--- title: "Windows 8 — жоғары деңгейдегі қауіпсіздік" description: "Операциялық жүйелер жаңарумен қоса, оның ішіндегі қауіпсіздік деңгейі де өсіп келуде. Дизайн және ба..." author: "toiguliyev" published: "2013-05-11T11:53:59+00:00" modified: "2013-05-11T12:49:08+00:00" locale: "kk" canonical_url: "https://yvision.kz/kk/post/windows-8-zho-ary-de-geydegi-auipsizdik-352070" markdown_url: "https://yvision.kz/kk/post/windows-8-zho-ary-de-geydegi-auipsizdik-352070/markdown" site_name: "Yvision.kz" --- # Windows 8 — жоғары деңгейдегі қауіпсіздік > Операциялық жүйелер жаңарумен қоса, оның ішіндегі қауіпсіздік деңгейі де өсіп келуде. Дизайн және ба... Операциялық жүйелер жаңарумен қоса, оның ішіндегі қауіпсіздік деңгейі де өсіп келуде. Дизайн және басқада керемет қосымшалардың өзгеруі әрине тамаша, алайда біздің ақпараттарымыздың қауіпті сақталуы өте маңызды. Сол себепті Microsoft компаниясының кезекті операциялық жүйесі, Windows 8-дің қауіпсіздік жағынан қандай жаңартулар бар екенін қарастырып өтейін. Microsoft корпарациясының айтуы бойынша, Windows 8 операциялық жүйесінің қауіпсіздігі, алдыңғы нұсқаларына қарағанда, әлдеқайда жоғары деңгейде жасалынған. Арье Горецкий (Aryeh Goretsky), NOD32 антивирусның негізін қалаушы, Windows 8 бүгінгі таңда ең қауіпсіз ОЖ екенін айтты. Сонымен, Windows 8 ОЖ - де қандай жаңартулар бар? Және шынымен ең қауіпсіз ОЖ атағына ие ме (Microsoft-тың басқа ОЖ арасында)? Осыған байланысты, еңгізілген жаңартуларды біртіндеп қарастырып шығайық. **1. Алдын ала орнатылған Windows Defender антивирусы** Windows қорғаушысының (Windows Defender) ең басты артықшылықтарының бірі, алдын ала, операциялқ жүйені орнатқаннан кейін, тегін қондырылады. Және басқа антивирустардан еш кемшіліг жоқ. Ең бастысы Windows defender жарнамалармен, басқа антивирусты сатып алуға және қолданушының рұқсатысыз артық әрекет жасауға тырыспайды. Осының арқасында, ақылы антивирус сатып алғысы келмейтіндер немесе сатып алуға мүмкінігі жоқ адамдар үлкен ықтималмен осы қорғаушыны қолданатын болар. ![Windows 8 — жоғары деңгейдегі қауіпсіздік](http://im9.asset.yvimg.kz/userimages/toiguliyev/Qm8MbZuR68YjoYBfKMMh7H81nR3yDN.png) **2. Windows SmartScreen - бағдарлама орнатар кездегі қорғаныс** **SmarScreen **қызметі өте оңай. Ғаламтордан жүктелген бағдарламаның тиісті сертификаты немесе ол бағдарлама жайлы ешқандай мәлімет болмаса **Windows SmartScreen** автоматты түрде бағдарламаның орнатуын тоқтатады, немесе администратор атымен орнатуды сұрайды. Ал ғаламторға қосылмаған жағдайда, тексерудің мүмкін емес екенін хабарлап, интернетке қосылуды сұрайды. Яғни барлық ақпарат **Microsoft **серверлері арқылы өтеді. ![Windows 8 — жоғары деңгейдегі қауіпсіздік](http://storage.yvision.kz/images/user/toiguliyev/y3Sb0lh3AHam644UK10It9Tz9ub7I1.png) Windows SmartScreen-ге түзетулер енгізу үшін, Іздеу бөлімінде "SmarScreen" сөзін еңгізссеңіз болды. Ашылған терезенің ішінен өзіңіздің ыңғайыңызға байланысты өзгертулер еңгізсеңіз болады. ![Windows 8 — жоғары деңгейдегі қауіпсіздік](http://storage.yvision.kz/images/user/toiguliyev/sI8VIxZyaHPNO0S6KhrWa22P9uDW6Y.png) ![Windows 8 — жоғары деңгейдегі қауіпсіздік](http://storage.yvision.kz/images/user/toiguliyev/mDNJS2bw4ufuEiSIf4s3BmNj9rH41T.png) **3. Буткиттерден қорғау** Windows 8 тек қана [руткиттерден](http://ru.wikipedia.org/wiki/%D0%A0%D1%83%D1%82%D0%BA%D0%B8%D1%82)қорғап қана қоймай, сонымен қоса [буткиттерден](http://ru.wikipedia.org/wiki/%D0%91%D1%83%D1%82%D0%BA%D0%B8%D1%82)де қорғаныс береді. Оларды тауып және жою өте қиын. Бірақта, буткиттерден қорғау жаңартылымы тек тек қана 64-разрядтық жүйелерде орнатылатын болды.   **4. ELAM (Early-Launch Anti-Malware) - Вирусқа қарсы бағдарламаны алдын-ала іске қосу** Windows 8 опреациялық жүйесінің қауіпсіздік жағынан тағы да бір жаңартылымы - вирусқа қарсы бағдарламаны алдын-ала іске қосу болып табылады. Бұл жаңартылым, антивирус бағдарлмаларының басқа бағдарламалардан бұрын іске қосылуын қамтамасыз етеді. **ELAM жүйенің қауіпсіздігін **алдын алуға мүмкіндік береді.   **5. Кіру параметрлері** Енді Windows 8 ОЖ қолданушылары жүйеге кірудің жаңа параметрлерін қолдана алады. Ең бірінші, қарапайым құпия сөз арқылы кірсеңіз болады. Сонымен қоса, Майкрософт аккаунтыңызды қолданатын болсаңыз, жүйеге өзіңіздің аккаунтыңыздың логині мен құпия сөзін енгізу арқылы кіре аласыз. Және төмендегі суретте көрсетілгендей, әр-түрлі суреттерді қолданып өзіңізге ыңғайлы "жесттер" қолдансаңыз болады. Графикалық құпия сөз, жүйенің қауіпсіздіген арттыра түседі. Құпия сөздің бұл түрін сенсорлы экранмен және тышқанның көмегімен қолдануға мүмкіндік береді. Ал төртінші түрі, ПИН арқылы жүйені қолдану. ![Windows 8 — жоғары деңгейдегі қауіпсіздік](http://storage.yvision.kz/images/user/toiguliyev/fbyG8zxur5p1ikTEkv2XyDO7kuwOCu.png) ![Windows 8 — жоғары деңгейдегі қауіпсіздік](http://storage.yvision.kz/images/user/toiguliyev/ibXN7kD44iyot032790N6rzq09Lclg.png) **6. Windows 8-дегі Жанұялық қауіпсіздік** Тағы да бір өте маңызды жаңартылым - Жанұялық қауіпсіздік. Қазіргі таңда интернетте ата-аналардың басты мәселесі, баласының дұрыс контентті қолдануын реттеу болып табылады. Ата-ана бақылау жүйесі Windows 8 ОЖ-де жанұялық қауіпсіздік деген атқа ие болды. Қауіпсіздіктің бұл түрі баланың қандай контент көріп жатқанын басқаруға, Windows 8 дүкеніндегі бағдарламаларға шектеу қоюға, қолдануға белгілі бір уақыт қоюға және сайттарды фильтрға қоюға мүмкіндік береді. ![Windows 8 — жоғары деңгейдегі қауіпсіздік](http://storage.yvision.kz/images/user/toiguliyev/jOagMik2NOF6azhLVssJR7Vf26XhkB.png) Мысал ретінде, өзімнің Майкрософт аккаунтымды "балам" ретінде тіркедім. Жоғарыдағы суретте көрсетілгендер: - **Веб-сүзу.** Балаңыздың белгіленген сайтқа кіргенін немесе кірмегенін бақылап отыратын бөлім. ![Windows 8 — жоғары деңгейдегі қауіпсіздік](http://storage.yvision.kz/images/user/toiguliyev/37xkBzm1i4UsdFF06XYT7VbS9u2j09.png) - **Уақыт жағынан шектеу.** Бұл аккаунт арқылы отырған қолданушының қай күндері, қай уақытта отыра алатынын басқаратын бөлім. ![Windows 8 — жоғары деңгейдегі қауіпсіздік](http://im9.asset.yvimg.kz/userimages/toiguliyev/ZYcZ470byVn88D7B116c214HNQOlz7.png) - **Windows дүкеніндегі ойындарға шектеу қою.** ![Windows 8 — жоғары деңгейдегі қауіпсіздік](http://storage.yvision.kz/images/user/toiguliyev/wXw1RMux2DBC4SsbRH1021A3hzx760.png) - **Копьютердегі бағдарламаларға шектеу қою.** ![Windows 8 — жоғары деңгейдегі қауіпсіздік](http://im9.asset.yvimg.kz/userimages/toiguliyev/idqtz3aPiXWSo2C90loGCWr7bws4VY.png) Суреттерде көрсетілгендей, сіз өз балаңыздың компьютерді және интернетті дұрыс әрі тиімді қолдануын басқара аласыз. Жеке менің ойымша бұл жаңартылым өте маңызды. Себебі қазір интернетте кәмелетті жасқа толмағандарға зиянын тигізетін контент өте көп. Microsoft корпорациясының кезекті операциялық жүйесінің қауіпсіздігі жағынан бүгіндікке оқырмандарға айтарым осы. Байқап отырсаңыздар өзгертулер аз емес. Және бұл өзгертулер жүйені алдыңғы нұсқаларымен салыстырғанда өте қауіпсіз қылады. Ал қауіпсіздік біздің ақпараттарымыздың ешқайда жоғалып кетпейтініне немесе вирустармен өшіріліп кетпейтініне кепіл береді. Microsoft бұл жаңартулармен тоқтап қана қоймай, әрқашан жаңартып, әлсіз жерлерін дұрыстап отыратыны мәлім. (c) Alisher Toiguliyev, @toiguliyev --- Source: [https://yvision.kz/kk/post/windows-8-zho-ary-de-geydegi-auipsizdik-352070](https://yvision.kz/kk/post/windows-8-zho-ary-de-geydegi-auipsizdik-352070)