Қарағандылық «Шахтер» футбол клубының бас бапкері Виктор Кумыков албаниялық «Скендербеу» клубымен өтетін ойын алдындағы баспасөз мәслихатын өткізді, деп хабарлайдыSports.kz.
– Бізге қарсылас командамен ғана емес, ылғал және ыстықпен де күресуімізге тура келеді. Мұндағы ауа райын өздеріңіз көріп тұрсыздар, мұның барлығы ойынға өз әсерін тигізеді. Ауыр болатыны анық. Бірақ бастысы – өз басымдылығымызды қорғау керек, – деп атап өтті Виктор Кумыков.
– Ертең ойын көбіне психологиялық сипатта болмақ. 3:0 есебі мазасызданбауға себепші болуы мүмкін. Футболда мысал көп. Осы орайда қандай жұмыстар жүргізілді?
– Біз бірінші ойыннан кейін-ақ бірден осы бағытта жұмыс істей бастадық. «Бобруйск» пен «Тирандар» клубтарын, өзіміздің «Ақтөбе» 3:0 бола тұра, кейін 3:4 есебімен жеңіліп қалғанын және біздің клубтардың үлкен есеппен ойсырай жеңілгендерін мысалға келтірдік. Футболшылар барлық жауапкершілікті сезініп отыр, ертең бар күштерін салады.
– «Шахтер» үшін бірінші орында не тұр?
– Қақпаға допты кіргізбеу.
– Ненің есебінен?
– Қорғанысты жақсы ұйымдастыру есебінен. Бар күш-жігерін салып ойнап, жеңіліске жол бермеу есебінен.
Еkaraganda.kz атап өткендей, 6 тамызда Қарағанды қаласындағы «Шахтер» стадионындағы жарық диодты экранда УЕФА Чемпиондар Лигасынан тікелей көрсетілім болады. Ойын сағат 24:00-де басталады.
«www.bnews.kz».