Таяуда "Болашақ" газетінің бетінде Қазақстан жолдарындағы қауіпсіздік мәселесі талқыға түскен болатын. Аталған өзекті сұраққа қатысты мен де өз пікірімді білдірген едім.
- Меніңше, бұл мәселені біржақты қарастыру дұрыс емес. Біріншіден, еліміздегі көлік бақылау қызметінің босаңсып кеткендігінің айғағы. Себебі, көліктің техникалық жағдайына қатаң бақылау жоқ. Мұның соңы апатқа, адам шығынына соқтырып жатады. Екіншіден, жеке тасымалдаушылар бірінші орынға жолаушылардың қауіпсіздігін емес, қалтаның қамын қояды, яғни олар ескі, жарамсыз көлікті шашылып қалғанша пайдаланып, байып қалу маңызды. Тағы бір маңызды себеп, ол - еліміздегі автожолдардың жағдайы. Ескіріп, тозғаны былай тұрсын, кейбір автожолдар тар, көлік ағынын сыйдыра алмайды. Кей жағдайды жүргізушілердік кәсібі дайындығы да күмән тудырады. Сондықтан, бұл мәселеге кешенді көзқарас керек-ақ.
0
09:31, 10 апреля 2013
Қазақстан жолдарындағы қауіпсіздік мәселесі
0