«Қарақолтық»

Жандос Байділда 2012 M08 1
4915
31
9
0

Белгілі сатирик Қанағат Әбілқайырдың жазбасы есіме түсіп отыр. Бір оқып алыңыз... Әбекең келін түсіреді. Той тарқағаннан кейін «келін шайға» бес-алты құрдастары қалады. Дастархан жайылып, тағамдар...

Белгілі сатирик Қанағат Әбілқайырдың жазбасы есіме түсіп отыр. Бір оқып алыңыз...

Әбекең келін түсіреді. Той тарқағаннан кейін «келін шайға» бес-алты құрдастары қалады. Дастархан жайылып, тағамдар қойылып жатыр дейді. Кимоно дейтін көйлектің жаңа шығып жүрген кезі болса керек. Жеңсіз көйлекпен алты-жеті қыз-келіншек бір кіріп, бір шығып, шай жабдығымен жүр. Әбекеңнің қабағы түсіңкіреп кеткен, жаратпай отырғанын байқаған бір құрдасы не айтар екен деп:

– Әбеке, мыналардың ішіндегі сіздің келініңіз қайсысы? – депті.

Сонда Әбекең басын көтерместен:

– Қолтығының жүні қалыңдауы менікі, – депті.

Еріксіз бір күліп алдым. Бұл ауыздың алты ауызын есіме түсірген кешегі 63 келі салмақта зілтемір көтерген австралиялық Син Ли. Автралиялықтар мұндай емес еді ғой деймін іштей. Мүмкін 18 ғасырда еуропалықтар қырып жіберген наным-сенімге қатты сенім артатын аборигендерден қалған жұрнақ шығар, кім білсін?!

Тікелей көрсетілім ауызашар уақытымен дәл келген соң, шәйімізді қолымызға алып, асқазанның «қазасын» өтеп отырғанбыз. Қанша дүлей күштің иесі болса да, қыздардың нәзіктігі байқалады екен деп шүйіркелестік. Біздің Манеза спортшылардың ішіндегі үздігі ғана емес, ең сүйкімдісі деп тоқмейілсідік. Сол рәуішті отырысты Син Ли бұзды. Қожырайып келіп қолына ұн жақты да, әруақтанып бір айқайлап алды. Бұл мінез ауыр атлеттердің барлығына тән болған соң, таң-тамаша отыра бердік. Зілтемірдің жанына келіп, қолын көтергені сол еді, қолтығы «қара ормандай» болған атлеттен еріксіз жүзімізді бұрып алдық. Оның үстіне Син Ли қолтығының түгін жер-жаһанға жария еткісі келгендей жеңі шолақ жейдемен шыққан. Олимпиадаға әлем назар салады, сондықтан мұндай «әдепсіздікке» тітіркеніп қана қарайды екенсің. Сірә, Халықаралық Олимпиада комитетіне допингтен басқа да осындай адами қасиеттерді стандарттауы қажет секілді. Асылы, қазақ ертеден-ақ көркемдік пен сұлулықты, әдеп пен әдемілікті ту еткен халық қой. Осының бәрін сол қазақтығымызға басып көзге түрпідей көрінген соң айтып отырмыз.

P.S. Қазақтың бауырмалдылығын, дархандығын, жомарттығын бір сөзбен «кеңқолтық» деп жатамыз. Осы бағытта «қолтығының жүні қалың» Австралия қызына қарап «қарақолтық» деген ат бергім-ақ келді. Жалпы, экзотика мен эстетиканы ажырата білу қажет...

Оцените пост

9

Комментарии

0
Не күлеріңді, не жыларыңды білмейсің! Жазбаңыз сәтті шықты! Әсіресе соңғы теңеу!!!
0
"экзотика мен эстетиканы ажырата білу қажет" - тура түйін!
0
Маке,рахмет!!!
0
үстелдің астыіңдамың! Орысша айтқанда - Я под столом! )))
Показать комментарии
Дальше