Аруақтарды алаламайық

Камал Абдрахманов 2012 M04 24
1420
4
0
0

Маңызды бір мәселе тұрғысында Сіздермен пікір алыссам деймін. Тәуеліздікке қол жеткелі бері қазақ халқының бұрындар айтыла бермейтін талай-талай Ұлы Тұлғалары ортамызға қайта оралды. Атын атасаң...

Маңызды бір мәселе тұрғысында Сіздермен пікір алыссам деймін.

Тәуеліздікке қол жеткелі бері қазақ халқының бұрындар айтыла бермейтін талай-талай Ұлы Тұлғалары ортамызға қайта оралды. Атын атасаң атылып кетер ата-бабаларымызбен табыстық. Қариялардың аузынан,жыр-дастандардан ғана құлағымызға сіңісті болған хандарымызды , билерімізді,батырларымызды аңыздан аршып,нақтылы тарихи тұлғасымен жастарға тапсыру бағытында үлкен жұмыстар атқарылуда. Сонымен қатар болашақ ұрпақты қазақы патриоттық рухта тәрбиелеу үшін, ата-бабаларының басына барып, өткенімізге құрмет көрсетуі үшін,аруақ сыйлаған салт-дәстүрімізді сақтап,немере-шөберелерімізге жеткізу үшін ұлт болып асар салып, мұражайлар ашылды,кесенелер тұрғызылды. Бұл шараларға бойында қазақ қаны бар Алаш баласы түгел атсалысты. «Ойбой,бұл дұрыс емес» деген уақапшылар да ара-тұра құлақ қылтиытты. Бірақ оларды кім елеп,ескерсін. Қазақ керуені көше береді.

Ел арасындағы осындай құлшыныспен қатар әрекідік «әттеген-айлар» да кездесті. Жалпы алғанда бұл да қалыпты нәрсе. Ірі істің кемшін тұстары кездесе береді ғой. Біртіндеп түзете жатармыз. Абайсызда,жақсы ниеттен кеткен олқылық орнына келер.

Бірақ,қасақана жасалған тұс та бар. Оны да айту қажет.

Астанадан 30 шақырым жерде қазақ халқының мақтанышы,Ұлы Қолбасшы Қаракерей Қабанбай батырдың құлаған көне кесенесінің орнына қараса көз сүйсінер жаңа кесене салынды. 2000 жылы Ел Президентінің қолдауымен Қайрат Сатыбалды бас болып,алты айда тұрғызылды. Қайраттың бұл ісіне ел разы. Алладан қайтсын .Қайрат бауырымыз бұдан соң да игілікті шаруа атқарды. Кесененің Президенттік мәдениет орталығына балансқа алуына қамқорлық жасады. Осы тұста айта кетейік,Қайраттай азаматқа кесенені көтеру туралы ой тастап, ұсыныс жасаған Иманғали Тасмағанбетов екен. Қайрат осылай дейді.

Сөйтіп, кесенеде 2004 жылдан 2007 жылға дейін екі адам жалақы алып қызмет еттік. Осы жылы директор қайтыс болды да бір Университеттен «босаған» ректор ағамыз директор болып келді. Келе сала марқұмның артын қазып, Есеп комитетіне арызданып,тексеру бастатты. Жағамызды ұстадық. Мұндайды өмірі естімеппіз. Аруақтың артынан шам алып түсу қай меселеге сыйсын,қазақ баласына жат қылық қой. Тексеру ол кісі ойлағандай былық-шылық таппаған сияқты. Үнсіз қайтып кетті. Содан соң маңайыны шүйілді, кесенені баланстан шығаратынын маған ресми түрде мәлімдеп.

Есеп комитеті талап етті. Арыздарыңды беріп,кетіңдер. Тек өкпелемеші,-деп «жылы» сөйледі.

«Сенген қойым сен болсаң» Дегенін істедік. Құдай бар! Өтіріктің құйрығы бір-ақ тұтам. Кесенеге оралғаным сол еді,Есеп комитетінің басшылары зиярат етіп келді. Олар ешкімге ешқандай талап қоймағанын,жазылған актіде кесене жайлы сөз жоқ екенін айтып,актімен танысуға шақырды. Бардым,көрдім. Директор өтірік айтыпты.

Мен шырақшы болған он бір жылдың ішінде Қаракерей Қабанбай батырдың кесенесіне бір-ақ рет қиянат жасалды. Оны кеудесін қаққанда қи борайтын осы академик істеді. Мұны да біле жүрейік. Атын. Жақында өзін тағы «босатыпты». Барған жерінде опа табар ма екен? Бір Университетке кафедра меңгерушісі болған секілді. Көзін ашып-жұмып отырады да. Тек, аруақтармен атыса кетер қиястығы жастарға  жұқпаса екен дейік.Өзімен кетсін.

Қалай ойлайсыздар, жетпістің ортасына жетіп қалған «ағамыз» аруақтармен неге алысты? Қаракерей Қабанбай батырдың кесенесін Қаракерей Қабанбай батырлар қорғап қалған мемлекеттің бюджетінен шығарғанда нені көздеді,нені басшылыққа алды? Аталып отырған «геройды» таныдыңыз ба? Ол кісі бұрындар қазақ руларының арасына сына қағып,қазақты қазаққа айдап салған арандатушылық жасап па еді?

 

Қалай ойлайсыздар, қазақ халқы «Хан батыр», «Дарабоз», «Көкірек әулие», «Қаракерей Қабанбай» деп басына көтеріп,алқаулап,атын ел ұранына айналдырған бабамыз жатқан қасиетті орын мемлекеттің қамқорлығында болуы қажет пе? Солтүстік Қазақстан облысындағы Шапырашты Қарасай батырдың кесенесінде бес адам жалақы алып қызмет істейтін көрінеді. Мәшһүр Жүсіп Көпей әулие «Қазақта Қаракерей Қабанбайдай батыр болған емес...»деген еді. Тарихи ақиқаты да осы. Ендеше,Қаракерей Қабанбай батыр кесенесін Астана қаласының немесе Мәдениет Минстрлігінің бюджетіне енгізуге жәрдем жасауға ат салысыңыз. Көрейікші,сөзіміз кімнің құлағына жетіп,қолымыздан келер ме екен? Жолын таба алсаңыз осы жағдайды Мемлекет Басшысына баяндаңыз. Президентіміз «Қаракерей Қабанбай батыр Астананың қорғаушы періштесі» дегенін ел айтып жүр.Мүмкін,үлкен кісі көмек қолын созар.

Оцените пост

0

Комментарии

0
Камал ! Сенің мынау жанайқайыңды оқып, қатты қапаландым. Бірақ осындай арсыздыққа барып жүрген адамның аты-жөнін жазбаған соң, жалаң өсек-аяаң тәрізденіп тұр. Бұл жайында мәдениет министрлігі біле ме ? Осы жайында анық та ашық етіп газет бетіне жариялауыңды сұрар едік.
0
Білгініз келсе, ол - Мырзатай Жолдасбеков. Мәдениет министрлігі хабардар.
0
Сонау "АҚТАБАН ШҰБЫРЫНДЫ..." заманының куәгерлері САРШУАШ-әулиенің тоғауы мен Бұхар-жырау айтқан,
- "...Бүгін түсте естідім,
"Қабанбай ауру" дегендні.
Құлазып көңілім қобалжып,
Жетімсіреп жыладым.
....................................
Бұл дүнинің қарты едің,
ӘУЛИЕНІҢ арты едің,
батырлардың мәрті едің,
Айналайын, Қабанбай,
Қайда болар тұрағың ? - дегенде "от жаққан жерде" болатынын айтып, бүгінгі "КЕСЕНЕСІ" тұрған бүкіл аймақты, кезінде "АҚМОЛА" атандырғаны тарихтан белгілі ғой. Аруғын құрметтеп, тарихына немқұрайлы қарағандардың қателігін, бүгінгі азаматтығы мен парасатын Ел білетін, бауырымыз Дархан Мыңбаев мырзаға хабарлассаң, Камал айтып отырған мәселең шешілетініне әбден сенемін. Менің берер кеңесім осы !..
Показать комментарии