Нәзік жанды джаз

Алия 2011 M11 8
2831
8
23
0

Сиқыршы көшпенділеріміз ''Ақ сиса'', ''Құс қайтару'', ''Бұл-бұл заман'' сынды туындыларын...

Көптеген алматылықтар үшін күз маусымы джаз әуенімен байланысты. Сірә, күзгі көңіл-күй  дәл осы музыканы талап етеді. Онымен қоса, осыдан екі жыл бұрын дәл күзгі күні танымал DJ Ospanoff еліміздің барша джаз сүйер қауымына атақты джаз-бендтер фестивалін тірідей тамашалауға мүмкіндік берген болатын. Алайда, 4-қараша күні өткен джаз-концертке Рустамның еш қатысы жоқ болып шықты, оны Оспанов мырза өз твиттерінде де жазған еді. Джазистан басшысының айтуынша, келесі фестиваль 9 желтоқсан күні болмақ.


Рустам Оспанов  

DJ Ospanoff - әлемдегі ең керемет музыканы әдемі топтастыра алатын адам. Оның ''Гравитация'' мен ''Невесомость'' радио бағдарламаларын Energy 102.2 FM толқындарынан тамашалуға болады. Сеттерінде көбінде Funk, Soul, Boogie, Disco, Jazz, Hip-Hop, Broken Beat, House, UK Funky, Dub Step секілді бағыттар жарасымды үйлесім табады. Сонымен қатар, Рустам “Jazzystan” атты Халықаралық Музыка Фестивалінің авторы.



Ал осы жолғы концерттің басы-қасында Қазкоммерцбанк пен ''Құс жолы'' қайырымдылық қоры болды. Шыны керек, "Mosaic Project" тобының қатысуымен өткізілген концерт формат бойынша Джазистанға ұқсас еді, бірақ ұйымдастырушылары екі бөлек болғасын,  бұл екі түрлі концерт екендігіне көпшіліктің көзі жетті деген ойдамын.


Nona Hendryx
 

R&B, soul, dance, funk, funk rock, art rock, hard rock, new age орындаушысы. Ән жазумен қатар, продюсер ретінде де белгілі. Нона өнер жолында Santana және The Rolling Stones секілді атақты музыканттармен бірге сахнаға шығып ән айтуға үлгеріпті. Музыкатанушылардың айтуынша, әнші "glam rock" стилінің авторы. 80-жылдары өзінің жаңа арт-рок Zero Cool тобын құрып, 1983 жылы музыка чарттарында алғаш R&B хиты - "Keep It Confidential"-мен кең танылды.


Niki Haris

Американдық джаз орындаушы көптеген танымал әншілермен бірге жұмыс жасаған (мысалы, Рэй  Чарльз, Карлос Сантана, Мик Джаггер, Уитни Хьюстон). Ники талантты пианист Джин Харистың қызы. 16 жыл бойы ресми түрде Мадоннаның бэк-вокалисті де болған. Онымен қоса, өз джаз-бендымен АҚШ пен Еуропаны концерттермен аралаған.




Кештің жұлдыздары жайында сайтымызда бұрын да жазылған еді, бір сөзбен айтар болсам, осы жолы күзгі сарынды сүйемелдеуге гремми иелері мен танымал поп-әншілердің бэк-вокалистері келген болатын. Концертке қаланың жасы да, кәрісі де жиналды, зал лық толы, сахнаның бір жағында бала-бақшаға баратын бүлдіршіндер болса, екінші жағында әжелер билеп жүр. Қысқасы, концерттың атмосферасын түсіну қиынға соқты. Бақытымызға орай, кешті сүйікті The magic of nomads ашқан болатын, ал олардың өнерін тірідей тамашалау бір ғанибет. Сиқыршы көшпенділеріміз ''Ақ сиса'', ''Құс қайтару'', ''Бұл-бұл заман'' сынды туындыларын бар жанымен беріліп орындап шығып, тыңдармандарды таңғажайып әлемге апарғандай болды. Әттең, дыбыс сапасы нашарлау болды, бірақ нағыз талантар үшін техникалық ақаулар ештеңе де емес екеніне тағы көзіміз жетті.

The magic of nomads

Жетiген, сазсырнай, шаңқобыз, сыбыз­ғы арқылы Ұлы Дала әуендерiн тың­дарманға бар әуезiмен жеткiзе бiлетін топ. Жобаның авторы және жетекшісі, қазақтың көне аспабы қобызды кәсіби деңгейде меңгерген орындаушы - Ғазиза Ғабдрахимова. Қазақстанның мәдениетін Франция, Германия, Ұлыбритания, АҚШ елдерінде насихаттауға өз үлесін қосқан.


 

Қазақтың музыкалық көне аспаптарын шебер меңгерген сазгер, фольклор зерттеушісі - Еділ Құсайынов. Жетіген, сыбызғы, сазсырнай, қамыс сырнай, шаңқобыз аспаптарымен қатар көмеймен ән айтудың әзірше теңдесі жоқ жалғыз шебері. Еділ сақтар мен ғұндар дәуірінің мәңгілік әуенін бүгінгі жаңа ғасыр музыкасымен жалғастырып, қазақ ұлттық мәдениетін әлемдік сахнада жаңғыртып жүрген талант иесі.


 

Төменде Виктор Харченконың концерттен суреттері:

Оцените пост

14

Комментарии

0
тамаша пост....
0
өкінішке орай кешке бара алмадым. сондықтан басқа хэдлайнерлердің бағдарламалын бағалауға мүмкіндігім болған жоқ.
The magic of nomads тобының шығармашылығы ұнайды, олар сапалы музыкалық туындылармен қуантады.
пост расында жақсы. рахмет. :)
-6
рахмет, маған да қатты ұнайды, концертке дейін альбомын тыңдап, тв-дан ғана көріп жүргем)
0
әдемі пост екен :) тәнтімін! осы жазбаға бола джазз тыңдап кетсем бе екен? :)
-6
сен ол жағынан эстетсің ғой, әдебиеттегідей))
Показать комментарии