• 22640
  • 13
  • 2
Нравится блог?
Подписывайтесь!

«Көпәйнлділік: әйелдің бағы ма, соры ма? Әйел пікірі»

 

«Көпәйнлділік:
әйелдің бағы ма, соры ма? Әйел пікірі»

Кіріспе.

Бақытты отбасы және көпәйелділік.
Осы екі сөз синоним болып санала ма? Мен «иә» дер едім. Неліктен? Себебін
сіздермен бөлісейін.

КӨПӘЙЕЛДІЛІК. Бұл сөздің
астарында не сыр бар? Көпәйелділік институтына кері көзқарас неден басталады?
Шынымен де ол әйел үшін де, еркек үшін де масыл болып көріне ме? Неге ислам
дінінде ғана көпәйелділік жоғары бағаланады? Қорытындылай келгенде, полигамдық
некенің «дұрыс үлгісін» қалай құруға болады?

Бұл кітап қазіргі заман халқының
көпшілігі сөйлейтін қарапайым да түсінікті тілімен көпәйелділіктің бірегейлігін
түсіндіруге арналған. Мұнда қазақстандық қоғам үшін
көпәйелділіктің пайдасы
, сондай-ақ көпәйелділік пен демография,
ажырасулар, жалғыз басты аналар сияқты проблемалардың байланысы, сонымен қатар
кез келген отбасы жағдайында болатын өзге де көптеген мәселелердің қыр-сыры
ашылады. Қазақстандық веб-ресурстардағы мақалаларды қарап отырсаң, көпәйелділікті
жариялау тек еркектердің құмарын қанағаттандыру үшін ғана қажет дегендей әсер
қалдырады. Бірақ ешкім еш жерде полигамдық отбасындағы әйелдердің пайдасы
туралы түсіндірмейді
. Көпшілігі тіпті олай болатынына сенбейді де. Бұл
кітапта әйелдің ұлтына, діни сеніміне, жасына, әлеуметтік мәртебесіне
қарамастан, кез келген әйел үшін көпәйелділіктің барлық кереметі мен пайдасын
бағалауға мүмкіндік беретін тұжырымдамалар
келтірілетін болады.

Біздің қателігіміз сол –
көпәйелділік туралы көпәйелділікке қатысы жоқ ешқандай адамдардың сөз айтатыны.

Бұл кітаптың мақсаты – көпәйелділік дегеніміз –
өздеріне сенімсіз, жолы болмаған қыздардың, күйеуге шығу үмітін жоғалтқан
әйелдердің тығырықтан шығар жалғыз жолы деген аңыздың күшін жойып, керісінше,
өздерін жан-жақты көрсете білетін, өздеріне сенімі мол қыздар мен
келіншектердің бақытқа апарар жолы екенін дәлелдеу
.

Қазақстандық
әйел үшін көпәйелділіктің пайдасы

Көпәйелділік туралы ақпараттарды
оқып, тыңдай отырсаң, көпәйелділік  тек
еркектер үшін ғана пайдалы деген қорытындыға келуге болады. Алайда Құранда ол
әйелге көрсетілген мейірім деп айтылған. Оның мейірімділігі неде? Әйелдің
өзінің жалғызын  өзге әйелмен «бөлісуі»
мейірімділік пе? Онда әуелі мынаны анықтап алайық, еркек дегеніміз кім? Ол
біреумен «бөлісетіндей» әйелдің жеке меншігі ме? Әлде еркек біреуге тиесілі
болатындай зат па? Талмудта: «Сенің затың сенікі болмағандықтан, сен қалайша
өзге затты өзімдікі деп айта аласың?» деген сөз бар. Осы сөздерге тереңірек
үңіліп ой салыңызшы. Еркектерден сұрап көріңіз, олардың біреуге тиесілі болғысы
келе ме? Нағыз еркектің «жоқ» деп жауап береріне сенімдімін. Бұл өмірде бізге
ештеңе тиесілі емес, тек «уақытша пайдалану үшін» ғана беріледі, тіпті өмірдің
өзі бізге осы қағида бойынша берілген. Бұған өмірдің өзі және көптеген ғұлама
адамдардың сөзі куә. Публий Сир былай дейді: «Өмір адамға (мәңгілік) сый емес,
несие ретінде берілген».

Онда неге біз өзімізді азапқа
саламыз, неге еркектерді өзімізге байлап азапқа түсуге мәжбүрлейміз? Әйел
тәулігіне 24 сағат бойы еркектің өзіне тәуелді болуын қалайды, бірақ бірге өмір
сүрген екі жылдан кейін, тіпті екі айдан кейін үнемі күйеуінің қасында болуынан
әйелдің өзі жалығып кетуі мүмкін. Қазіргі отбасын қалай елестетуге болады?
Әдетте, ас әзірлеу, үй жинау, кір жуу, үтіктеу, жұмысқа бару сияқты
міндеттердің бел ортасында бір әйел ғана жүреді.

Барлық социологтар мен
психологтар еркектер жаратылысынан полигамдық болып табылады деп жар салуда.
Кейбір еркектер той өтісімен-ақ бір әйелмен шектеліп қалмайды. Біз бұл жайды
«көзімізге шөп салды» деп айтуға дағдыланып кеткенбіз. Ал еркектен «неге олай
жасадың?» деп сұрай қалсаң, ол оны «жаратылыс сондай» деп түсіндіре салады.
Әйел жаратылысы мүлде басқа, олар моногамды. Неге екені белгісіз, біз еркекті
өз айтқанымызбен жүргізуге тырысамыз. Бұл дегеніміз - өзімшілдіктің жоғары
шегі. Ал осыдан кейін ол еркек болып санала ма? Егер еркек бір рет сенің көзіңе
шөп салған болса, ондай жағдайдан кейін ол өтірік айтатын болады, тығып қойған
тәттіні, яғни «тыйым салынған жемісті» жемісті жеп қойған бала құсап, өзін-өзі
ақтай бастайды. Ал тыйым салынған жеміс қашан да тәтті.

Көпәйелділік еркекті де,
әйелді де бақытты ете алады
. Адам бақытты болуы үшін сүйікті ісімен айналысуы тиіс,
өзінің ісін немесе шығармашылығын жүзеге асыруы тиіс. Әр адам өз өмірі туралы толғанып,
өзінің болашағын анықтау қажет деп ойлаймын. Біз қазір гендерлік теңдік туралы
айтпақпыз, өйткені Қазақстан -  зиялы
мемлекет. Сондықтан да әрбір әйел өзінің жұмысын да, шығармашылығын да жүзеге
асыруға толық құқылы. Бірақ біз қазіргі таңда нені көреміз? Әйел өзінің бар
өмірін ас үйде өткізеді. Қане теңдік? Немесе, керісінше, әйел еркекпен тең
жұмыс істейді, ал оның сүйікті күйеуі мен балалары қараусыз қалады. Бұл
жағдайда еркекке үйдің жұмысын атқаруға тура келеді. Әйелдің жұмысын
орындағаннан кейін, оны қалай еркек деп атауға болады? Бұл – біздің қоғамдағы
еркектердің екінші рет төмендетілуі. Біріншісі - әйелдің оның жаратылысына
деген өзімшіл көзқарасы, екіншісі – оның әйел жұмысын атқаруға мәжбүрлігі.
Сонда біз қандай гендерлік теңдік туралы айтып отырмыз?

Біз оның сыртында «қазір дұрыс
еркек жоқ» деген әңгіме айтамыз. Егер біз олардан жартылай-еркек, жартылай-әйел
жасап алсақ, дұрыс еркек қайдан шықпақ? Олай болса, біздің ұлдарымыз да осы
жағдайда тәрбиеленеді және сондай «тұқым» өсіп шығады.

Ал төрт сенімді әйелі бар еркек
хан болмай ма? Ал ханнан туған балалар ханшалар мен ханзадалар болып шығады.
Солай емес пе? Бұл жерде «нағыз еркек жоқ» деген мәселе өзінен өзі дұрыс
шешімін табады.

Мен, жас қыз ретінде, болашақтағы
отбасылық өмірде жиі кездесетін арпалыстан қалай құтылуға болатыны туралы жиі
ойландым. Бұл туралы ойланатын жалғыз мен ғана емес деп ойлаймын. Үнемі
ақпараттар жинастырдым, «тәжірибелі» адамдардан сұрастырдым. Жауаптар әр кезде
әр түрлі болып шығатын, олар мені қанағаттандырған жоқ, оларды орындау да
пайдасыз болып көрінді. Мен дұрыс жауапты көпәйелділіктен таптым. Ол қалай
көрінеді? Бұл әйелдер арасындағы салауатты бәсекелестік арқылы жүзеге асады.
Тойдан кейін және бала туған соң, әдетте, әйелдің өзіне өзі қарамай кететіні белгілі,
одан соң өз күйеуіне де сүйкімсіз көріне бастайды. Көпәйелділікте мұндай жағдай
болуы мүмкін емес. Ешқандай әйел қалған сұлу әйелдердің қасында өзін нашар
көрсеткісі келмейді.

Сондай-ақ жұбайлар өздері
қалағаннан көрі сирек кездеседі. Мұндай арақашықтықтың алшақтығы олардың
сағынышын күшейтеді. Әйелі күйеуін ерекше қарсы алатын болады. Ал егер күнде
қарсы алатын болса, басқаша болар еді. Бұл жағдайда күйеуіңнің «миын шаққың да»
келмейді. Мойындаңдаршы, қыздар, біз олай етуді жақсы көреміз ғой. Еркек те
мейлінше сабырлы бола бастайды. Ал психологтардың айтуынша, сабырлы еркектер
ақшаны да көп табады. Тыныш жағдай да өмір сүру өзіңе де жақсы емес пе? Балалар
да бір қалыпты тыныш жағдайда өмір сүретін болады.

Біз олай өмір сүрмейміз, өйткені
қоғамда олай қалыптаспаған, бізге қалай өмір сүру туралы біреулер бағыт береді
немесе өмір сүру ережелерін айтады. Біріншіден, бізге бағыт беретін – батыс.
Батыстың бет-ажары әдемі көрінеді. Бірақ сол қоғамның ішінде не болып жатыр?
Олардың қоғамы ішінен шіріп жатыр, адамгершіліктен жұрдай, жезөкшелік,
біржыныстылық, нашақорлық сияқты біздің қоғамға тән емес сипаттарды насихаттау
кең өріс алған. Ал біз соларға қарай ұмтыламыз, соларға ұқсағымыз келеді.
Біздің алдымызға қойылған мәселе – ой-өрісі кең, өрелі жаңа қоғам болу.

Жаңа қоғам болу үшін әйелге ең
керегі – өзінің өзімшілдігімен және жеке меншік сезімімен күресе білу. Еркек
бір ғана әйелге тиесілі деп кім айтты? Тіпті еркек біреуге тиесілі деп айтқан
кім?
Егер әйел осыны түсіне білсе, онда ол өзінің күйеуін және бірінші
кезекте, өзін бақытты етеді. Әйел – еркек үшін муза, оған сөз жоқ. Ал қазір не
болып жатыр? Бәрі керісінше. Әйелдер еркектердің орнын басуға, олардың жұмысын
істеуге талпынады. Бұл да үйлесімділік пе?

Сондықтан әйелдің әйел, еркектің
еркек болып қалуы үшін бәріміз ат салысайық!

 

Бақытты
болудың ерекше жолы

Біз әйелдің ақиқат өмірдегі орны
туралы жиі ойланамыз ба? Қоғам бізге не айтады? Айырмашылығы сол, ол туралы әр
адамның, көбінесе, әйелдің әр кезде ойланатынында. Біреулер 25 жасында,
біреулер 40 жасында ой елегінен өткізеді, ал кейбіреулер тіпті ойланбайды да.
Біз өзіңді бақытты етіп, үлде мен бүлдеге орап қоятын «көк етікті жігітті»
қиялдауды әдетке айналдырып алғанбыз. Ол «көк етіктіге» қоятын талабымыз да
көп: ол ұзын бойлы, сымбатты, ауқатты, жігерлі болса, айтқанымызды екі етпей
алақанына салып аялап отырса деген сияқты... Біз оны сонда ғана сүйеміз. Ал
әйелдің мақсаты не? Мәңгілік кітабында: «Әйел дегеніміз – еркекті бақытқа
жетелейтін жан» деп жазылған. Егер бұл пікірге қарсы болсаңыз, екі жағдайда
өмір сүріп көріңіз, яғни бірінші жағдайда 
әйел «үйге әкелінетін» бақытын күтіп отырады, ол талап етеді, өйткені ол
– тұтынуышы. Екінші жағдайда әйел бақытқа өзі жетелейді, орнына ештеңе талап
етпейді. Сіз өз қуанышыңызбен, күлкіңізбен бөлісіп көрдіңіз бе? Жақсы
көңіл-күймен бөліскенде не байқадыңыз? Қуанышыңыз тасыған үстіне таси түседі.
Балаларға арналған ән бар емес пе, дәл
сондағыдай! Ендеше неге өзімізді бақытты ете отырып, таңдап алған өзіңнің сүйікті
жарыңды да бақытты етпеске?!

Мен өз қуанышым мен
махаббатымды бөлісіп көрдім.
Бұл біреуден бірдеңе күтіп отырғаннан жақсы. Мен некенің
екі түрін салыстырдым. Бір неке махаббаттан, екінші неке ғашықтықтан тұрады. Махаббат
деген не? Ғашықтық деген не?
Барлық неке ғашық болудан басталады.
Ғашықтық өтеді. Ол – уақыт мәселесі ғана. Ал тұрмыс отбасылық өмірді қаузай
бастайды. Ал махаббат сыйластықтан, қамқорлықтан басталып кейін пайда болады.
Жастар ғашықтық пен махаббатты шатыстырып, көп қателеседі. «Нағыз неке
түсіністік пен сыйластыққа негізделеді, бала туып тәрбиелеу үшін құрылады»
деген сөзді оқи отырып, мен оған келістім.

Қазіргі әйелге қойылар талап та
көп, міндет те көп. Жұмыс, үй шаруасы, бала тәрбиесі, оның сыртында күйеуіңді
бақытқа жетелеуің қажет. Сондықтан маған «осы жұмыстарды екеулеп, үшеулеп,
тіпті төртеулеп атқарсақ, жеңіл болмас па?» деген ой келді.
Мені осы
тұста көпәйелділік қызықтырды. Көпәйелділіктің не екенін де, тіпті оның
әйелдерге арналған орасан зор мейірім болып табылатынын да ешкім білмейді ғой!

Тіпті оны «зұлымдықтың бір түрі» деп түсініп, одан қорқады. Шын мәнінде, білмей
тұрып, білетіндей әсірелеу – ең сорақы көргенсіздік болмай ма?

Мынадай бір мәтел бар екен: «Жесірді
сүйме, әйелі өлген, сен де ұзаққа бармайсың. Ажырасқанды сүйме, әйелімен
ажырасқан, сенімен де ажырасады. Бойдақты сүйме, ешкімді сүймеген, сені де
сүймейді. Әйелі бар еркекті сүй, әйелін сүйеді, сені де сүйетін болады». Бұдан
шығар жол – көпәйелділік. Қазіргі уақытта әйелі бар еркекті сүйсең, оны тез
ажыратып алуға болады деген ұғым қалыптасқан. Ал менің түсінігімде, әйелі бар
еркекті сүйсең, сен тек отбасын толықтырасың.

Көптеген әйелдер қазіргі еркектер
әлсіз, еркектік жаратылысына сай күшке ие емес деген шағымдар түсіріп жатады.
Оларды сондай күйге түсірген өзіміз деп ойламайсыздар ма? Егер еркекке үлкен сый-құрметпен
қарасаң, ол да сіздің үмітіңізді ақтауға сай келетін болады. «Ханды хан етіп
көрсететін нөкерлері» деген сөз бар. Еркекті де еркек етіп көрсететін оның
қасындағы жақындары, яғни әйелдері. Жалғыз әйелі емес, әйелдері. Жалғыз әйел
әдейі болмаса да күйеуін өзінің айтқанынан шығармауға тырысады. Әйелді суға
теңеуге болады, ол жұмсақ, бірақ күштілігі сондай ол сол жұмсақтығымен тасты да
уата алады. Егер еркек күн сайын әйелінің айтқанын ғана тыңдай берсе, ол сол
әйелі сияқты ғана ойлайтын болады. Қорытындысында әйелше ойлайтын еркек болып
шығады. Ал мен өз күйеуімнің өмір бойы нағыз еркек болып қалуы үшін,
көпәйелділікті таңдадым.
Полигамдық отбасын құрамын деп шешім
қабылдаған еркек жай некеге қарағанда, төрт есе артық жауапкершілікке ие
болады. Бұл дегеніңіз, менің күйеуімнің жауапкершілігі әлдеқайда күшті деп
сенімді түрде мақтанышпен айта аламын деген сөз. Себебі қазіргі таңда
еркектердің бойында жауапкершілікті сезіну жағы жиі жетіспей жатады ғой. Мен
көпәйелділіктің көптеген артықшылықтарын көрдім.
Енді олар туралы
жеке-жеке талдау жасағым келіп отыр.

Тәкаппарлық

Ойлап қарасаңыз, жұрттың бәрі
бір-бірінен бақыт күтеді. Бұл ретте бәрі де тек күтеді, бірақ ешкім бір-бірі
үшін ештеңе істемейді. Одан да біреуден күтпей-ақ, бақытты өз қолымызбен жасаған
артық емес пе? Жоқ, біз қолымызды айқастырып, кеудемізге қойып алып, жұртқа
өкпелейміз, өйткені бізге ешкім зерлі табаққа салып бақытты әкеліп бермей жатыр
ғой. Бұл жерде бізге кедергі келтіретін тәкаппарлық. Психолог С.И. Лазаревтің
сөзімен айтқанда: «әйелдің тәкаппарлығы – отбасындағы барлық жамандықтардың
себепкері». Тіпті ежелгі ақылгөй даналардың өзі: «Тәкаппарлықтан сүйкімсіз
ештеңе жоқ» деген екен. Бізге, әйелдерге, біздің отбасындағы рөліміз қандай
және оны қаншалықты дұрыс атқарамыз» деген мәселе туралы кеңінен ойлануға тура
келеді.

Қызғаныш

Көпәйелділер қызғаныш мәселесімен
жиі қақтығысады. Сондықтан көпәйелділікті тек қана күшті, жігерлі және батыл
әйелдерге ғана арналған деп айтуға болады. Өйткені кез келген әйел қызғанышты
жеңе алмайды және өз сезімдерімен күресе алмайды.  Ал қызғаныш сезімімен не істеу қажет? «Қызғаншақ
әйел жақсы көретініңді біле қойса, өзін құдаймын деп сезіне бастайды»

деп айтқан екен ағылшын драматургі Бенджамин Джонсон. Мен бұл пікірмен толық
келістім, өйткені қызғаншақ әйел «өз сүйгенінің» өзін ғана көргенін қалайды.
Егер сен оны шын сүйсең, сен оның сүйгенін де сүйе білуге тиіссің. Өйткені
еркектің жүрегі бірнеше әйелдің махаббатын сыйдыруға арналған. Бұл таңқаларлық
жайт. Әйелдер олай ете алмайды ғой. Еркектер әрқайсысын өзінше сүйеді, өйткені
әр адам өзінше дара және қайталанбайтын тұлға. Бір еркектің төрт әйелі
бірін-бірі толықтырып тұратын болады және бұл жерде бақталастық туралы сөз де
болмайды.

«Қызғанады, олай болса сүйеді»
деп біреулердің ойлап тапқан сөзі бар. Ал Публий Овидий Назон: «Қызғаныш ең
күшті, ең берік махаббатты да соққыға жығады» дейді. Қайсысы шындыққа жақын?
Өздеріңіз ой таразысына салып көріңіздер...

Өзімшілдік

Сондай-ақ көпәйелділікте
өзімшілдік түбірімен жойылады. Өзімшіл әйел көпәйелділікте өмір сүре алмайды.
Оған өзгеруге тура келеді, ол өз қамын ғана емес, қалған әйелдердің де игілігі
туралы ойлай бастайды. Негізінен алғанда, көпәйелділік өзін ғана емес, үлкен отбасының
барлық мүшелері туралы ойлау әдетін қалыптастырады.
Сондай-ақ осындай
отбасында өскен балалар да ата-аналарының осы әдеттерін бойларына сіңіретін
болады. Отбасындағы жалғыз баланың өзімшіл болып өсетіні бәрімізге мәлім. Ал
полигамдық отбасында бала жалғыз болуға тиіс емес.

Осы бір 3 мәселе – қызғаныш,
тәкаппарлық және өзімшілдік – қазіргі кезде қалыпты жағдай болып саналады,
алайда өздеріңіз ойлап көріңіздерші, олардан қандай нәтиже күтуге болады? Тек
батыс фильмдерінде ғана өзінің достары мен дұшпандарының төбесінен таптап өтіп,
хэппи эндке жететін өзімшіл кейіпкерлерді көрсетеді. Ақиқатына келгенде, ұлы
адамдар салмақты әрі қарапайым. Мәселе сіздің қалай қарай талпынатыныңызда.

Қазіргі таңда көкайыл-әйелдердің
де іс-әрекеті қоғамдағы қалыпты жағдай болып кеткен. Ал іс-жүзіне келсек, осы
бетперденің артында қандай сыр жатыр? Сізге әйелдер осылайша өзіне өзінің
сенімсіздігін жасырған болып көрінбей ме? Өзіне сенімді адам өзінің істеген
жақсылықтарын, жақсы қасиеттерін айтып жар салмайды. Шындықты дәлелдемейді, ол
туралы елге айқайлап айтпайды. Отбасының бақытын қалайтын еркек өзімшіл
көкайыл-әйелдерге үйлене ме? Мұндай әйел болашақ ұрпаққа қалай тәрбие бермек?
Иран ақыны, философ: «Мінезі жұмсақ, ақылы мол әйелі бар кедей патшамен тең
түсер» дейді. Әйелдердің қазіргі тәртібіне қарап, дұрыс еркек қалған жоқ деп
айтудың өзі ұят, себебі өз күйеуін патшадай күтетін әйелдер де некен-саяқ. Жалғыз әйелге
күйеуін патшадай күту қиынырақ болса, онда төрт әйелге бұл іс оңайырақ болар
еді.

Көптеген әйелдер
көпәйелділік туралы ойласа, жүректері дір ете қалады. Неге?
Бәрінен бұрын олар бәсекелестіктен
қорқады
. Онда кейбіреулер неге көпәйелділік өзіне өзі сенімсіз, үмітін
жоғалтқандар үшін ғана қажет деп ойлайды? Өзіне өзі сенімсіз әйел
бәсекелестікке қадам баса алар ма еді? Жоқ. Өзіне өзі нық сенімді әйел ғана
полигамдық некеде өмір сүре алады.

Жаратылыс бойынша, әуелден-ақ
еркектер полигамды, ал әйелдер моногамды болып қалыптасқан. Психологтар да
осылай дейді. Ал біз еркекті төмендете отырып, оларды бір әйелге ғана сенімді
жан қылуға тырысамыз. Меніңше, бұл еркектің табиғи жаратылысын «бұзатын»
өзімшілдік болып көрінеді.

 

Уақыт бостандығы

Көпәйелділікте мені қызықтырған
жайттың бірі – уақыт бостандығы. Яғни мен күйеуіме, дәстүрлі некеге қарағанда,
4 есе кем уақытымды бөлемін және күйеуімнің өзінің де, көңілінің де тоқ екеніне
сенімді боламын. Қалған уақытымды мен өзіме, балаларыма және жеке шаруаларыма:
бизнеске немесе өзімен ұнайтын істермен айналысуыма арнаймын. Менің
таң қалатыным, неге жұрттың бәрі көпәйелділікте әйел құқығы жоқ деп ойлайды?
Неге
әйелдер еркектермен бірдей жұмыс істеуге тиісті және үйге келе салып тағы үй
шаруасымен айналысуға тиіс? Немесе әйелдер күні бойы үй шаруасымен айналысып,
өзінің сүйікті ісімен айналысуға мүмкіндігі жоқ? Әлде әйелдің барлық құқығы –
күйеуімен жыныстық қатынаста болуы ғана ма? Ол да бар шығар, бірақ әйелдердің
ынтызары жыл өткен сайын суи бастайды, ал еркектер ешқашан суымайды. Өмірге сәби
келеді, әйелдердің көңілі толығымен балаға ауады, күйеуі екінші орынға қалады.
Күйеуіңізді азапқа сала отырып, оны сүйемін деп ойлайсыз ба? Менің ойымша, сіз
бұл жерде өзіңізді ғана сүйесіз, ал күйеуіңізге деген махаббат жоқ.

 

Жалқау болып та сиясың

«Көпәйелдіге жалқау болсаң да,
сиясың, күйеуіңнің жалғызы болсаң, ажырасып тынасың». Маған өмір бойы өзіме
ұнамайтын іспен айналысып, қиналудың да қажеті жоқ. Біз жұмыстарды өз арамызда
бөлісіп алғанбыз. Мені өз қалпымда қабылдап, мені сол қалпымда сүйетініне мен қуанамын
және бұл ретте бойыңдағы әдеттерден түбірімен арылудың да еш қажеті жоқ.
Маған
үнемі күйеуімді жалғыз қарсы алудың қажеті жоқ, оған ас дайындау, кір жуу, үй
жинау да – жалғыз менің мойнымдағы шаруа емес, оны төртеуміз бірге атқаруға
болады ғой.

 

«Алтын бала»

Нағыз еркек қайдан пайда болады?
Жоғарыда айтып кеткеніміздей, ханды хан ететін оның нөкерлері. Ал еркекті нағыз
еркек ететін өзі емес, оны сүйетін, өзін қоршаған әйелдері. Бірнеше әйелді
әйелдікке ала отырып, еркек олардың бәрі үшін жауапкершілікке ие болады.
Көпәйелді еркек әйелдерінің ешқайсысын ренжітіп алмау үшін, өзіне өзі абай
болады. Ол үнемі даму үстінде болады. Жауапты, әділ, еркек көп әйел ала алады
деп мен сенімді түрде айта аламын. 
Осындай еркектен туған бала да алтынмен барабар болады. Өйткені ол
балаға тиісті тәрбие береді, оған үнемі қамқорлықпен қарайды, жауапты еркек
ешқашан өз баласын тастамайды және барлық жақсылықты сол баланың бойына
ұялатады. Ал ол баланы туған әйел де реттік нөмірлі әйел емес, сәбилі ханым болып
саналады
. Мүмкін біз осындай дәрежеге апарар жолдың алғашқы қадамын
бастап кетерміз?!

 

Әйелдің міндетін тезірек атқарғым келеді

Мен әйелдің шынайы міндетін
түсінгеннен бері, өз бақытым - өзімнің қолымда деп сенімді түрде айта аламын. Көпәйелділіктің
жалғыз ғана заңы бар, ол – күйеуіңді бақытты ету
. Ал еркекке көп нәрсе қажет пе? Оған тек қана үйдегі береке және
дені сау ұрпақ қажет. Оны біздің әлем-жәлем боянған бет-жүзіміз бен бізөкше
сәнді аяқ киімдеріміз еш қызықтырмайды. Бақытқа қол жеткізу оңай! «Бақытты бол,
Бақытты қыл, Бақытыңмен бөліс, Бақ қонатын Бұл – іс, Болмайды ол намыс,
Бабалардан қалған алғыс, Болмайсың сонда жалғыз». Еркекке пайдасы жоқ әйел
сұлулығының не қажеті бар? Әйел сұлулығы деген сүйіктісінің игілігі мол
істерге қол жеткізетін музасы, күш беретін шабыты болсын!
Көбінесе
еркектер жұбайы атқаруға тиісті істерге араласып кетеді. Бірақ әр түрлі
міндеттемелерге қарай үлгіре алмай жатады. Күйеуінің санасы өзіне қажет емес
ойларға толы болады. Сондықтан еркектің пайдасы бар істерді атқаруға уақыты да
қалмайды.

Енді сіздің ойыңызша қалай, ашынасы
ғана болып, өзің сүйген еркекке ешқандай құқығыңның (адамгершілік те,
материалдық та) болмағаны жақсы ма, әлде ресми түрде екінші әйелі атанып,
күйеуіңнің бірінші әйелімен бірдей материалдық қамтамасыз еткені, бірдей назар
аударғаны жақсы ма?

Немесе бала тумаған әйелдерге
ажырасып, жалғыз қалып, ешкімге керексіз тастанды жандай өмірінің соңында
мүсәпір күй кешкені жақсы ма, әлде күйеуіне екінші әйел алуға мүмкіндік беріп,
оның балаларын сүйгені жақсы ма?

Ал жалғыз басты әйелдер мен жесір
әйелдер не істеуі қажет? Олар да отбасындағы әйел бақытына лайықты ғой.

 

Отбасылық бюджетті үнемдеу

Лайықты өмір сүру жағдайымен
қамтамасыз етілген отбасы мүшелерінің үйде көп уақытын өткізуге, үй шаруасымен
айналысуға мүмкіндіктері бола бермейді. Сондықтан үй жинау, тамақ дайындау, кір
жуу, бала тәрбиелеу сияқты қарапайым жұмыстар үшін арнайы қызметкерлер
жалдайды, сондай-ақ балаларды яслиге, бала бақшаларына береді. Бұл біреулер
үшін елеулі, енді біреулер үшін елеусіз болса да отбасылық бюджетке зиянын
келтіреді. Полигамдық отбасында осы істермен айналыса алатын төрт әйел бар.
Демек, бұл ақшаларды отбасында қалдыруға болады. Әр адамның бойында, бизнеспен
айналысатындай, талант бар. Ол үшін тек қаржылық сауаттылық керек. Он қолдан
шыққан кез келген бизнестің жұмысы тезірек жүреді.

Қазіргі полигамия туралы пікірлер
түгел дерлік жағымсыз. Оны еркектің құмарлығын қанағаттандыру, ашыналарын
жариялау, әйелдерді төмендету және т.с.с. тұрғысында қабылдайды. Дәстүрлі
некелер туралы неге ешкім олай ойламайды?

Қараңыздаршы, осындай
отбасылардың көпшілігінде не болып жатыр? Ажырасулар, басқаның отбасын
бұзушылық, үнемі біріне бірі көңілі толмаушылық... Егер біреулер полигамдық
отбасында тұра алмаса, ол көпәйелділік дұрыс емес дегенді білдірмейді. Бұл
олардың дұрыс тұра алмағанын және оны дұрыс пайдалана алмағанын білдіреді. Жұртты
қуантып, ұзақ өмір сүретін отбасының үлгісін құруға да болады ғой.
Егер
біз біреу апатқа ұшыраса, көліктің нашарлығынан демейміз, жүргізушісі
тәжірибесіз дейміз ғой. Көпәйелділік туралы да солай айтуға болады.
Көпәйелділікті дұрыс құрмасаң, соңы құрдымға кетеді. Бұл жерде полигамдық неке
құрушылардың алдына қойылатын мақсаттардың маңызы зор.
Отбасының әрбір
мүшесі үшін мақсат қоя білу керек. Мақсат неғұрлым жоғары болса, солғұрлым
отбасы да сәтті құрылатын болады.

 

Мансаптың өсуі

Көптеген әйелдер жоғары мансапқа
ие. Олардың көпшілігі жылдар өткен сайын жалғыз қалады. Мансап жоғарылаған
сайын, «анашым» деген сөздің де ауылы алыстай береді. Осы бір ғажайып сөзді кез
келген әйел естігісі келеді деп ойлаймын. Мен үшін менің мансабым – менің
болашақ балаларым. Бұл мәселені «өзің үшін» ғана туып та, шеше салуға болар
еді. Бірақ мен оны балаға қатысты алғанда, өзімшілдікке балар едім. Егер сіз
балаңыздан: «әкеңді білмей, дүниеге келгеніңді қалар ма едің?» деп сұрасаңыз,
балаңыз не деп жауап берер еді? «Иә» деп жауап береріне сенімдісіз бе?  Бұл жерде кімнен туу керек деген сұрақ
туындайды. Шешімі сол. Тағы да көпәйелділік болып шығар еді.  Әйел өз үйін арыстандар шығаратын апанға
айналдыруы тиіс. Міне, нағыз еркектер қайдан шығады?

20 жыл бойы бизнеспен айналысқан
бір әйел көптеген жетістіктерге қолы жетіп, өзінің үлкен бизнесін құрды. Бірақ
бала туралы, отбасы туралы ойлауға мұршасы да болған жоқ. Ал қазір сол әйел
«өткен өмірімді кері айналдырар мүмкіндік болса, 16 жастан бастап жыл сайын
бала туа берер едім» дейді екен. Мүмкіндік болып тұрғанда, бұл туралы қазір
неге ойланбасқа?

Статистикалық деректер бойынша,
қазір Қазақстандағы кәрі қыздар саны 100 мыңнан асады. Олардың өздерін әйел
және ана ретінде сезінуі үшін, көпәйелділік мейлінше сенімді шешім болып
табылар еді. Ана бақытын сезінбеген әйел – бұл өмірде өзін пайдалана білмеген
әйел.

 

Демография

Кез келген мемлекеттің
демографиясы елдің ішіндегі оның экономикасы мен саясатының дамуына қалай әсер
етсе, елден тыс жұмыстарға да өзінің тікелей әсерін солай тигізеді.
Демографиялық тұрғыдан алғанда, күшті мемлекеттер әрқашан және барлық уақытта
көрші елдердің, континенттердің және дүние жүзінің тағдырына зор ықпал жасап
отырады. Дүние жүзі бойынша халқының саны ең көп ел Қытай өз халқының саны
есебінен қазіргі кезеңдегі ең үлкен Қытай еліне айналды. Сандық фактор ерте ме,
кеш пе, сапалық факторға көшетіні мәлім. Қазақстан өзінің аумақтық тұтастығы
мен қауіпсіздігін сақтау үшін, халқының санын ішкі резерв есебінен де (туу
санын арттыру және өлім санын азайту), сыртқы резерв есебінен де (қазақ ұлтын
көбейту) арттыруға тиіс.

«Ұлттың болашағы автокөліктер
санының көбеюіне емес, балалар арбасы санының көбеюіне байланысты» деп бір
афоризмде айтылғандай, демографиялық құрам мемлекет саясатының негізгі басымдық
бағыттарына кіреді. Бұл туралы Қазақстан Республикасының Президенті
Н.Ә.Назарбаевтың Жолдауында да айтылған.

Көпәйелділік демография мәселесін
қалай шешеді? Төрт әйелі бар бір көп әйелдінің полигамдық отбасын үлгі ретінде
алайық. Әр әйелдің бұл еркектен кем дегенде үш баласы бар, яғни бір еркектің
кем дегенде 12 баласы болады. Қазіргі замандағы 4 баласы бар «дәстүрлі»
моногамды отбасыға қараңыз, олар үшін бұл – ерлік. Әйтпесе, негізінен, бір
отбасында бір, екі бала ғана болады. Қазіргі әйелдер әр түрлі себептерді алға
тартып, бала туудан бас тартады, бала туғысы келмеген әйелдер мансапқа ұмтылу,
отбасының қаржылық жағдайы, денсаулық жағдайы, уақыттың жетіспеушілігі сияқты
тағысын тағы толып жатқан сылтаулар ойлап табуға дайын. Көпәйелділіктің кеңінен
таралуы ондай әйелге өзінің өмірдегі шынайы орны туралы ойлануға мәжбүр етер
еді, яғни әйелдің шынайы міндеті  өмірге
ұрпақ әкелу болып табылады. Бір еркектің бірнеше әйелінің ортасында
ұрпақ әкелудегі салауатты бәсекелестікті мемлекетіміздің демографиялық
жағдайының толық дамуына қосылған үлес деп айтуға болар еді.
Біздің әрқайсымыз біртұтас мемлекетіміздің
жалпы жағдайы үшін жауаптымыз. Елімізді біреулер құрады екен деп ойламауымыз
керек. Біздің әрқайсымыз біртұтас ағзаның жасушасы тәріздіміз. Егер олардың
біреуі дұрыс жұмыс істемесе, толық бір ағзаның, яғни еліміздің жұмысына әсерін
тигізеді.

 

Өз қалауыңмен өмір сүру мүмкіндігі

Әрбір адам, қандай да бір
тәжірибелерді бастан өткере отырып, жеке тұлға болып қалыптасады. Адамдар некелескеннен
кейін, өз әдеттерін, кейде өзі ұнататын істерін де өзгертеді, себебі бір әйел
күйеуінің айтқанынан шығуы тиіс немесе басқа да себептер болуы мүмкін. Алайда
көпәйелділікте маған өзгерудің еш қажеті жоқ. Мен өзім қандай болсам, мені сол
қалпымда қабылдайды, мен қалған әйелдерді қандай да бір істермен толықтырамын,
ал олар мені толықтырады.
Мен өзімнің сүйікті істерімді тастамаймын
және бойымдағы өзіме тән әдеттерді өзгертуге тырыспаймын. Менің мінезімнің
ерекшеліктері біртұтас мінездің бір бөлігі болып табылуы мүмкін. Ал
біртұтас мінез дегеніміз – сүйікті күйеуіміз және оның төрт әйелі.

Біздің қателігіміз сол – көпәйелділік туралы нақты әрі анық ұғымның жоқтығы.
Сондықтан ең ақылды ой – іс жүзінде өз қалауыңмен өмір сүру.

 

Әйелдің тұрақты өсуі

Мен отбасылық өмір туралы
армандағанда және көпәйелділік туралы білмей тұрған кезде, достарым мен
таныстарымның отбасылық өмір туралы әңгімелерін тыңдай отырып, отбасылық өмірді
тұрмыс қарекеті жеп қояды деген ойдан жаман қорқатынмын. Көпәйелділік туралы білгеннен
кейін, мен ол тығырықтан шығар жолды таптым.
Мен күйеуімнің үш әйелін
өзіммен қатар қойдым. Әрбір қыз бәсекелестікті сезіне отырып, қалғандарының
соңынан алға ұмтылуға тырысады, бұл – нағыз салауатты бәсекелестік.

 

Денсаулық

Полигамдық отбасы – салауатты
отбасы, оған ғашықтық сезімнің жемісі болып табылатын аурулар келіп жабыспайды.
Еркектің оған уақыты да болмайды ғой. Статистикаға жүгінсек, полигамдық
некедегі еркектер ұзақ өмір сүреді және еркектер проблемасы болып табылатын
аурулармен де аз ауырады. Медицина да еркектің денсаулығы мықты болу үшін
жалғыз әйелмен болу жеткіліксіз екенін дәлелдеп отыр. Көпәйелділік денсаулық
мәселесінде де көптеген проблемаларды шешетіні анық.

 

Қорытынды

Көпәйелділіктің әйелдерге
арналған пайдасын тізбелейтін болсақ, оның шегі жоқ және оны әркім өзінше
таңдайды. Әркім керексізін тастап, керегін тауып алады. Оның ішінде керексізі –
қорқыныштар, тәкаппарлық, алдын ала болжаулар, өсек-аяңдар болып табылады. Көпәйелділіктің
не екенін түсінген әйелдің алдынан жаңа әлем ашылады және жаңа қырынан
танылады. Бұл жай сөздер емес, бұл – полигамдық некеден бақытын тапқан әйелдің
сөзі
.

Ең бастысы, полигамдық
отбасындағы оның барлық мүшелері бір-біріне емес, бір бағытқа қарауы тиіс, яғни
олардың ортақ міндетті мақсаты, жалғыз нысаны – күйеуі болуы тиіс. Менің
ойымша, полигамдық отбасы – отбасындағы әйелдер тату тұратын ең бақытты отбасы.
Мұндай отбасылар көп пе? Көпәйелділік деп аталып жүрген қазіргі жайттар қазіргі
кезде бұл атауға сәйкес келе бермейді. Сондықтан бұл екі түрлі ұғымды
шатыстырып алмауымыз қажет.

Тарихқа көз жүгіртетін болсақ,
көптеген ел басқарушылардың көпәйелділікпен өмір сүргенін көруге болады және
барлық діндегі қарапайым халық та солай өмір сүруді жалғастырып келеді.
Сондықтан мен көпәйелділікті тек қана мұсылмандарға тән деген сенімді негізсіз
деп санаймын.

Ислам - көпәйелділік идеясын
қолдайтын ең алғашқы дін де емес, оны қолдайтын жалғыз дін де емес.

Егер «көпәйелділік» сөзінің синонимі
«бақытты отбасы»
болса, «бірәйелділік» сөзінің синонимі «монотондылық»
болып табылады. Атына заты сай әйел ел алдында – ханшаға, ас үйде – күңге,
төсекте – жолбарысқа айнала білуі тиіс. Бұл жағдайда үш әйел болу қажет. Әзірше
бізде көпәйелділікке рұқсат берілмегендіктен, еркек әлде ханшамен, әлде күңмен,
әлде жолбарыспен тұрмыс құруға мәжбүр.

 

Жалғасы бар...

Афоризмдер әзіл-шын
аралас

Көпәйелділік туралы

 

1)            
Егер көпәйелділікті зерттемесең, оның ешқандай мәні де
жоқ.

2)            
Жалғыз адам – не әулие, не жын-пері.

3)            
Жалғыздықты
сүйетін кез келген адам не жабайы аң, не Жаратушы Құдай.

4)            
Үлкен
отбасын, яғни көпәйелділікті: Ах, шіркін-ай! Бәрекелді! Ой, пәлі-ай! сияқты
бірнеше одағаймен бейнелеуге болады.

5)            
Өзін өзі
жеңе білген және әйелдерімен бір шатырдың астында тұратын көпәйелдіден ақыл
сұра.

6)            
Көпәйелділік құмарлық үшін
емес, ұлы адамдардың ұлы мақсаттары үшін құрылған.

7)            
Көпәйелділік – махаббатты,
қарым-қатынасты, қызғанышсыз өмірді көрсете білетін, ұлы Абай, Абылайхан сынды
қазақ ата-бабасының өмірін еске салатын өнер.

8)            
Көпәйелділік оны
танып-білу үшін емес, өзімізді тәрбиелеу үшін құрылған.

9)            
Көпәйелділік туралы біздің
берік әрі нақты көзқарасымыздың  болмауы
– біздің сорымыз; сондықтан ең дұрысы – табиғи жаратылысымызда қалып, өзімізбен
өзіміз болу.

10)       
Көпәйелділік кемшіліктерге
емес, құндылықтарға негізделген.

11)       
Көпәйелділік – қызғаныш
пен зеріктірер махаббат шылбырын үзу құралы.

12)       
Көпәйелділік  - бұл тек идея ғана, бастысы – бақытты болу.

13)       
Көпәйелділіктің
артықшылығы – дарындарды біріктіру.

14)       
Көпәйелділікке ұмтылу –
адами қиялдың бірінші қажеттілігі.

15)       
Көпәйелділік туралы айтуға
мықты емеспін, айтпай қалуға да күшім жетпес.

16)       
Көпәйелділік туралы сөйлеу
қиын, алайда үндемей жүре беру – адам қолынан келмейтін іс.

17)       
Қалай көп әйелді болу
керек деген сұраққа данагөй былай жауап берген: «Көз алдыңда ажырасқан,
балаларын тастап кеткен, жүріс жүретін, отбасы құрмайтын, зорлайтын, қорлайтын,
сүймейтін жандарды көрсең – жеткілікті».

18)       
Жердегі өмір өрмек сияқты,
ол сәл ғана шиеленістіреді, ал көпәйелді бұл өрмекті үзеді.

19)       
Көпәйелділік қалың орманды
тау сынды, ал 20 бала – оның ажары. Ал сен жалғыз болсаң, дұшпаныңның алдында
қиылыста өскен жалғыз талға ұқсайсың, өткен-кеткен адам жемісіңді жұлады,
жан-жануарға жем боласың.

20)       
Көпәйелділік – таза ар,
демек еркіндік. Көпәйелділік – бұл өмір мағынасы. Көпәйелділік – Абай,
Абылайхан тағы да басқа ұлылардың ісі.

21)       
Көпәйелділік – мақсат
емес, тек мақсатқа жету құралы.

22)       
Көпәйелділік – көп әйел
мен жалғыз әйелдің ортасы.

23)       
Надандық – ең жаманы емес,
ең жаманы – көпәйелділік туралы теріс пікірдің қалыптасуы.

24)       
Көпәйелдінің артынан мол
мұра емес, мықты, таза, жауапты, адал ұрпақ қалады.

25)       
Көпәйелділік ұлы
адамдардың ұлы ісі. Оған қадыр-қасиетпен, асқақ, сүйе, бағалай, батыл қарау
керек, ол барлығы үшін және мәңгіге.

26)       
Әлбетте,
көпәйелділік бар, сірә, бұл бәріне мәлім шығар; бірақ ол барлығы ойлағандай
емес.

27)       
Көпәйелділікте
үйлесімділік бар, өйткені сөз бен іс астасып жатады, ал көпшілігі ұятты істер
істеп, керемет сөздер айтады.

28)       
Шыдамды,
ынталы болсаң, көпәйелділік туралы білім дәні, көп күттірмей көктей бастайды.
Оқудың тамыры ащы, жемісі тәтті.

29)       
Көпәйелділік
– өмірге деген жаңа көзқарас немесе ұмытылған ескілік.

30)       
Көпәйелділіктің
сенімділігі сол – шарттар ерікті түрде қабылданады.

31)       
Көпәйелдіні өз үйін мықты
іргетасқа асыл тастан салған есті адамға теңер едім.

32)       
Егер екі әйел бір
шаңырақтың астында тату өмір сүрсе, тәкаппарлық пен қызғанышқа «Кет!» дейді, ал
олар төртеу болса, тәкаппарлық пен қызғаныш түстеріне де енбейді.

33)       
Көпәйелділік асқар таудың
басына салынған қала іспеттес, ешкім ала алмайды және оның құпия болуы да
мүмкін емес. қызығарлық жай.

34)       
Медицина саласында
хирургтың еңбегі көзге түсерлік болса, көпәйелдінің өмірі де дәл солай.

35)       
Көпәйелділікке үрей мен
түнекті сейілту қажет.

36)       
Көпәйелділік – махаббат
үшін өмір емес, махаббатпен өмір сүру.

37)       
Табиғатта
өздігінен өсіп өнетін ешнәрсе жоқ. Көпәйелділік те сол үшін құрылған, яғни бір
мақсат жолында бірге өмір сүру үшін.

38)       
Рахаттың мөлшерден тыс
молшылығының ащы дәмі бар, ал көпәйелділікте ләззат біркелкі әрі тәтті.

39)       
Көпәйелділік – ұятты іс
емес, оны тобырмен мадақтау ғана ұят.

40)       
Көпәйелділікті түсінбейді,
сондықтан сынайды.

41)       
Көпәйелділікте өзін емес,
отбасын жақсы көреді.

42)       
Тек көпәйелділікте ғана
бақыт пен парасат үйлесім табады.

43)       
Белгісіздік зәрені
ұшырады, ал көпәйелді алдын-ала ескертіп отырады.

44)       
Көпәйелділікте қызғаныш
өз-өзінен жоқ болады, солай рухани қасиеттер ашыла түседі.

45)       
Еркек пен әйел ғана бағалы
емес, көпәйелділіктің өзі даналық.

46)       
Ерте өмірден өту – шағын
ғана оқиға, жалғыз қалу – үлкен оқиға.

47)       
Көз құлаққа қарағанда, дәл
көретіндіктен, көпәйелділікте бәрі бірге тұрады.

48)       
Көпәйелділіктің даналығы
бір ғана нәрседен көрінеді: саған ұнады екен, бәріне де сүйкімді.

49)       
Көпәйелділіктің даналар
мен ұлы адамдардан қалған іс екенін біле отырып, оны істемеу – қорқақтық.

50)       
Бір
данадан: «Өмірде бай, бақытты, жауапты, парасатты, сабырлы болу үшін   өмір бойы басшылыққа алып жүретін іс-әрекет
бар ма?» деп сұрағанда, ол: «Иә, ол – көпәйелділік» деп жауап беріпті.

51)       
Көпәйелділік
сені ажырасудан, күнәдан, азғындықтан, құмарлықтан алыстатады.

52)       
Әйелдерің
туралы біле отырып, дана боласың, ал оларсыз – ақымақ атанасың.

53)       
Өмірде
қолданылмаған көпәйелділіктің жеміссіздігі сондай, ол – түрі адам қызығарлық,
бірақ иісі жоқ әдемі гүл сияқты.

54)       
Бақытты
отбасын бұзатын үш-ақ нәрсе бар: ол – тәкаппарлық, қызғаныш және өзімшілдік. Ал
оны қалпына келтіретін бір ғана нәрсе – көпәйелділік.

55)       
Көпәйелділік дегеніміз – даналардың
ойлауға емес, өмір сүруге арналған кәсібі.

56)       
Көпәйелділік дегеніміз – ол дана
адамдардың иелігі, оны сақта, соларша өмір сүр және ол туралы біл.

57)       
Көпәйелділік дегеніміз – ұлы
адамдардың кәсібі. Өзгелермен ебін тауып және дәл уақытында бөлісу – ең
маңызды адами ереже және саналы өмір кепілі.

58)       
Көпәйелділік – қажет, ал ол
үшін себеп те, негіз де бар.

59)       
Өмірде ешқандай
іс-әрекетке бармай қол қусырып отыру – есерліктің белгісі. Көпәйелділік –
даналардың іс-әрекеті.

60)       
Мәңгілік махаббаттың дәмін
татқан соң ғана, уақытша ғашықтықты қуып шыға аласың.

61)       
Көпәйелділер – даналар
сарайында тұруға лайықты жандар.

62)       
Ажырасудан қорқасың ба,
үйлен! Әділетсіз болудан қорқасың ба? Үйлен! Кедей болудан қорқасың ба? Үйлен! Жауапкершіліктен
қорқасың ба? Үйлен! Үйренесің!

63)       
Көпәйелді дегеніміз – тәні сау, рухы еркін және өз
дарындығын дамытатын адам.

64)       
Көпәйелділік сырттай надан, іштей ақылды көрінеді.

65)       
Көпәйелділік сырттай сүйкімсіз, іштей жылы (себебі
махаббат оты маздап тұрады).

66)       
Қызғаныш ең мықты, ең берік махаббаттыда соққыға жыға
алады.

67)       
Көпәйелділікте өмір сүріп көрмесең, оның қандай керемет
екенін де түсінбей өтесің.

68)       
Көпәйелді әйелдерінің кемшіліктерін байқамайды,
қасиеттілігін қалайды!

69)       
Полигамияда
қағидалар бойынша өмір сүреді, ал моногамия – ережесіз шайқас.

70)       
Көпәйелділер
бақытты, олар туралы әңгімелейді, олар туралы ойлайды, оларға таң қалады,
оларға қызығады.

71)       
Жағада тұрып кемені
басқара алмағандай, көпәйелділік болмай, жеңіл жүрісті қыздар азаймас.

72)       
Көпнекелік жұдырық,

Бірнекелік
бұйрық.

73)       
Көпнекелікте келісіп,

Бір мақсатта,

Жұдырық болып жұмылады,

Сонда, тұқымы жайылады.

Жәй некеде

Бір әйел күйеуіне бұйырады,

Сөйтіп жүріп,

Тұқымынан
айырылады !

74)       
Көпнекелік –
берекеде,зұлымдылықта емес

Ол солардың тұратын қоймасы тәрізді

Қолданушыға
байланысты

75)       
Көпнекелікті түсінбесең – түңілесің,

Қыр-сырын
білсең – өмір сүресің.

76)       
Көпнекелік мақсат емес,

Мақсатқа
жеткізетін құрал.

77)       
Надандық – қасірет!

Ал, көпнекелік туралы

Жалған мәлімет жинау,

Одан
бетер азғындық!

78)       
Екі әйел ұрыс,

Үш әйел үшбұрыш,

Бұрыштың
төртеу болғаны дұрыс !

79)       
Көпәйелдік- ол үлкен

Бақытты жанұя,

Оны сақтаудан гөрі

Қадірлеу
керек.

80)       
Көпнекеліктің құндылығы-

Ол бес дарынның

Бір
мақсатта бас қосуы.

81)       
Көпнекелік туралы сөз
қозғау,

Оңайлыққа соқпайды.

Бірақ үндемей қалу,

Адамгершілікке
жатпайды.

82)       
Көпнекелік – ұлы,
даналардың ісі екенін біле тұра,

Қолданбау,
ең төмен әлсіздік.

83)       
Көпнекелік-ажырасудан,
күнадан, нәпсіліктен алыстататын құрал.

Өзіміз
тәрбие құрал ретінде

84)       
Көпнекеліктің тек бар
екенін білу кажет емес,

Пайданалуымыз
қажет.

85)       
Көпнекелік – жарын
жақтайтын,

Өзін-өзі
бабтайтын,

Қазан-ошақты
сақтайтын,

Үй-тіршілігін
– Асарлатып тастайтын,

Керемет Жанұя,

Махаббатқа
ұқсайтын!

86)       
Төрт әйелі бар жігітпен-
қалжыңдамаңдар,

Бір дертке ұшырауың мүмкін.

Ол жігіт тегін емес,

Көпнекелікте
данышпандық бар!

87)       
Көпнекелік –
жалғыздыққа қарсы көтеріліс.

88)       
Көпнекелік,

Күйеуін,

Күліп,

Күтетін,

Кәсіп.

89)       
Даналар бұл дүниеден
ертерек кетседе,

Көпнекелік туралы жаңа келіп

Құлағымызға айтқандай,

Бұл сөздер Ай секілді өшпейді-ай!

Сол себептен

Орындайық
жалтаңдамай!

90)       
Көпнекелік ең алдымен

Даналарға келген ой,

Ақырында
адамзатқа жайылады ғой!

91)       
Бір әйелің жазықсыз
ренжітсе,

Бір әйелің ретсіз мақтайды ғой!

Осымен
көпәйелдік керемет қой !

92)       
Еркек негізі көпнекелікке пайымдалған,

От жоғарыға өрмелегендей,

Тас
төменге дөнгеленгендей.

93)       
Төрт әйелі бар ақылды
жігіт,

Гауһар тастардан ойып,

Тұрақты
зәулім үй соққан тәрізді!

94)       
Көпнекеліктің құндылығын
білмеген соң,

Құнсыз
талқыға түседі!

95)       
Уақыт та, Заман да,
көпнекелік туралы керемет ойды

Өшіре алалмайды!

Себебі бұл ойлар

Даналардан
басталады.

96)       
Көпәйелділікте – бала көп,

Бір әйелмен – базар көп.

97)       
Көпәйелдінің қолы көкке жетеді.

98)       
Көпнекелік – негізгі бірлік.

99)       
Көп әйел ер үшін – сәнділік, негізі – мәңгілік.

100)  
Ері жоқ әйел – елі жоқ нәсіл.

101)   Үйде жүріп оңбаған,

Үйленіп те
оңбайды.

102)   Көпәйелді болу –

Майданға шығу.

Бір әйелмен болу –

Тұтқында қалу.

103)   Көпәйелді – ер азамат,

Бір әйелмен –
жәй азамат.

104)   Көпәйелді – ер азамат,

Үйленбеген – бір зат.

105)   Әйел-баласын тастаған,

Екі күн-ақ
жасаған.

106)   Көпәйелділік – шарапат,

Жалғыз әйел
– кесепат.

107)   Көпнекелік – қасиет!

Жалғыздық –
қасірет!

108)   Көпке сұлу болғанша,

Күйеуіңе бол
сүйкімді.

109)  
Көпәйелді жігіттің күлкісі де күннен жылы.

110)  
Ерін сыйлаған әйелдер елін де сыйлайды.

111)   Бір әйелмен – жәй тұрасың,

Көп әйелмен
– жәй табасың.

112)   Күн шықпаса, күнелтесің,

Күйеуің
болмаса, күйзелесің.

113)  
Көпнекенің күші – селдің күші.

114)   Көпнекелік – 
кеңес,

Кеңесті үйде
кек болмас.

115)  
Көпнекелікті сөккен көгермес.

116)   Көпнекелі болу –

Өмірді шолу.

117)   Көпнекеде –  ер
сыналады,

Жай некеде –
әйел сыналады.

118)  
Көпәйелді – көп қырлы, бір сырлы.

119)  
Көпнекелі жігітке өсек те дарымас.

120)   Болат қайнауда шынығады,

Әйел бала
туғанда құлпырады.

121)   Ат өнері білінбес,

Бәйгеге түсіп жарыспай,

Ер өнері білінбес,

Төрт әйелге
үйленбей.

122)   Жасық адам жасына жетпей қартаяр,

Көпәйелді адам жасына жетпей
марқаяр.

123)  
Көпнекеліктің шарты – өзіне сезгендік.

124)   Ерлік өлім ерді көбейтеді,

Көпнекелік
елді көбейтеді.

125)  
Көпәйелді – көкті сүйетін ер алар.

126)  
Көп жарды жылуы көп жігіт алар.

127)   Теңіздің дәмі тамшысынан білінеді.

Көпәйелді
жігіт мінезінен білінеді.

128)   Көпнекеліктің не екенін білсең – қорың,

Білмесең –
сорың.

                   

Көпәйелділік
туралы ерлерге

 

1)               
Қыздардың
бел ортасында жүріп, төртеуін таңдап алу қолыңнан келмесе, моншаға барып
жуынбай шыққанмен тең.

2)               
Көпәйелді
тойған Арыстан секілді. Төртеуін алып, тынышталады, ал бойдақ еркек – аш қасқыр
сияқты, бүкіл табынға шабады.

3)               
Көпәйелділік
– тек мықты ерлерге арналған сынақ.

4)               
Көпәйелдіге
жауынгердікіндей ержүректілік қажет: көпәйелді сын-пікірлер туралы ойламауы
тиіс, ал екіншісі аурухана туралы ойды ұмытуға тиіс.

5)               
Көпәйелді
бәрімен бірдей, тек қана басқаларынан жауапкершілігі мол, бәрінен адал. Бар
болғаны сол.

6)               
Көпәйелді
еркек  өзін еркекке тән қылып көрсетеді,
бір әйелі бар еркек жәй еркек болып жүреді.

7)               
Көпәйелді
еркек күн секілді бәріне шуағын шашады. Қарапайым еркек әйелінің қолындағы
қолшам іспеттес.

8)               
Көпәйелді
әрқашан көзге түсіп жүреді, оның күнәмен ісі жоқ.

9)               
Ер
еркек - әрқашан күйеу жігіт.

10)          
Көпәйелді
және азамат сөздерінің мәні бір.

11)          
Ақшаң
көп болса, уақытың да көп.

Әйелің көп болса, еркіндік те жеткілікті.

12)          
Төрт
әйелім бар, деп ойласам – қадірлімін деп ойлаймын,

Бір әйелмен – құрыдым деп ойлаймын.

13)          
Төрт
әйелден қасірет көресің немесе

төрт қасиетін білесің

Өзіңе байланысты

14)          
Төрт
әйелді түсінсең –

Төресің!

Түсінбесең –

Көріміңді көресің!

15)          
Мақсаты
бар еркек –

Төрт қатын алады

Онымен мақтансада болады!

Түсінбеймін бір қатыны бар еркекті,

Тышқан аңдыған мысық секілді.

16)          
Бір
әйелмен тұру үшін,

Қаншалықты өтірік айтудың шебері болу қажет

Төрт әйелмен өмір сүрудің өзі – шеберлік!

17)          
Жәй
әйелмен тұрып – бүгілесің,

Төрт әйелмен өмір сүріп – сөгілесің.

18)          
Төрт
әйел бар жігіт,

Байсалды болып келеді.

Себебі,

Шашкідегі  төрт Дамкасы бар

Ойыншы секілді.

19)          
Әлсіздігіңді
біліп,

Бір әйелмен шектелсең,

Төрт әйелі барларға қарау

Не пайда?

Ал қарай қойған жағдайда

Мұхаммед пен Абайдың жолына

Түсу керек болады

Ондайда!

20)          
Бір
әйелің болса

Шүкір ет,

Бірақ, көпнекелік,

Даналардың кәсібі екенін

Ұмытпа!

21)          
Егер
еркек – некенің мәнісін білмесе,

Көпнекелік туралы әнгіменін,

Қажеттілігі де жоқ.

22)          
Төрт
әйелмен-өмір сүретін жол табылады,

Жәй әйелмен-көрдің есігі ашылады!

23)          
Жүйрік
атты шапқанда көресің,

Нағыз еркекті-төрт әйелмен

Бір жерде тұрып

Бақытты болғанда білесің!

24)          
Төрт
әйел алсаң данасың,

Өмірдегі проблемаларды шағасың!

25)          
Көпнекелік
даналық іс болған соң, құпия болмауға тиіс.

Бұл кәсіп Мұхамметтен Абайға,

Абайдан Бізге,

Бізден келесі ұрпаққа

жеткізуіміз керек,

Егер біз бостандықта болсақ.

Тұтқында болсақ, әнгіме басқа!

26)          
Жалғыздық
Аллаға жарасады,

Көптігімен Пайғамбар мақтанады.

Көпнекелік Пайғамбардың салған жолы болды,

Орындау бізге міндет болды.

                         

Көпнекелік туралы әйелдерге

 

1)          
Көпәйелділер бақыт туралы сыбырлап қана сөйлеседі.  Ашыналар өздерінің бақытсыздығы туралы зар
жылап айтады. Жалғыз өзің сарайда көз жасыңды төгіп,  күнәңді күтіп діріл қаққанша, күйеуіңді
бақытты етіп, күнәсіз оның құшағына еркін құлағаның жақсы емес пе?

2)            
Әйелдер, жалғыз күйеулеріңмен өмір сүріңдер! Қараңыздар:
нөл дегеніміз ештеңені білдірмейді, бірақ екі, төрт нөлдің орны бөлек.

3)            
Әйелдер ерінен гөрі
бір-бірімен некелеседі.

4)            
Үлкен жанұяда өзіңді ғана
ойлап қоймай, өзгелерді де ойлайсың, мұнда МЕН емес, БІЗ деген түсінік
бар.

5)            
Мен – сүйікті отбасының
бір бөлігімін, бұл менің бақытты елде өмір сүргеніммен тең.

6)            
Әр әйел моногамияны
таңдайды, себебі полигамияда қалай өмір сүретіндігінен хабары жоқ.

7)            
Көпәйелділіктің қажеттілі
туралы емес, әйел үшін әйелдерден келетін пайда туралы айтқан жөн.

8)            
Ешкім көпәйелділік туралы
ештеңе, тіпті әйел үшін оның нағыз шарапат екенін білмейді. Алайда ол
қасіреттің ең зоры деп түсініп, одан қорқады. Ең сұмдық надандық – негізінде
білмейтін нәрсеңді білем деп ойлау емес пе?

9)            
Көпәйелділікте мықты
күйеумен әпке-сіңлі тапқандай боласың, ал нашар күйеумен суға кеткендей
боласың.

10)       
Көпәйелділіктен сабырлылық
пен сенім қағидасын көремін және апалы-сіңілілер арасында шарттық жүйе жұмыс
істейді. Мұнда отбасы сөзінің мағынасы толық ашылады.

11)       
Күйеуін сүймейтін әйел
ештеңені де сүйе алмайды.

12)       
Көпәйелді жігітпен бірге
тұрып, жаңалық ашуға қабілетті әйел балаларға үлгі болуға лайық.

13)       
«Менің күйеуім, бала –
менікі» деп қиналады кейбір әйелдер. Ақымақ-ау, сен өз-өзіңе де тиесілі емессің
ғой! Қайдағы күйеу?

14)       
Қайдағы бала? Ең болмаса,
біздікі десеңші қиналмай.

15)       
Көпәйелділікте
әйелдер әмір етеді, бірақ алдымен олар бағынуды

үйренеді.

16)       
Бір данагөйден: «Әр әйел
нені білу керек?», - деп сұрапты. Сонда 
ол: «Надан болып көрінбеу үшін бәрін білуге ұмтылма,
күйеуіңді білсең, жетеді» деп жауап беріпті.

17)       
Данагөйден: «Әйелге нені
білу қажет?» деп сұрағанда, «Күйеуінен сыйлық алуды білу», - деп жауап беріпті.

18)       
Өз тәніңмен барлық
еркектерді еліктіргенше, көпәйелдінің жары болған мың есе артық.

19)       
Ынжық адамның бірінші әйелі болғанша, мықтының төртінші
әйелі болған артық.

20)       
Өзге ел отан бола алмас, күйеусіз әйел бақытты бола
алмас.

21)       
Әр қыз көпәйелдінің бақытты жұбайы бола алады. Тек соған
бел буу керек.

22)       
Егер еркек ешқашан әйел сүйіп көрмесе, көпәйелділік
туралы әңгімені қозғаудың не қажеті бар?

23)       
Бір данадан сұрағанда, мынадай жауаптар берген екен:
«Көпәйелділікте не көп? Махаббат. Бәрінен азы не? Қызғаныш. Көпәйелділік ненің
алдын алады? Ажырасудың. Көпәйелділікте не қиын? Жалғыз қалу. Көпәйелдікте не
оңай? Бақытты болу. Бәріне не ортақ? Сенім. Ең тамашасы не? Балалар. Ең дана
кім? Әйелдер».

24)       
Құмарлы ғашықтық құнығуды оятады, құнығудан тәкаппарлық,
өзімшілдік, қызғаныш туындайды.

25)       
Күйеусіз әйел не кесір, не жесір.

26)       
Көпәйелдімен тұрмыс құру – батылдық, ал батылдық – істің
басы. Кез келген біреуге күйеуге шығуға да болады, ал ондай жағдай – тұйыққа
тірелудің атасы.

27)       
Көппен атқаруға болатын іске басымды жалғыз қатырмау үшін
көпәйелділікке келістім.

28)       
Айта алмайтын ләззат – ләззат емес. Ләззат алып, ол
туралы айту – сол ләззаттың қайталануының кепілі.

29)       
Күйеуіңді көңілдестерге айырбастағаның, қылышты орақ
қылып қайта балқытқанмен тең.

30)       
Әйелдерге №1 кеңес. Еркек
– есек секілді, аз артсаң, жүрмейді, көбірек арт та, жетеле, әйтпесе, өзіңе жүк
болады.

31)       
Жарты бүтіннен артық,
ширек жартыдан артық. Онда неге әйел жалғыз? Міне, кедейліктің кілтін таптық!

32)       
Көпәйелдіге жалқау болсаң
да, сиясың,

Күйеуіңнің
жалғызы болсаң, ажырасып тынасың.

33)       
Сөзсіз ләззат – күрішсіз
палау. Оған ұнайтындай іс жасасаң, ол да қарыз болып қалмас.

34)       
Бір әйелмен ажырасқан
еркек екінші әйелмен де ажырасады. Егер еркек жесір болса, әйелдердің соры де!
Көпәйелді дегеніміз – міне, нағыз азамат!

35)       
Жас кезіңде күйеуге
шықпасаң, артынан соқыр жігітке де зар боларсың.

36)       
Жалғыз өзің қызғанып өмір
сүргенше, көпәйелділікте қызғанышсыз ғұмыр кеш.

37)       
Көпәйелділікте қызғанышқа
және қызғаншақ әйелдерге орын жоқ.

38)       
Көпнекелік -  өз-өзіне сенетін, бәсекеден қорықпайтын, өнерлі қыздардан құралады.

39)       
Кейбір әйелдер
көпнекелікті  қасиеттеп  білмейді,

Қасірет деп ойлайды, кейбіреулер сиақты,

Араның
бал беретінін ұмытып, тек шағатынын айтады !

40)       
Еркек-бір
жұмылған жұдырық қой

Оу, Қыздар бір саусақ болып

Жұдырыққа қосылайық,

Елімізді даналарға толтырайық !

Жұдырық өз мақсатын біледі ғой,

Сол болсын біз жасаған –

Болашаққа
той!

41)       
Күйеусіз әйел- я, жетім
емес,

Я, жесір емес!

42)       
Әрбір еркекке уақытша
тәнін көрсеткен – надандық !

Көпнекелі
жанұя болу – даналық !

43)       
Көпнекелік жанұя:

«Мен», «Менікі» деген сөзден жұрдай,

«Біз», «Бәріміз» деген сөздерден құралғандай.

Сонысымен берекелі болғандай,

Бұл
сөздерді даналарымызда қолданғандай!

44)       
Әйелдер арасында Бір неке,

Күйеуіменен Бір неке !

Сонда болды көпнеке,

Кірмей
көр сонда береке !

45)       
Көпнекелікте әйелдер
күйеуін көкке көтереді де

Көленкесінде
паналайды!

46)       
Үйленбеген – үй
болуды білмейді

Үйде түнемеуді біледі

Ажырасқан- алып-тастауды біледі

Көбейтуді
білмейді.

Әйелі
өлген жігіт – әйелмен ұзақ өмір сүруді білмейді

Маңыздысы:

Көпәйелдіік
жанұя болу!

Төрт
құбылаң тең болып,

Бақытты
өмір сүру!

47)       
Әйелдердің жалпы бақытсыз
болатын себебі,

Олар
Еркекті бір ғана әйелді сүйеді деп сенеді!

48)       
Көпнекелікте кәтелік аз,

Еркіндік
мол!

Құндылығы
сол .

                                 

Діндарларға көпәйелділік
туралы

 

1)    Көпәйелділік – Мұхаммедің,
Абайдың, ұлы бабаларымыздың салып кеткен соқпағы. Солардың жолын ұстан, сен де
қапы қалмайсың.

2)            
Егер бір күнде ештеңе 
үйренбесең, ол күніңнің заяға кеткені. Кеш тұрсаң –  бір күніңді жоғалтқаның, жастық шақта
үйренбесең – өміріңді жоғалтқаның.     
Кәрілікке жеткенше өмір сүр, өле-өлгенше үйрен.

3)            
Көпәйелді! Жаратқаның сыйлаған сүннетін жалғастыр. Өзіңді
іске жарат, үлкен отбасын құр! Жұмаққа апарар ойларың мен талпынысыңды
жетілдір, сенің сәл ғана кідіріс жасауың әлемді қара түнекке айналдыруы мүмкін.

4)            
Егер сен бір ғана әйелді таңдасаң, онда саған айналаңдағы
көпәйелділерден келер пайда не? Ал кенеттен төрт әйелді қаласаң, Мұхаммедтің
жолын үйренуіңе тура келер, досым.

5)            
Егер сүннет болмағанда,
көпәйелділік аса маңызды да болмаған болар еді.

6)            
Барлық сұлуды емес, тек
төртеуін ғана сүйетіндей күш бергені үшін мен Құдайға мың мәртебе алғыс
айтамын.

7)            
Кей кезде «мұсылман» сөзі
оның өзінің бірдеңе үйренгені туралы емес, оның көп оқығаны туралы ұғымды ғана
білдіреді.

8)            
Мұсылман әйел күйеуіне
емес, Алланың дініне қызғанышпен қарауға тиіс, сонда ол түсінеді және бағынады.

9)            
Егер сүннет болмағанда,
көпәйелділік өзінше құмарлыққа айналып кетер еді.

10)       
Көпәйелділіктің ең ұлы
артықшылықтарының бірі – сүннет.

11)       
Алланың қайырымымен
Жұмаққа төртеуің бірге жете аласыңдар.

12)       
Көпәйелділік дегеніміз –
олимпиада, күштілер қатысады, ал шамшырақты Мұхаммедтен Жұмаққа дейін
жауаптылар алып жүреді.

13)       
Егер әйел Жұмақ туралы
естімеген болса, оған көпәйелділік туралы әңгіменің қажеті не?

14)       
Көпәйелділік дегеніміз –
ұлы, ғажайып, құдайға ұнамды, лайықты да мәңгілік, түбегейлі де қажетті істерді
жүзеге асыру үшін даналардың бізге жалға берген қамалы, иелігі.

15)       
Көпәйелдіні тірі кезінде
сүйіп құрмет тұтады және өлген соң да ұмытпайды. Мұхаммедті, Абайды ұмытқан жоқ
қой, сен де ұмытылмайсың.

16)       
Көп әйел немесе бір ғана
әйел алу – қажетті шаманың бұзылуы, 2, 3, 4 әйел – белгіленген шама.

17)       
Көпәйелділік дегеніміз – сүйіктілердің
бірігуі. Көпәйелділік – ол әйеліңді апасы сияқты, күйеуін құдай сияқты, отбасын
– Отаны сияқты, балаларды - өз балалары сияқты сүйе алатындарға арналған.

18)       
Көпәйелділер Мұхаммедтің,
Абайдың негізінде қаланған ереже бойынша, қалғандары өз ережелері бойынша өмір
сүреді.

19)       
Бір әйеліңнің болғанын
қанағат тұт, бірақ көпәйелділіктің даналар ісі және сүннет екенін ұмытпа.

20)       
Таңқаларлық жайт,
мұсылмандар Мұхаммед пайғамбардың (с.ғ.с) көпәйелді болғанын айтады, ал өздері
басқаша өмір сүреді.

21)       
Құдай көпәйелділік туралы
білімімен емес, әйелдермен қалай өмір сүру шеберлігімен бөлісті. Сондықтан зор
қайырымдылықпен бізге әйелдер санын төртеуге дейін шектеді.

22)       
Қызыңды тәрбиелеп,
көргендіге қоспағаның – қызыңа өз қолыңмен көр қазғаның.

23)       
Некенің қай түрі болсада –

әйелдердің бақытты болуы үшін жасалған

Даналарымыз – көпнекелікті
қалаған!

Бар қызығы Жәннаттакөп әйелді

бақытты
қылған жігіттер жиналған!

24)       
Көл мөлдір болады

Төрт жанынан таулармен қапталғанда

Күйеуің иманды болады

Төрт
әйелмен бапталғанда

25)       
Бір некемен тұрақталсаң

Екіншімен қуаттанасың

Үшіншімен шаттанасың

Төртіншімен баптанасың

Мұхамметті үлгі тұтсаң

Жәннатта
мақтанасың

26)       
Күйеуіңнің жалғыз әйелі
болсаң –

Жалғыз құдай сияқтысың

Төрт әйел болғанда –

Ханшайымға
ұқсайсың

27)       
Көпнекелік сүннет
болмағанда –

Нәпсілікке
жатар еді

28)       
Таңқаларлық жағдай,

Мұхаммедтің көп әйелі болғанын біле тұра,

Ізбасарлары
бір әйелмен шектеледі.

29)       
Көпнекеліктің ең бір
шексіз құндылығы-

Сүннет
болғандығынан.

30)       
Егер әйелдің жәннаттан
хабары болмаса,

Көпнекелік
туралы әнгіменің қажеттілігі болмайды.

31)       
Жаратушы көпнекелік туралы
білім ғана берген жоқ,

Қалай көп әйелмен өмір сүру қажеттілігін көрсетті,

Жәнеде
өз Мейріммен төрт әйел алумен шек қойды.

32)       
Көпнекелік туралы әнгіме
басталса,

Мұхаммедтің жолы ашылса,

Абайдың сөзі айтылса,

Ел басшымыз қолдаса,

Осы ғой бейбіт өмір деген

Аллаһ
қаласа!

33)       
Төрт жалқау әйел бас
қосып,

Бір күйеуді баптау,

Көп
әйелдерді қызықтырады-ау!

34)       
Көп әйел, бір әйел немесе
еркекке еркек алу бұл шектен шығу,

Ал,
2-3-4 әйел алу,  бұл белгіленген тұрақты
негіз !

35)       
Төрт әйелі барлар,

Пайғамбардың ұстанған заңмен өмір сүреді,

Ал
жалғыз әйелі барлар өз заңымен жүреді.

36)       
Көпнекелі жігіттер арасында,

Мұхаммед пен Абай бар,

Адамзатқа – үлгі болған!

Жалғыз некемен тұрған жігіттер арасында,

Ленин бар, Сөзі түгіл,

Тұқымы
құрыған!

37)       
Көпнекелік жанұяда,

Өмірге деген құштарлығы аса түседі.

Жаңа әдеттерге бейімделеді.

Сабырмен, қарсылас ойларды қабылдайды

Осылар
бақытқа жол бастайды !

38)       
Құран – Алланың сөзі
болса,

Мұхаммед – Құранның өзі болса,

Көпнекелік Мұхаммедтің ісі болса,

Ісі бізге аманат болса,

Не дейсің ақыретте сұрағанда,

Сөзі бар, амал қайда?

Әйелім жауап береді, – дейсің бе сонда?

Сүннет амал жаса, уақыт барда,

Жаннатқа
бақытты болып баратын жол барда.

39)       
Қызыңды ертерек күйеуге
бермей,

Жүрме өз
қолыңмен кәрі болып көнбей.

40)       
Мұхаммед (а.ж.) өлді,

Бізге ісі мен сөзі аманат болды.

Көпнекелік Мұхаммедтің ісі болса,

Ол бізге сүннет болды.

Ал қазір сөзі барда, ісі қайда қалды?

Көлге
барып сусыз қайтқан түбі жоқ шелек болды.

41)       
Бұл өмірде үлгі – өзіміз,

Өлгенде
– сөзіміз.

42)       
Шайтан жалғыз әйелді
Жаннатқа жібермейді,

Еркек
төрт әйелді Жаннатқа сүрелейді.

43)       
Сұрады бір данышпан:
«Нешінші әйелісің күйеуіңнің?»

«Білмеймін мен өзімнің нөмірімді,

Тілеймін
күйеуімнің разылығын алып өлгенімді»

44)       
Көпнекеліктің қасиетін
жүріп білмейсің, бірге тұрып білесің.

prostopro100
16 мая 2012, 9:33
7571

Загрузка...
Loading...

Комментарии

Бул макаланы кім жазса да Аллах разы болсын! Бул жай гана макала емес, бул улкен даналык кітап Егер иесі айел болса мен оган уйленер едім,
Қазақтың қанына сіңген нәрсе көпәйелділік, баласы болмай жүрсе екіншісін алуына жол ашылады кінәсі жоқ 1ші әйелін қоя бермей
қанша қарсылық бола берсін бәрі бір қоғамда болып жатыр көп әйелділік, егер заң рұқсат берсе санамызға сіңіп бір жылдары ешкім бұрыс деп қабылдамайды көп әйелділікті, кәрі қыздардың саны азайып жесірдің санында азайтады, бала туу көбейеді, Қазақ көпәйелділікпен көбейіп отырған , болмаса жер бетінен жоқ болып кетер едік соғыстан ашаршылықтан
Не дегенмен қазіргі заманда бұл мәселе бұрынғыдай жүзеге аспайды. Екі үш әйел алғысы келетін еркектер табылар, оны жай жақтайтындар да табылар, бірақ қызын біреуге екінші әйел ретінде ұзатамын деушілер табылмас.

Оставьте свой комментарий

Спасибо за открытие блога в Yvision.kz! Чтобы убедиться в отсутствии спама, все комментарии новых пользователей проходят премодерацию. Соблюдение правил нашей блог-платформы ускорит ваш переход в категорию надежных пользователей, не нуждающихся в премодерации. Обязательно прочтите наши правила по указанной ссылке: Правила

Также можно нажать Ctrl+Enter

Популярные посты

СМИ – ассистент провокаторов? Как гости из соседних стран сеют раздор в Казахстане

СМИ – ассистент провокаторов? Как гости из соседних стран сеют раздор в Казахстане

Инцидент с пьяным киргизским гостем на борту Air Astana, наверное, остался бы только во внутренних сводках авиакомпании, если бы г-н Доган, не поднял громкий крик о государственном языке.
openqazaqstan
17 авг. 2017 / 14:43
  • 12210
  • 178
Дайте Байбеку сломать и переделать город. Он хочет шагнуть вверх, а не бабло украсть

Дайте Байбеку сломать и переделать город. Он хочет шагнуть вверх, а не бабло украсть

Я в тогдашней Алма-Ате родился, вырос. В школу начал ходить пешком. Весь центр опползал. Все эти знаковые места помню как ещё не знаковые места. Никаких этих ностальгических страданий у меня нет.
Aidan_Karibzhanov
21 авг. 2017 / 16:25
  • 7033
  • 34
Имеющий уши да услышит. Латиница касается только казахского языка

Имеющий уши да услышит. Латиница касается только казахского языка

Президент Назарбаев наконец-то разъяснил для всех, кто ещё не понял, очевидный вопрос, который всем в Казахстане очевиден. Елбасы повторил: на латиницу мы переводим казахский язык, и это не означает отказ от русского языка.
openqazaqstan
18 авг. 2017 / 16:23
  • 3552
  • 52
Подземная Акмечеть Бекет-Ата в Атырауской области – одно из самых сакральных мест

Подземная Акмечеть Бекет-Ата в Атырауской области – одно из самых сакральных мест

Его отцом был Мырзагул, матерью Жания, оба глубоко верующие. По рассказам, Бекет-Ата обладал богатырской силой, что в том числе помогало выбивать мечети в крепких скалах.
theYakov
21 авг. 2017 / 17:21
  • 3314
  • 3
Байбек замахнулся на то, о чём давным-давно писали и говорили – «город для людей»

Байбек замахнулся на то, о чём давным-давно писали и говорили – «город для людей»

Какой «золотой квадрат»? Вам действительно это место кажется лучшим?! Вот когда Байбеку удастся воплотить в реальность скверы и парки, тогда я буду согласен называть старый центр золотым квадратом.
openqazaqstan
вчера / 16:53
  • 2630
  • 19
«Нас и здесь неплохо кормят», или почему я не собираюсь уезжать из Казахстана

«Нас и здесь неплохо кормят», или почему я не собираюсь уезжать из Казахстана

Я всегда теряюсь, когда слышу этот вопрос, потому что я так и не сумел выразить причину одной фразой. Давайте рассмотрим популярные варианты, и я объясню, что именно мне в них не нравится.
convoluted
21 авг. 2017 / 12:29
Надо научиться видеть скрытые экономические процессы за вспышкой национального гнева

Надо научиться видеть скрытые экономические процессы за вспышкой национального гнева

При полном отсутствии бюджетного жилищного строительства, целые аулы оседают в ветхих домишках, сквозь заборы которых насмешливо возвышаются башни "коктемов", "риц карлтонов" и "есентаев".
niyazov
19 авг. 2017 / 11:16
  • 2598
  • 67
В Кокшетау строят два парка для молодёжи. Будут учтены интересы и любителей спорта

В Кокшетау строят два парка для молодёжи. Будут учтены интересы и любителей спорта

Общая площадь парка составляет 25 гектаров. На территории предусмотрено устройство прогулочных дорожек, площадок для установки аттракционов и павильонов различного назначения, цветников.
zhasakmola
17 авг. 2017 / 17:13
  • 2203
  • 1
Казахский язык выбирает алфавит, который считает необходимым. Дело не в латинице

Казахский язык выбирает алфавит, который считает необходимым. Дело не в латинице

У русскоязычных казахов два варианта, один - срочно отдавать детей в казахские школы, если видят их будущее в стране. Русскоязычным неказахам ещё меньше выбора. Надо становиться казахами.
Aidan_Karibzhanov
22 авг. 2017 / 18:08
  • 2227
  • 57