Қазақстан мен Тәжікстан Қорғаныс министрлері Тәжікстан Қарулы күштеріне қайтарымсыз әскери-техникалық көмек көрсету жөніндегі келісімге қол қойды

МО РК 2013 M04 15
528
0
0
0

Қазақстан мен Тәжікстан Қорғаныс министрлері Тәжікстан Қарулы күштеріне қайтарымсыз әскери-техникалық көмек көрсету жөніндегі келісімге қол қойды Бүгін Қазақстан Қорғаныс министрі Әділбек...


Қазақстан мен Тәжікстан Қорғаныс министрлері Тәжікстан Қарулы күштеріне қайтарымсыз әскери-техникалық көмек көрсету жөніндегі келісімге қол қойдыБүгін Қазақстан Қорғаныс министрі Әділбек Жақсыбековтің Тәжікстан Республикасына ресми сапары басталды. Душанбеде Қорғаныс ведомствосының басшысын Тәжікстан Президенті Эмомали Рахмон қабылдады.

«Біздің елдің басшылығы маңызды өңірлік серіктес ретінде Тәжікстанмен арадағы байланыстың дамып нығаюына үнемі баса назар аударады. Қазақстан мен Тәжікстан арасындағы саяси, экономикалық сондай-ақ қорғаныс саласындағы екі жақты байланыс серіктестік аясында дамуда»,-деді  Әділбек Жақсыбеков.

«Біздің өңірлік қауіпсіздік мәселесіндегі тығыз қарым-қатынасымыз Президент Нұрсұлтан Назарбаевтың бастамасымен ҰҚШҰ жедел әрекет ету күштерін дер кезінде құруымызға Сізбен бірге басқа да мемлекеттер басшылары қолдау көрсетті»,-деп атап өтті Қорғаныс министрі Эмомали Рахмонның қабылдауында болған кезінде.

Тәжікстан Президенті Қазақстан мемлекетінің басшысына екі жақты қарым-қатынастағы жемісті ынтымақтастыққа алғысын білдіріп, келешекте қорғаныс саласындағы байланыс өңірлік және ғаламдық қауіпсіздікті сақтауға жаңа серпін беретіндігіне сенім артатындығын жеткізді.

Әділбек Жақсыбеков екі жақты әскери және әскери техникалық ынтымақтастық пен әскери білімнің келешекте дамуын Тәжікстан Қорғаныс министрі Шерали Хайруллоевпен талқылады. Екі ел қорғаныс ведомствосының өзара тығыз байланысын қазақстандық және тәжікстандық әскерилердің ТМД, ҰҚШҰ, ШЫҰ бітімгерлік  жаттығуларына қатысуынан аңғаруға болады.

Келіссөздің қорытындысы бойынша Қазақстан мен Тәжікстан Қорғаныс министрлері Тәжікстан Қарулы күштеріне қайтарымсыз әскери-техникалық көмек көрсету жөніндегі келісімге қол қойды. Құжат Тәжікстанның қорғаныс әлеуетін  кеңейтуге бағытталған және екі ел қорғаныс ведомствосы арасында құқықтық база құрудың қажеттілігіне негізделген.

– Тәжікстанмен әскери ынтымақтастықтағы негізгілердің бірі білімді дамыту болып табылады.Тәжікстандық әскери қызметшілерді оқыту үшін Қазақстанның әскери оқу орындарына жыл сайын тиесілі үлес бөлінеді,-деді Қазақстан қорғаныс ведомствосының басшысы Тәжікстан Қорғаныс министрлігінің Әскери институтын аралаған сәтінде.

Қос елдің қорғаныс ведомствосы басшылары Әділбек Жақсыбеков пен Шерали Хайруллоев, бүгінгі Душанбеде өткізілген келіссөздер Қазақстан мен Тәжікстан арасындағы әскери ынтымақтастықтың келешекте дамуына қосымша серпін бергендігін атап өтті.

ҚР ҚМ Баспасөз қызметі

 

Оцените пост

0
Дальше