Күрес түрлерінен жасөспірімдер арасындағы әлем чемпионатынан жерлестеріміз 5 алтынмен оралды, деп хабарлайды 24 KZ.
Сонымен қатар Ұлттық құрама қоржынында 9 күміс пен 8 қола жүлде бар. Монғолия жерінде өткен бәсекеде қыздарымыз жалпы есепте 2-сатыға тұрақтады. Үздік үштікте – Жапония мен Үндістан құрамалары. Ал грек-рим күресінен Айдос Сұлтанғали мен Темірлан Шадукеевтер өз салмағында мықты екенін дәлелдеді. Қазақстандық Елнұр Мұхамеджан мен Салауат Ахметқалиев сында есе жіберді. Ал Еркін күрес шеберлері Үндістан мен Иран палуандарынан кейінгі 3-орынға ілікті.