Жазғы трансфер қызып тұр

Kazsport agent June 19, 2013
232
0
0
0

  …Біздікі тек «көрпемізге қарай көсілейік» деудің кері. Ең бастысы, футболымызға жалақысы аса жоғары футболшылар келіп, ауызсу мен жарықтың, газ бен жылудың бағасы қымбаттамаса болды да. Футболдан...

 

…Біздікі тек «көрпемізге қарай көсілейік» деудің кері. Ең бастысы, футболымызға жалақысы аса жоғары футболшылар келіп, ауызсу мен жарықтың, газ бен жылудың бағасы қымбаттамаса болды да.

Футболдан біздің елдегі жазғы трансфер кезеңі шектен тысқызып тұр. Нағыз науқан. Құдды, нағыз қазақы бәсеке.

Бүгін бір клуб өзімізге танымал бір футболшымен келсісмшартқа отырса, ертеңінде басқа бір командамыз құрамын ТМД-ға танымал теңбіл доп шеберімен толықтырып, бір-бірінен асып түсіп жатыр…

Келе берсін. Қазақ футболының деңгейін өсіріп, тасымызды (тасымызды емес-ау, добымызды) өрге домалатса, нұр үстіне нұр. Тек ертең сол футболшыларға ақша тауып бере алмай, жалақыларын төлей алмай, ырду-дырду болмаса болды да.

Ондайда, жалақы ала алмай жүрген футболшылар Қазақстан футбол федерациясына шағымданады, ал ҚФФ клубтарға басқа ойыншыларды тіркеуге тыйым салып немесе басқадай жаза қолданып, іс насырға шабады. Сөйтіп, бір футболшының кесірі басқаға тимесін дейміз да.

Осы жерде айта кетуге, тіпті мойындауға тиіспіз, құрамдарын ТМД мен Еуропаға танымал футболшылармен нығайтып жатқандар, негізінен, жағдайлары қоңды клубтар.

Ал қаржы тапшылығыны басынан кешіп жүрген клубтар «қымбат футболшыларға» қызығып отырған жоқ. Ендеше, бәрі де орынды. Әрі қазір бізге келіп жатқан футболшылардың кейбіреулері – маусым аяғына дейін жалға алынғандар.

Десек те, біздікі тек «көрпемізге қарай көсілейік» деудің кері. Ең бастысы, футболымызға жалақысы аса жоғары футболшылар келіп, ауызсу мен жарықтың, газ бен жылудың бағасы қымбаттамаса болды да.

Әлқисса, биылғы жазғы трансферлік кезеңды жылдағыдан ерекше деуге болады.Әуелі «Қайрат» футбол клубы Түркия доп теуіп жүрген Самат Смақов пен Давид Лория өз құрамына алып, елді елең еткізді. Самат пен Давидтіңкелісімшарттарының сиясы «кеппей» жатып, «Астана» Ресейден Бауыржан Исламханды алды.

Көп ұзамай Қарағандының «Шахтеріне» Украинадағы «Металлург» (Донецк) клубының сапынан Геворг Казарян келді. Шабуыл өтіне май құюшы аталмыш футболшы Армения құрамасының айбынды ойыншысы.

Осы екі аралықта еліміздің 15-турының ойындары өтіп, «Атырау» өз алаңындаӨскеменнің «Востогын» 2:0 есебімен тізерлетті. Екі голды да команда сапына жақында ғана алынған серб футболшысы Ненад Иняц соқты.

Көпшілік келе сала көзге түскен футболшының өмірбаянына үңіліп, 28 жастағы шабуылшының бірер жыл Ресейде доп тепкенін біліп, «осал ойыншы болмауы керек» десті.

Содан кейін ел назары тағы да «Қайратқа» ауды. Алматы клубы Финляндияқұрамасының белді ойыншысы Алексей Еременкомен келісімшартқа отырды. Дондағы Растовта туғанымен, жеті жасында әкесімен Финляндияға көшіп кетіп, сол елде жетілген Алексей Францияда да, Финляндияда да, Италияда да, Украинада да, Ресейде де, Шотландияда да аяқдоп өнеріне қаныққан. Соңғы клубы Қазанның «Рубині» болатын.

«Қайраттың» байқаушы кеңесінің төрағасы Қайрат Боранбаев Татарстан клубымен тіл табысқандарын, сол үшін оларға риза екендерін де бүкпесіз айтып,Құрбан Бердыев пен «Рубинге» алғыс жолдауда. 30 жастағы Алексей Еременко да «мен қазақ додасына карьерамды тамамдауға келген жоқпын, керісінше, жалғастыруға келдім» деп отыр.

Іле-шала биылғы ел чемпионатының көшбасшысы, яғни «Ақтөбе» өз құрамын ресейлік Сергей Давыдовпен нығайтты. Негізі, бұл футболшы да – «Рубин» клубының ойыншысы. Бірақ биылғы жылдың басында Мәскеудің «Динамосына» жалға берілген. Ақтөбеге сол Мәскеуден келіп отыр.

22 шілдеде 28-ге толатын футболшының әлеуеті зор деседі. Өзі «мен қазақтопырағына топырлатып гол соғу үшін келдім, өйткені шабуылшымын, міндетім – сол» деп жер тарпуда.

Командалардың құрамдарын белгілі футболшылармен толықтыруы мұнымен тынбайтын сияқты. Жазғы ауыс-түйіс кезеңінің мерзімі аяқталғанша, яғни 7-шілдеге дейін, әлі талай өзгеріс болуы мүмін. Қазірдің өзінде «Қайратқа» Арменияқұрамасының ойыншысы Артур Едигарянның келгені, енді тек келісімшартқа қолқою қалғандығы желдей есуде.

Жалпы, біз шетелден келген футболшылардың ең негізгілерін ғана тізіп өттік.Әйтпесе, шетелдерден келгендердің қатары бұлармен ғана шектелмейді. Сондай-ақ төл чемпионатымыздағы командалар арасында да ауыс-түйістер көп.

Әртүрлі себептермен Жамбыл Көкеев, Игорь Зенькович, Эдин Юнузович, Роман Похолюк, Алексей Щеткин, Аслан Дарабаев және басқа да футболшылар жазғы трансфер кезеңінде клуб ауыстырды.

Олардың бәрін тек жазғы трансферлік кезең аяқталып (қайталап жазайық, 7 шілдеге дейін), ауыс-түйістер заңды түрде бекітілген соң ғана толықтай тізіп шығуға болады.


 

Оцените пост

0