--- title: "Өз үйім өлең төсегім" description: "Абай облысы биылғы жылы жаңа тұрғын үйді пайдалануға беру көлемі бойынша республикада екінші орында ..." author: "freeman33" published: "2023-12-07T10:03:40+00:00" modified: "2023-12-07T10:03:40+00:00" locale: "kk" canonical_url: "https://yvision.kz/kk/post/z-yim-le-t-segim-998596" markdown_url: "https://yvision.kz/kk/post/z-yim-le-t-segim-998596/markdown" site_name: "Yvision.kz" --- # Өз үйім өлең төсегім > Абай облысы биылғы жылы жаңа тұрғын үйді пайдалануға беру көлемі бойынша республикада екінші орында ... Абай облысы биылғы жылы жаңа тұрғын үйді пайдалануға беру көлемі бойынша республикада екінші орында тұр -128%. 2023 жылдың 10 айы бойынша https://stat.gov.kz ![](https://storage.yvision.kz/images/user/574845/c85c627b8b8d70db136946fec4d1ef.png) Тәуелсіз Қазақстанда тұрғын үй құрылысының даму қарқыны кеңестік кезеңмен салыстырғанда едәуір жоғары. Бұл ретте мемлекет маңызды рөл атқарады. Мәселен, мемлекеттік қолдау құралдарының есебінен 2009-2022 жылдар кезеңінде 10,9 млн. ш. метр тұрғын үй пайдалануға берілді, бұл орташа ауданы шамамен 75 ш. метр болатын 147 мың пәтер. Жайлы өмір мектебі Абай облысының ресми сайтының мәліметінше, қараша айының соңындағы жағдай бойынша әлеуметтік саланың 111 нысанының құрылысы жүріп жатыр. Атап айтқанда, тұрғын үй құрылысының 66 нысаны және тұрғын үйлердің инженерлік-коммуникациялық инфрақұрылымын қамтамасыз ету бойынша 21 нысан. Осылайша, «Ауыл – Ел бесігі» бағдарлама аясында медицинаға арнап жалпы құны 1,067 млрд. тг. құрайтын екі нысан салынуда. Бұл Үржар ауданының Қаратұма ауылында дәрігерлік амбулаториясы бар әкімшілік ғимарат және Үржар ауданы орталығындағы 10 төсекке есептелген күндізгі стационары бар 50 келушіні қабылдауға арналған дәрігерлік амбулатория. ![](https://storage.yvision.kz/images/user/574845/d81e055911dc9c415fe3c362cc7304.png) Оқушылардың жаңа буыны үшін жалпы құны 20,587 млрд болатын 9 нысан салынуда. Оның ішінде, «Жайлы мектеп» пилоттық ұлттық жобасы аясында 3000 орынға есептелген бес мектептің құрылысы жүргізілуде. 9 білім беру нысанына 20,587 млрд. тг. бөлінді. Мәселен, «Жайлы мектеп» пилоттық ұлттық жобасы аясында 3000 орынға есептелген бес мектеп салынуда. Олардың барлығы дайын зертханалармен, шеберханалармен, робототехника кабинеттерімен және компьютерлік сыныптармен және пәндік кабинеттермен, 100 Мбит/с жылдамдықтағы интернетпен, сонымен қатар зияткерлік ойындарға арналған «Интеллектуммен» жобаланатын болады. Физика, химия және биология бойынша оқу зертханаларымен қатар, әмбебап зерттеулер жүргізуге арналған STEM-зертханалармен (Science, Technology, Engineering, Mathematics) қамтамасыз ету жоспарлануда. Сонымен бірге, жеке спорт залдары мен асханаларды қамтитын бастауыш және жоғары сыныптарға арналған бөлгіш блоктар. Және де оқушының рюкзагын босата тұру үшін оқулықтарды сақтауға арналған жеке шкафтар болады. Әлбетте, олар бейнебақылау және қауіпсіздік жүйелерімен қамтамасыз етіледі. Ал террористік қауіп төнген жағдайда есіктер автоматты түрде құлыпталатын болады. Бұл жағдайда барлық мектептер ерекше қажеттіліктері бар балаларға бейімделген болуы тиіс. Атап айтқанда, Водный кентінде 600 орынға Қарағайлы тұрғын ауданында 1200 орынға есептелген «жайлы мектептер» салынады, екеуі де облыс орталығынан орын теппек. Ақсуат және Бесқарағай ауылдарында 300 оқушыға есептелген мектептерде балалар аса жайлы жағдайларда оқитын болады. Аягөз қаласының да 600 орынға есептелген удбьразаманауи мектебі болады. Атап өтетін жағымды жайт, «KAZ Minerals Demeu» корпоративтік қоры өз қаражаты есебінен Семей қаласының «Заря» шағын ауданында 1200 орынға есептелген «білім үйін» салуда. Балалар демалыс лагерінің құрылысы қазір сирек кездесетін жаңалық, осындай демалыс орны Абай ауданының әйгілі Қарашоқы шатқалында салынуда, құны – 363,157 млн теңге. Дәстүрлі түрде жекпе-жектің көрнекті өкілдерінің кіндік тамы тамған жері – киелі Семей өлкесі, мәселен, әлем чемпионы, Ойындардың екі дүркін жүлдегері, балуан Дәулет Тұрлыханов, не болмаса ағайынды Кличколар - кәсіби бокстан әлем чемпиондары. Болашақ ринг пен күрес кілемінің жұлдыздарына арнап жалпы құны 2,9 млрд. тг. құрайтын 5 нысан салынуда. Оның ішінде Бородулиха ауданы Бородулиха ауылындағы дене шынықтыру-сауықтыру кешені (ДСК). Кез келген ТМД елінің ауылдық ауданында жүзу бассейнінің салынуы сирек құблыс, сондықтан Көкпекті ауданы Көкпекті ауылының жастары жүзу бассейнінің салынып болғанын асыға күтуде. Үржар ауданы Таскескен ауылында және Абай ауданы Көкбай ауылында тағы екі спорт модулі тұрғызылып жатыр. Мәдениетке де көңіл бөлінуде: «Ауыл – Ел бесігі» бағдарламасы аясында Семей қаласының Приречное ауылында мәдениет үйін қайта құру жүргізілуде, Үржар ауданы Жоғары Егінсу ауылында 100 орынға есептелген мәдениет үйінің құрылысы басталып кетті. "Үржар балаларға арналған арнайы әлеуметтік қызмет көрсету орталығы" АКММ-ге арналған қосымша ғимарат құрылысы аяқталуда. Әлсізге - қамқорлық 6 желтоқсан күні өңір басшысы Нұрлан Ұранхаевтың төрағалық етуімен Абай облысының көпбалалы және аз қамтылған отбасылардың мәселелерін шешу бойынша облыстық қоғамдық жұмыс тобының отырысы өтті. Отырыс барысында аз қамтылған және көпбалалы отбасыларды тұрғын үймен қамтамасыз ету, Аягөз ауданы бойынша көпбалалы отбасылармен жұмыс жасау жөніндегі комиссияның жұмысы, Семей қаласының Комсомольский кентінің инфрақұрылымын дамыту (жолаушылар тасымалы, жарықтандыру, аялдама, жол жөндеу және т.с.с.) мәселелері қаралды. Сондай-ақ, бүкіл ел үшін өзекті мәселе - жеке сот орындаушыларының алимент төлетуге қатысты жұмысының тиімділігі. Жалпы алғанда, 2023 жылдың 10 айы ішінде 527 мұқтаж отбасы, оның ішінде 244 әлеуметтік осал отбасы, 161 көпбалалы отбасы, 55 жетім бала, жалғыз тұрғын үйі апатты деп танылған 14 ҚР азаматы тұрғын үймен қамтамасыз етілді. Ал жыл соңына дейін тағы шамамен 150 пәтер беру жоспарлануда. Қазіргі уақытта өңірде мемлекеттік қаражатты пайдалана отырып 26 кредиттік үйдің құрылысы жүргізілуде, мұндай қадам тұрғындарға шамамен 1500 пәтер ұсынып, халықтың тұрғын үй жағдайларын елеулі дәрежеде жақсартуға мүмкіндік береді. Отырыс қорытындысы бойынша облыс әкімі көтерілген мәселелерді бақылауға алуды тапсырды. ![](https://storage.yvision.kz/images/user/574845/2de70335d80876e28639615347a319.png) --- Source: [https://yvision.kz/kk/post/z-yim-le-t-segim-998596](https://yvision.kz/kk/post/z-yim-le-t-segim-998596)