайындылар жайлы. Үш ағайынды — үш түрлі тағдыр. Керемет актерлік құрамы, қонымды диалогтары мен қызықты сюжеті сериалды расында тек алғашқы емес, ең үздік қазақ сериалына жатқызады. Ал Бекболат Тілеухановтың орындауындағы саундтрек «Ағайынды»-ларды тіпті халықтың сүйікті сериалына айналдырды.

«Достар»

Шыққан жылы: 2013

Жанры: оқиғалық комедия (ситком)

Актерлер: Санам Реваева, Дастен Шакиров, Іңкәр Әбдраш, Шерәлі, Сәбит Мұстафа, Жұлдыз Маханова, Жұлдызай Болатова, Арман Сандыбай.

«Достар» сериалы отандық телехикаялар өміріне жаңа леп алып келді. Батыстық түсіру стилі, қызықты сюжеттер мен тартымды актерлер. Бір көргеннен сериалға қызығушылық артады. Мәнісінде сериалда еліміздің беделді, алдыңғы қатарлы оқу ордасының студенттерінің күнделікті өмірі, болашаққа жасаған жоспары мен қарапайым ғана адами қарым-қатынасы туралы көрсетіледі. Оны көріп отырып, шын мәнісінде кейіпкерлерге болысып кетесің. Ал ол дегеніміз көптеген отандық телехикаяларда жоқ нәрсе.

 

«Үй болу қиын»


Шыққан жылы: 2012

Жанры: оқиғалық комедия (ситком)

Рөлдерде: Зарина Карменова, Данияр Толбасы, Гүлбаушан Тілеубекова, Гүлжан Қалыбаева, Сафуан Шаймерденов, Ерболат Оспанқұлов, Мұхамеджан Мұрзакеев, Күнсұлу Шаяхметова, Бауыржан Қаптағай, Мұрат Нұрасилов.

Ауылдық жігіт пен қалалық қыздың отау құрып, бір шаңырақ астындағы қызықты өмірлері көрсетіледі. Бұл сериалда басты рөлдегі Жанельдің рөлін сомдаған Зарина Карменова керемет ойнап шыққан. Қарапайым өмірдегі кикілжіңдер, реніштер, қуаныштардың сан алуандығы расымен де үй болу қиын тақырыбын жақсы ашқан.

Ал сіздің сүйікті телехикаяңыз қандай?

Материалды дайындаған: Айжан Байтанова,

Айжан Кәрібаева

Оцените пост

7

Комментарии

0
Базарбаевтар жақсы комедия! Қалғандарды білмейм көрмедім)))
0
қызық екен )
0
агайындыдан баскасы 3шi сорт
0
Осы телехикаялар DVD дисктерде сатыла ма екен? "Достар" өте қызықты екен, бірақ теледидардан көруге ыңғайсыз.
0
Казахстанские сериалы...сериалы в Казахстане....калька с российских, ну это просто здец конечно))
Показать комментарии