«Оңтүстік» өңірлік қолбасшылығы қысқы кезеңнің қорытындысын шығарды

МО РК 2013 M06 4
607
0
0
0

Әскерлерде жаңа оқу кезеңіннің қарсаңында 2013 оқу жылы қысқы оқу кезеңіндегі қызметтің қорытындысы шығарылды. Таразда өткен кезең қорытындысын шығару мен нұсқама-әдістемелік сабақтарды...

Әскерлерде жаңа оқу кезеңіннің қарсаңында 2013 оқу жылы қысқы оқу кезеңіндегі қызметтің қорытындысы шығарылды. Таразда өткен кезең қорытындысын шығару мен нұсқама-әдістемелік сабақтарды ұйымдастыруға  «Оңтүстік» өңірлік қолбасшылығы әскерлерінің қолбасшысы генерал-майор Талғат Қойбақов басшылық жасады.
 

Өткен іс-шараға оңтүстік өңірдің әскери полиция жасақтарының бастықтары қатысып, өз гарнизондарындағы әскери тәртіптің жай-күйіне талдау жасады. Жергілікті жердің макетінде жалпы әскери бөлімшелердің іс-қимылдары пысықталып, лауазымды адамдардың техника мен қару-жарақты жазғы пайдалану режиміне көшіру жөніндегі жұмысының алгоритмі зерделенді.

 

Бұдан бөлек діни экстремизм мен терроризмге қарсы әрекет ету саласындағы идеологиялық жұмысты ұйымдастыру жөнінде дәріс өткізілді. Қорытынды шығарардың алдында «Оңтүстік» өңірлік қолбасшылығының офицерлері мен сержанттары атыс қаруынан оқ ату мен дене даярлығы бойынша сынақ жаттығуларын тапсырды.

 

Қысқы кезеңдегі жауынгерлік даярлық және әскери тәртіп  мәселелері бойынша байланыс бригадасы, тау атқыштар бригадасы, материалдық-техникалық қамтамасыз ету бригадасы көш бастады. «Мықты Армия – мықты Қазақстан» девизімен өтіп жатқан жауынгерлік сайыстың озаттарына мақтау қағаздары мен бағалы сыйлықтар табыс етілді.

 

«Оңтүстік» өңірлік қолбасшылығы әскерлерінің қолбасшысы «Шоқпар-2013» оқу-жаттығуы және «Отар» 40-шы әскери базасында өткен Қарулы Күштер тарихындағы тұңғыш Жауынгерлік парад барысында жауынгерлік даярлық қарқынының артуы сияқты қызметтегі жағымды сәттерді атап өтті.

 

– «Оңтүстік» өңірлік қолбасшылығы әскерлерінің әскери қызметшілеріне полигонды Жауынгерлік парадты өткізуге дайындаудың үлкен жауапкершілігі жүктелді. Жеке құрамның жоғары жауынгерлік рухы мен жұмылған жұдырықтай бірлесіп жұмыс істеуі барлық қойылған міндеттерді лайықты деңгейде орындап шығуға мүмкіндік берді, – деп Талғат Қойбақов атап көрсетті.

 

ҚР ҚМ Баспасөз қызметі

Оцените пост

0
Дальше