Қаламды тұлпар еткен дарын едім

Абай Кәкімбек 2012 M09 15
293
0
1
0

Жер бетіндегі жалпы жаратылыстан ерекшесі - адам. Адамды өзгелерден жоғары ететін қасиеті- ойлай білуі. Ойлай ойлай адамдар өздерне мыңдаған сауалдар қояды. «Өмірдегі орным қандай?»,«Не үшін тірлік...

Жер бетіндегі жалпы жаратылыстан ерекшесі - адам. Адамды өзгелерден жоғары ететін қасиеті- ойлай білуі. Ойлай ойлай адамдар өздерне мыңдаған сауалдар қояды. «Өмірдегі орным қандай?»,«Не үшін тірлік жасап жүрмін?»деген сұрақтар көзі ашық, көкірегі ояу жандардың түн ұйқысын төрт бөлгізер қасіреті. Қасиет пе, қасірет пе әркім үшін әркелкі.

Үлкен өмір есігін енді ғана ашып, тәй - тәй басып келе жатқан мені де жауабын әзірше таба алмай қойған сұрақтар мазалауда. Білім теңізіндегі желкенді қайығымды самал желдің лебімен беймәлім ағыс алып кетіп бара жатыр. Күні кеше балғын  балалық шақтың бесігінде тербеліп жатқан мазасыз басымды бүгінде «Кім болам?» деген сұрақ қайта-қайта қинауда. Он сегіз жылда бойыма жиған тергенімді саралап, журналист болуға бел будым. Меніңше, ең жақсы жұмыс ол- ақысы төленетін сүйікті іс. Ал менің сүйікті ісім - даналардың хатын оқып, шабыттанған кезде, қолыма қалам алып, жан-дүниемді көркем сөз өрнегімен ақ қағазға түсіру.  Қолыма қалам алған сәтте, өзімді бәйгедегі тұлпар үстінде тақым қысып отырған шабандоздай сезінемін. Үлкендердің айтуынша, ата тегімді  тілінен бал тамған ақын болған-ды. Алайда туған атамды көрмегендіктен бұл жайлы құнды дерек баян ете алмаймын. Алтайдан Атырауға дейінгі созылып жатқан керім далаға көз тіккенде, құлағыма күмбірлеген күй әуені келгенде, жүрегімді  жарып ұшар бір сезім оты пайда болады. Ай астында май шаммен отырып, шабытымды асқақтатқан  сәттер де болып тұрады. Жаза берсем, қазақтың дарқан тілінің таусылмасы анық, дегенмен уақыт қолымыздағы алтын ғой. Жалпы журналистика саласында сапалы білім алып, оның дамуына өз үлесімді қосуға ниетім бар. Дәлірек айтар болсам, тележурналистика және интернет желілері. Бұның басты себебі радио мен газет,журналдар жиған аудитория санын интернет пен телеарналар аз ғана уақыт ішінде бірнеше аса еселеді. Демек, табиғаттың берген бағалы сыйын адам баласы үшін қолданам деген азамат,азаматша қоғамды оятуы қажет. Дана аталарымыздың айтқанындай бүгінгі «Маса»- ол саналы ұрпақ жүрегіне жол таба білген қарымда журналист.

     

Оцените пост

1