Мопассанша өмір

Айнур 2011 M08 30
1618
4
4
0

Мопассанның шығармашылығымен таныстығым "Өмір" романынан басталды. Сонымен, оқығанымнан түйгенім:

 

Мопассанның шығармашылығымен таныстығым "Өмір" романынан басталды. Сонымен, оқығанымнан түйгенім:

Ол өмірден не күтті? Жалпы бәріміз өмірден не күтеміз? Өмірдің мәні неде?...

Арман, үміт адамды алға жетелейді. Бірақ құр арманмен өмір сүруге де болмайды ғой. Жанна соны ұға алмаған тәрізді. Ол өмірден, оның тыныс-тіршілігінен бейхабар болып өтті. Оған түсіндірер жан да болмады. Ол өмір бойы сол бір 17 жасар қыздың ойымен ғұмыр кешті. Дәл сондай бейкүнә, пәк сезім, арман. Бәлкім, арманның арман болып қалуы да дұрыс шығар?...

Ия, мүмкін, мен де дәл солай ойлауым керек шығар. Өмір маған үлкен сый дайындап қойды. Енді „өскесін„ соны өзіме кеп, табыстайды. Сосын бәрі де ойымдағыдай керемет бола кетеді. Құлай сүйген адамымның жары атанып, соңғы демім қалғанға дейін ол маған адал жардын ролін ойнап өтеді. Ия, ойнайды. Идеал жанұяның өмірін көз алдыма елестеткім келмейді. Өмірде бір ғана әйелге тоқталып қалған еркек жоқ. Жай ғана, бірі көрмегендей болып жүретін әйелдер мен екіншісі, ондай өмірге төзуге шамасы жетпейтін әйелдер болып бөлінетін екі топтың біріне кірем. Бірақ, ең бастысы адамдық кейіптен арылмасам екен деймін. Құралай Омардың сөзі есіме түсіп отыр: „Өмір дегенің, ойыңда ғана сүйкімді„. Шынымен де, өмір біз ойлағандай емес. Ақ пен қара, қара мен ақ.

Бойымда бас кейіпкерге аяныш сезімі жоқ. Себебі ол ештеңені өзгертуге ұмтылған жоқ. Тағдырға өз өмірін басқаруға орын берді де, өзі тамашалап отырды. Өмірі құр босқа өтті десем де болар. Мүмкін, бақытты әже де болып кетер. Егер жазушы хэппи эндпен аяқтаса.

Адамды түңілдіріп, бүкіл тәтті ойыңды өзгертер шығарма деп те айта алмаспын. Меніңше, дәл осындай романдар адамның иммунитетін қалыптастырады. Өмірдегі әрбір сәтсіздікке іштей дайындайды.

Оцените пост

4

Комментарии

0
Сәлем!Мен бұл шығарманы оқымадым шыны керек...Бірақ құлай суйген жарыңмен ертеңгі күні жанұя құрып,тұрмыстық жағдайда тіл табыса аласын ба деген сұрақ пайда болады...Мениңше арман жай арман болып қала берсе жөн деп ойлаймын...
0
Ия, бірақ кейде армандарыңа шынайы өмірді де аралатып қою керек))
0
моппасан сондай ұнайды. Әсіресе, "Пышкасы". Ал, мына шығармасын оқымаппын.
0
Бұл романда сонымен қатар Француз халқының ұлттық ерекшеліктерін көруге болады. Әсіресе Жюльеннің жүріс-тұрыс, хикаяларынан байқауға болады.
Показать комментарии
Дальше