Алия 2012 M11 3
5896
9
14
0

Махаббат туралы картинасына оралатын болсақ, басты кейіпкерлер — Гүлнәздің рөлін Баян Есентаева, Оралдың рөлін Құбанышбек Адылов, Жеңістің рөлін Бөпеш Жандаевтар сомдап шықты. Қазірде танымал продюсер

«Сәлеметсіз бе, бұл "Махаббат" бекеті ме?

Менің атым Гүлнәз».

Осы сөздер мен композитор Төлеген Мұхамеджановтың әсерлі де нәзік әуенін естісек болды, бір сағат бойы, қанша көрсе де ескірмейтін, Талғат Теменовтың 1993 жылы түсірілген «Махаббат бекеті» фильміне отыра қаламыз. Фильмнен кейін біреу бұрынғы махаббатын есіне алса, енді біреулер жаңа махаббатын армандайды, тәтті сезімдерге беріледі. Ең бастысы, бұл фильм әр адамның жүрегінде нәзік сезімді, жақсыға деген құштарлықты оята алады.

Мәскеудегі атақты режиссер Сергей Соловьевтың шеберханасын, ұстазы Ролан Быковтың тағылымын көрген Талғат Досымғалиұлы көптеген фильмдеріне сценарийді өзі жазады. Мысалы, ең алғашқы толық метражды «Адамдар арасындағы бөлтірік» (1988), ВГИК-тағы дипломдық жұмысы болған қысқа метражды «Торо» (1986) немесе соңғы түсірген «Менің күнәлі періштем» болсын — режиссер сценарий авторы болып өзі шығады.

«Махаббат бекеті» болса, 1986 жылы «Жалын» баспасында жарық көрген Талғат Теменовтың «Гүлнәз» атты повесінің желісімен түсірілген. Ал «Фара» (1999) фильмінің, «Перекресток» (1996), «Жаным» (2010), «Астана — махаббатым менің» (2010), «Откройте дверь, я — счастье!» (2009) сериалдарының режиссері болып, сценаристі Лейла Ахинжанова болды.

Махаббат туралы картинасына оралатын болсақ, басты кейіпкерлер — Гүлнәздің рөлін Баян Есентаева, Оралдың рөлін Құбанышбек Адылов, Жеңістің рөлін Бөпеш Жандаевтар сомдап шықты. Қазірде танымал продюсер, тележүргізуші Баян Есентаева (ол кезде Мұхитденова) 18 жаста, театр институты кинофакультетінің студенті еді. Қазір өзі де кино түсіруге кіріскен Баян дәл осы фильмнен кейін «жұлдызды» өмірі басталғаны жайында айтады.

Ал Құбанышбек Адылов болса, «Махаббат бекетінен» кейін Қырғызстан режиссері Эрнест Абдыжаппаровтың «Влюбленный вор», т.б. 5-6 фильмдерге, Ресейдің «Гаишники» атты сериалына түскен. «Сезам» қуыршақтар театрында, Ғабит Мүсірепов атындағы балалар мен жасөспірімдер театрында, Болат Атабаевтың «Ақсарай» театрларында жұмыс істеген. «31 арнада» авторлық әзіл-оспақ телебағдарламасының жүргізушісі болған. 2004 жылы Неміс драма театрының сол кезде бас режиссері болған Болат Атабаев оны жұмысқа шақырады. Содан бері Құбанышбек Неміс театрының актеры болып қызмет істеп жүр. Оралдың дауысын үндеген Жан Байжанбаев та «Қазақфильм» киностудиясының атақты актерларының бірі.

Орал мен Гүлнәздің махаббатына кедергі жасаған өзімшіл Жеңістің рөлін сомдаған Бөпеш Жандаев та кинодан алыстаған жоқ. Ол 1996 жылы Абай Қарпықовтың «Тот, кто нежнее» және 1998 жылы шыққан «Фара» фильмдеріне, Вячеслав Матухиннің 12 сериялы «Откройте дверь, я — счастье» (2008) сериалына, Ақан Сатаевтың «Ликвидатор» фильміне түскен. «Дорогие мои дети/Ойпырмай» фильмінің продюсері, «Астана — махаббатым менің», «Рэкетир», «Последние каникулы» фильмдерінің суретшісі болды. Болашақта Бөпеш Жандаевты Қазақстан мен Ресейдің бірігіп түсірген, 2012 жылы шығатын «Нереальная любовь» комедиялық мелодрамасынан көретін боламыз.

«Махаббат бекеті» — отандық режиссерлердің «жаңа толқыны» жемісті туындыларды шығарып жатқан шағы еді, жалпы қазақстандық кинематографияның дәуірлеген кезінде пайда болған картина. Ол Берлин, Сингапур, Франция, Филиппинде өткен кинофестивальдарға қатысты. «Көшпенділер» фильмінің режиссері Талғат Теменов өзінің жаңа туындысы «Менің күнәлі періштемді» өткен жылдарға деген сағыныш сарынымен түсірілген мелодрама дейді. Фильм «Махаббат бекетінің» тағдырын қайталамаса да, өз көрерменін тапты.

Материалды дайындаған Айжан Кәрібаева

kerbez_

Оцените пост

14

Комментарии

3
Жастық энтузиазм, қарапайым сюжет пен түсірілу әдісі, көрікті актерлар, Төлеген Мұхамеджановтың керемет музыкасы, замандастарға сол 90-шы жылдарға деген ностальгия - бұл фильмді жетістікке алып шыққан басты себепкерлер
2
Махаббаттағы үшеудің оқиғасы әрдайым сәтті бола бермек. Корей сериалдарының 99%-ы осындай желімен түсіріледі.
0
корей сериалдарының Қазақстандағы эксперті Ақзере қателеспейді :)
1
Сен де қоймайды екенсін, өзіңнің кәріс сериалдарымен...
0
Прайм таймда көрсетілетін кәріс пен түрік сериалдары - нағыз қоқыс!
Показать комментарии
Дальше