Тоғызыншы күн

LyazzatS 2013 M07 17
1378
0
0
0

Бәріңе қайырлы кеш!Менің ойымша,бүгінгі күн өз сұлу табиғатымен бәріміздің есімізде қалады .Себебі,бүгін біз Көкше өлкесіндегі ғажайып мекен-Бурабайға жол тартқан болатынбыз.Экспедициямыздың бірінші...

Бәріңе қайырлы кеш!Менің ойымша,бүгінгі күн өз сұлу табиғатымен бәріміздің есімізде қалады .Себебі,бүгін біз Көкше өлкесіндегі ғажайып мекен-Бурабайға жол тартқан болатынбыз.Экспедициямыздың бірінші аялдамасы-Щучье тарихи-өлкетану музейі болатын. Бұл музей 1998 жылы 9 мамырда ашылған.Музей қала халқының ықпалы негізінде құрылып, қала мәдениет басқармасының үйінде орналасқан болатын.Бірақ,кейін 1998 жылы қалалық мәдениет үйіне көшірілген.Бұл жерде біз сол аймақтың тұрғындарының ерте кездегі өмірлері туралы естіп,олардың қолданған заттарын көрдік.Сонымен қатар,осы жерден шыққан батырлар мен ақын-жазушылар туралы,яғни,осы жердің тарихы мен тұрғыны туралы көптеген мәліметтер білдік.Осы мұражайдан кейін бізді «Бурабай» ұлттық паркінде тағы да бір мұражай күтіп тұрды.Ол-«Табиғат мұражайы» болды.Мұражай 2009 жылы 8 мамырда ашылған.Бұл жерде біз ұлттық парктің флорасы мен фаунасы,ҚР Қызыл кітабына енгізілген жануарлары мен өсімдіктері туралы кең мағұлмат алдық.Сонымен қатар,осы жерде кездесетін жануарлардың мүсіндерін де тамашаладық.Мұражайдың ішін аралап болған соң,сыртта орналрасқан зообұрышты тамашаладық.Мұнда: елік,бұғы,қабан,аққу,үйрек,тырна ,қасқыр,түлкі сынды жануарлар мен құстарды көрдік.Маған өте қатты ұнады!Сәл тынығып,түскі асымызды ішіп алғаннан соң, біз Бурабайдың өзін аралап,суретке түсіп,табиғатына тамсандық.Содан соң,Абылай ханның отырған тағын жеті рет айналып,өз арман-тілектерімізді айттық.Сол жерде қиын болса да барлығымыз тауға шығып,көңіл көтердік. Үгілу мен желдің әсерінен пайда болған ерекше тас мүсіндерді тамашаладық.Мысалы: «Оқжетпес», «Ұйқыдағы батыр», «Бүркіт» және т.б.Осындай керемет табиғат сұлулығын өз көзіммен көргенде бұл жерге «Қазақстан Швейцариясы» деген теңеуді босқа бермегеніне көз жеткіздім.Менің ойымша біз бүгін өте жақсы әрі қызықты өткіздік.Бүгінгі күн маған қатты ұнады!

8.07.2013  22:30

Щучье тарихи-өлкетану музейі

"Табиғат мұражайында"түсірілген фотосуреттер

Зоопарктағы аңдар

Жер жаннаты-Бурабай!


Оцените пост

0
Дальше