Yvision.kzYvision.kz
kk
Екпiн
Екпiн
Екпiн
431 постов3 подписчика
Дарынды жастар мен замандастарымыздың өмірлік тәжірибесі, мақсаттары, ойы, ұстанған қағидалары жайында сөз етеді. Фоторепортаж, шолу, тарихи маңыздылығы бар материалдармен бөліседі.
9
22:44, 03 января 2013

Студенттік БАҚтар. II бөлім

«Екпін» жобасы алматылық университеттердің газет-журналдарына шолу жасап, студенттер шығаратын БАҚтар тізімін құрып, әр басылымның бас редакторымен сұхбаттасуды жөн көрді. І бөлімді былтырғы жылдың аяғында жарияласақ, бүгін жалғасын ұсынып отырмыз.

Blog post image

«Kimep Pie»

Төрт жалынды, жігерлі құрбылардың идеясынан туындаған журнал. 2008 жылдың қазан айында пайда болған басылымның қазіргі редакторы Ақдидар Әуезова ол кезде әлі мектеп оқушысы болған екен. Мектеп қабырғасында жүріп-ақ ол «Кимэп Пай» туралы естіп, редакция мүшесі болуын армандап жүреді.

Blog post image

Ақдидар Әуезова, ҚМЭБИ, халықаралық журналистика факультетінің 3 курс студенті:

— Қазірде редакциямызда 60 адам бар. Басқа кастинг жасамаймын, өйткені қазіргі құрамымызды жеке HR табысым деп ойлаймын. Бас редактор ретінде мен үшін ұжымды редакциядан асқан бақыт жоқ. «Кимэп Пай»-дың ең үлкен жетістігі деп Кимэптің президенті Доктор Чан Йан Бэнгпен болған сұхбатты айта аламын. Өйткені ол кісіден университет құрылғанынан бері 20 жыл бойы ешкім де (студенттік ұйымдар) сұхбат ала алмаған. Жалпы, сұхбат — мен үшін үлкен ләззат. Оқырманға адамның жаңа қыр-сырын ашу өте қызықты деп ойлаймын.

Blog post image

— Көбінесе не туралы жазасыздар?

— Біздің журналдың слоганы: «Студенчество со вкусом», сондықтан біз сүйікті университетіміз, оның үлгі аларлық адамдары, қызықты шаралары, қолдауға тұрарлық жобалары жайлы жазамыз. Ең бастысы, біз ешкімге тәуелді емеспіз. Журналды университет әкімшілігі емес, студенттердің өзі шығарады. Сондықтан, не жазсақ та, өз қалауымызда. Журнал шығарудан бөлек біз ҚМЭБИ-дің түрлі кештерін ұйымдастырамыз. Мысалы, Golden Middle Awards (3 курстағы үздік студенттерді марапаттау), Graduation және де біз үшін ең маңызды шара — Kimep Awards, бұл жобаның іске асуына әр жылдары көптеген студенттер ат салысқан, ал басты идеясы осы журналдың ең алғашқы редакторына келген.

Blog post image

— Журнал шығаруда алғаш рет қандай қиындықтар болды?

— Көптеген. Ең үлкені — бізге ешкім сенбеді. Талпынысымызға күлді. Бізге тек еңбектенуден басқа ештеңе қалмады, ал негативті мотивациямызға айналдырдық. Қазір бұл жағдайларды еске түсірсек, күлкіміз келеді. Бірақ ол адамдарға емес, өткен қиындықтарға. «Ит үреді, керуен көшеді» емес пе?

Blog post image

Blog post image

«IMPRESSIONS Magazine»

Blog post image

2008 жылдары бұл атаумен СДУ-дың шағын газеті шығып тұратын. Ал журнал етіп басып шығару ойы сол жылдары баспасөз орталығының басшысы Жангелдинов Бахтиярға кейін келді. 2011 жылы журналға жаңа формат пен стиль берген СДУ түлегі Есімов Айбек болды. Журналдың қазіргі редакторы Никита Юн 2 курс оқып жүргенінен бастап, жетекшілік тізгінін «мирас» ретінде алған.

Blog post image

Никита Юн, СДУ, филология факультетінің 3 курс студенті

— Редакцияда қанша адам жұмыс істейді?

— Тәуелсіз корреспонденттерден бастап, маған дейін 40 адам. Журнал толықтай студенттердің күшімен басылады. Сондықтан ұжымды, бір адамдай жұмыс атқаратын ұйымбыз.

— Көбінде не жайлы жазасыздар?

— Журнал тек қана студенттер үшін емес, сондай-ақ мұғалімдер мен ата-аналарға да қызық болады деп ойлаймын. Өйткені біз студенттік өмірмен қатар, мұғалімдер туралы, қызықты шаралар, университеттің «тұлғалары», эстрада және кино жұлдыздары жайлы жазамыз. Сондай-ақ пейнтболдан чемпионат, «Мафия» ойынын, жаңа жылдық, қайырымдылық концерттер, көктемгі бал өткізу жоспарымызда бар.

Blog post image

Blog post image

Blog post image

— Алғашында қандай қиындықтар болды?

— Біріншіден команда құруда біраз қиындықтар болды. Содан соң материал жинауда, типографиялық қиындықтарға кезіктік. Бірақ қазірде бар күшімізді салып жұмыс істеудеміз, сондықтан қиындықтар артта қалды. Сонда да босаңсуға болмайды. Алда талай мақсаттар бар: тиражды көбейту, комплексті журнал жасау, тақырыптар аясын кеңейту, IM-ді бренд ретінде орнықтырып, тіпті «ҚазПресс» дүңгіршіктеріне қою. Мұның бәрі қолдан келеді, тек соған сену керек. Өз ісіңе, дұрыстығына күмән келтірмей, сену керек. «Еңбектен де, күлімде» — менің келер жылдардағы девизім болмақ.

Жалпы кез келген студенттік БАҚ-тың сәтті шығуы студенттердің оған қатынасына, мотивацияларына байланысты.

«Primus»

Blog post image

Бұл МАБ студенттерінің журналы 2007 жылы 8-желтоқсанда құрылған. Құрушылары сол кездегі 3 курс студенттері: Құдайбергенова мен Лепихова ханымдар болды. Бас кезінде «Primus Inter Pares» («Теңдестер арасындағы бірінші») аталған журнал 2012-2013 оқу жылының басында ребрендинг әсерінен жай ғана «Примус» («Бірінші») аталды.

Валерия Балакина, ХБА, маркетинг факультетінің 2 курс студенті

— Көбінде қандай тақырыптарға жазасыздар?

— Кез келген, бірақ негізгі бағыты - университет қабырғасында өтетін шаралар. Әр санды белігілі бір датаға немесе мерекеге арнаймыз. Айқындалған айдарлар жоқ, «МАБ» және «Еркін тақырып» деп тақырыптар өздігінен бөліне береді. Мысалы, ең атышулы материалдар 2011 жылдың күзінде шыққан, «Академияның студенттік кеңесі», 2012 жылдың күзінде шыққан «Есік көліне дәстүрлі саяхат жайлы» және де «МАБ студенттік ұйымдарына қабылдау».

Blog post image

— Редакцияда қанша адам жұмыс істейді?

— Қазірде редакцияда 20 адам бар. Академияның кез келген студентін қабылдай береміз. Ең бастысы, жұмыс істеуге, дамуға, өзін-өзі жетілдіруіне деген ынтасы бар болуы керек.

Blog post image

Материалды дайындаған: Айжан Кәрібаева

9
1867
3