--- title: "Жеттік-ау, әйтеуір..." description: "Өткен демалыста өз-өзімді «өһілеп» жүріп «Менің атым Кхан» атты көркем фильмге барғыздым. Әу баста ..." author: "bombom" published: "2010-09-06T05:09:26+00:00" modified: "2010-09-06T05:09:26+00:00" locale: "kk" canonical_url: "https://yvision.kz/kk/post/zhettik-au-yteuir-70450" markdown_url: "https://yvision.kz/kk/post/zhettik-au-yteuir-70450/markdown" site_name: "Yvision.kz" --- # Жеттік-ау, әйтеуір... > Өткен демалыста өз-өзімді «өһілеп» жүріп «Менің атым Кхан» атты көркем фильмге барғыздым. Әу баста ... ![Жеттік-ау, әйтеуір...](https://storage.yvision.kz/images/user/bombom/i1OI10kuMI3xZE4818NqJ801CaLPIp.jpg) Өткен демалыста өз-өзімді «өһілеп» жүріп «Менің атым Кхан» атты көркем фильмге барғыздым. Әу баста жылаңқы үнді киноларының бірі ма деп елемей жүріппін, сөйтсем... «ВО!» дүние екен!!! Мен қазір монитордың алдында отырып, жылап-сықтап, солықтап, солқылдап, іріп отырып көрген киномның мазмұнын айтып әуре болмай-ақ қояйын, өйтсем «нервімнен» «нерві» қала ма... Айтпағым басқа... «Алланың құлымын, Пайғамбардың үмбетімін, кітабым Құран» деген жанның АҚШ киносында оң кейіпте, жақсы сипатта болғанын Сіз бұрын-соңды көрдіңіз бе? Мен көрмеппін. Қайта керісінше, батыс киносының арқасында мұсылман бауырымды сақалы ұзын, ақ киімді, бір қолтығының астында гранатомет, бір қолтығының астында Калашников автоматы бар кейіпте деп өз-өзімді сендіріп алыппын. Ал алдыңғы күні осы фильмді көріп отырып, Құдайдан қорықтым, өзімнен-өзім ұялдым, Палестинадағы аш-жалаңаш кем-кетік жандардан ұялдым, 90-ға келсе де тоңқаңдап намазға жығылған қариядан ұялдым, тіпті экрандағы Шах Рух Кханнан ұялдым...Ақпараттық экспансия деген жаман екен... **«Мұсылман болудың не жамандығы бар!!!» («Менің атым Кхан» фильмінен)** «Теке болсын, черт болсын» (Әпенде Қожанасыр©) кім түсірсе де, қалай түсірілсе де, кім түссе де осы киноның түсірілгені «бұл да бір біткен іс болды» (Әпенде Қожанасыр©). Рухани бауырымды есі дұрыс адам ретінде ғаламдық экраннан көретін күнге де **жеттік-ау, әйтеуір...** *Пы.Сы. Кинодан шыққан да көкірегіңді бір белгісіз ауру жайлап алады... Ол, бірақ, бронхит емес...)))* --- Source: [https://yvision.kz/kk/post/zhettik-au-yteuir-70450](https://yvision.kz/kk/post/zhettik-au-yteuir-70450)