Yvision.kzYvision.kz
kk
Разное
Разное
399 773 постов41 подписчиков
Всяко-разно
0
22:58, 06 февраля 2011

Жетпей қалған «көк сөмке» немесе Азиаданын жабылу салтанатындағы «ақ плащь»

Орталық алаңдағы қаптаған милициялармен, шиқылдаған-пиқылдаған біртүрлі-біртүрлі тексеруден әзер дегенде өтіп, әдемі, әрі тап-таза, әрі жып-жылы автобусқа Балуан Шолаққа жетпей қалардай  таласып-тармасып мініп алып, ал  Азиада бүгін жабылсаңда, жабыласың, жабылмасаңда жабыласың деп тартып кеттік. Автобуста белгілі қоғам қайтраткерлері, белгілі әншілер бар спорт сарайына жап-жақсы жеттік. Спорт сарайының алды да толы тексеру. Бір тәте «өздері билетті беріп алып, өздері қайта тексеріп» деп күңкілдеп жүр. Ең жақсысы, жүзіміз жарқын, көңіліміз көтеріңкі, енді ше, Азиаданың тарихында болмаған, рекордтық көрсеткіш - 32 алтын қоржынымызда.

Жарайды, спорт сарайына кірдік те, кірдік те сап-сары, қып-қызыл орындарға жайғастық.  Әр орындықта бір көк сөмке. Ту түстес. Жапатармағай жабылып ашып, «түк көрмегендей» ақтарып жатырмыз. Ішінде жабылу салтанатының сценарийі жазылған кітап. Көркемдігіне сөз жоқ.  Сосын уілдегіш-гуілдегіш құралдар, шапалақ ұрып босқа әуреленбесін деп арнайы жасалған, пластмасса алақан ұрғыштар, сосын бас киім, қолғап, шарф және аппақ плащь.  Біздің сектордың тең жартысындағы орындықтарда көк сөмке қойылмапты. Орындығына сөмке жетпей қалған бір ақсақалды кісі, келесі қатардағы көк сөмкені жып еткізіп алып алды да, маған қарап мәз, «мына сөмкені маған әперген кісі, маған көмектесті ме, алде ұрлық жасады ма» дейді. Дейді де кеңк-кеңк күледі.

Бір уақытта  орындықтарына көк сөмке жетпей қалғандар немесе қойылмағандар жағы, әжесі тойдан кеп кәмпитсіз қалдырған балаларша, улап-шулап қызыл киімділердің «жағасынан алды»: - «Бізде сөмке жоқ, бізде сөмке жоқ!». Қызыл киімділер (волонтерлар) жағы алақандарын жайып, бастарын үнсіз шайқайды. Көк сөмке жеткендер жағы, біздер мысалға, сөмкені алдымызға өңгеріп қойып, тымпиып-тымпиып отырмыз.  «Жабылу салтанаты сәл-пәлден соң басталады»,- деді заржақ диктор. Мен іштей жиналғалы өткен жарты сағаттан астам уақытта,бұл заржақтың  бірінші рет қазақшалап бірдеңе дегеніне шүкір дедім. Ал, көк сөмкесіз қалғандар «без ностр». Көк сөмкелі болғанымызды қайтейін, бір кезде қызыл киімділер сөмкені ашамыз, ішінен шашу шашамыз деді. - Хехехехе, шашу шашамыз деген жоқ, мен ғой қосып отырған. Өзі сөмкесін ашып, аппақ костюмшені кидіде, бәріміз осы киімді киеміз деп айқайлады.

Жастар жағы «давай,давай» деп киіп жатыр. Менің қатарымда отырған үлкендер жағы, біресе тақияларын, біресе шапандарын шешіп әлек. Кигісі жоқ. Сөмкесіз қалғандар тыржиып-тыржиып, бізге «қызығеееп» қарап отыр. Мен де қатардан қалмай кидім. Ақ костюм дегені кәдімгі аппақ плащь.  Кәдімгі жаңбырда су өткізбейтін материалдан жасалған. Плащь, еще аппақ. Волонтер жігіт фонымыз аппақ болуы керек деп зарлап жүр. Общым алғанда, басқа секторды қайдам, біздің сектор қотырала болды да қалды. Плащы болсада кимегендер бар, сөмке жетпей қалғандар бар ала-ала. Көк сөмкені біреуден барымталаған әлгі ақсақалды маған қарап, мен сендердің фондарыңды бұзып отырғам жоқ, мен сақал-шашым аппақ деп қояды.

Салтанат басталып, түрлі қойылымдарға, әлгі алақанұрғыштармен сартылдатып отырған кезде, әйдіңгірдей атшаптырым, үлкееен спорт сарайының ішінде қарап отырып пысынайық, ағыл-тегіл терлейік, пысынап шегіне жеткендердің алды, плащты шешіп сөмкеге тығып жатты. Волонтерлар көрсе де көрмегенсіп тұр. Хош, салтанат бітті, Елбасы салтанатты жабық деп жариялады. Жиналғандар стадионнан емес, ыстық моншадан шыққандай ағыл-тегіл терлеп, бәріне «дәәәән риза» боп қайтып жатты.

Гүлжайнат БЕКЕН

0
605
0