Сыйлығыңыз дайын ба?

6586
12
0
9

8-наурыз мерекесі жақындаған сайын: "Анама, сүйіктіме, қарындасыма, әріптес/группалас қыздарыма не сыйлаймын?" - деген сауал көп жігіттің басын қатыртып жіберуі мүмкін.

8-наурыз мерекесі жақындаған сайын: "Анама, сүйіктіме, қарындасыма, әріптес/группалас қыздарыма не сыйлаймын?" - деген сауал көп жігіттің басын қатыртып жіберуі мүмкін. Алдарыңызда ару жандарына сыйлығын дайындап қойған жігіттердің жауаптары.


Асқарбек: "Көктемде қыздар ерекше құлпырады. Сондықтан бұл кезде оларға күтпеген, қызықты, романтикалық атмосфера құру керек сияқты. 8-наурызда қызым Әлияны мейрамханаға романтикалық кешке шақыруды ойластырып жүрмін. Сол кезде өзінің талғамына қарай бағалы сыйлық, қыздарға ұнайтын алтын бұйым тарту ету ойымда бар".

Ернар: "Шыны керек, сыйлық таңдау мен үшін қиын жұмыс. Сондықтан индивидуалды талғамнан гөрі, көп адамның көңілінен шығатын сыйлықтар алуды жөн көремін. Соған байланысты көктемнің ең шуақты мейрамы 8-наурызда аяулы нәзік жандыларға өздері  қалап ала алатындай белгілі сауда үйлеріне сертификаттар сыйламақпын".

Әли: "Нағашы Гүлмира апам кезінде балабақшамдағы тәрбиешім болған.  Сондықтан жыл сайын бұл мереке күні апама өз қолыммен жасаған сыйлықтар сыйлаймын. Осы жылы жаңа үйіне сурет сыйламақпын. Ал Тілеухан апама қазақша ертегілер кітабын сыйлаймын, кейін бұл кітапты маған оқып отыратындай".

Ақылбек: "Жыл сайын көктем мерекесінде анама міндетті түрде раушан гүлін сыйлаймын. Себебі бұл оның сүйікті гүлі. Ал әзірге сауда үйін аралап, мереке күніне арнайы әзірленген косметикалық топтамаларды сатып алдым".


Нұрхан: "Күлкісі күндей, айдай сұлуыма осы жолы 8-наурызға «Нысана» әзіл-сықақ театрының мерекелік қойылымына билет алдым. Себебі ол осындай көңілді кештерді ерекше ұнатады".


Жандос: "Бүгін мерекелік демалысқа мәдени жоспар құрып қойдым, мюзиклға барайық деп жатырмыз. Ал сыйлыққа келетін болсам, әзірге құпия болып қалса деймін. Сүйіктіме тосын сыйлық жасағым келіп тұр".

Ad

Rate post

9

Comments

Login to comment