Қазақстан Республикасының тәуелсіздігі: 20 жылдық тарихи белес

МҰРАТ НАСИМОВ 2011 M07 22
2726
0
1
0

ТӘУЕЛСІЗ ҚАЗАҚСТАН ЖӘНЕ ТМД 1991 жылдың 1 желтоқсанында Қазақстан Президентінің бірінші бүкілхалықтық сайлауы өтті. Қазіргі іс басындағы Елбасы Нұрсұлтан Әбішұлы Назарбаев Қазақстанның Тұңғыш...

ТӘУЕЛСІЗ ҚАЗАҚСТАН ЖӘНЕ ТМД

НАЗАРБАЕВ

1991 жылдың 1 желтоқсанында Қазақстан Президентінің бірінші бүкілхалықтық сайлауы өтті. Қазіргі іс басындағы Елбасы Нұрсұлтан Әбішұлы Назарбаев Қазақстанның Тұңғыш президенті мандатына ие болды. Сол кезде-ақ ұлт басшысының саясаты Азия құрлығымен шектеліп қана қоймай, Еуропа және Азия арасындағы халықаралық байланыстардың басымдықтары байқалды. Еліміз әлемнің барлық елдерімен экономикалық және саяси байланыстарды орната бастады.

КАРИМОВАКАЕВНАБИЕВНИЯЗОВ

1991 жылдың 10 желтоқсанында Қазақ Кеңестік Социалистік Республикасы Қазақстан Республикасы атауын иеленді. Осы жылдың 12 желтоқсанында Н.Ә. Назарбаев Ашгабадтағы Орта Азия республикалары мен Қазақстан басшыларының консультативтік кездесуіне қатысты. Елбасы Н.Ә. Назарбаев, Қырғызстан президенті А.А. Ақаев, Тәжікстан президенті Р. Набиев, Түрікменстан президенті С.А. Ниязов, Өзбекстан президенті И.А. Кәрімов Белорусь, РСФСР және Украинаның ТМД құру туралы келісімін талдады. Нәтижесінде Тәуелсіз Мемлекеттердің Евразиялық Одағын құру туралы Келісімге қол қойылды.

СНГ

Сол жылдың 21 желтоқсанында Алматы қаласында посткеңестік кеңістік елдерінің 11 мемлекет басшыларының кездесуі өтті. Бұл жиында төмендегідей ресми құжаттарға қол қойылды: 1991 жылдың 8 желтоқсанында Минск қаласындағы Беларусь Республикасы, Ресей Федерациясы, Украина қол қойған Тәуелсіз Мемлекеттер Достастығын құру туралы Келісімнің Хаттамасы; Алматы Декларациясы; ТМД-ның үйлестірушілік институттары туралы Келісім; ТМД елдері басшылары Кеңесінің БҰҰ және басқа да халықаралық ұйымдарда мүше болу туралы шешім.

Сөйтіп әлемдік саясат цикліндегі геосаяси процестерде өзгерістер орын алып, көптеген мемлекеттермен бірге картада Қазақстан және жаңа аймақтық ұйым болып табылатын Тәуелсіз Мемлекеттер Достастығы пайда болды.

Оцените пост

1
Дальше