---
title: "«Таңшолпанда» — «Бабадан қалған байтағым» ақындар айтысының жеңімпазы Әсем Ережеқызы"
description: "Бүгін «Таңшолпан» бағдарламасында «Бабадан қалған байтағым» атты ақындар айтысының бас жүлде иегеріӘ..."
author: "TRK_kaz"
published: "2015-10-04T22:52:16+00:00"
modified: "2015-10-04T22:52:16+00:00"
locale: "kk"
canonical_url: "https://yvision.kz/kk/post/ta-sholpanda-babadan-al-an-bayta-ym-a-yndar-aytysyny-zhe-impazy-sem-erezhe-yzy-558413"
markdown_url: "https://yvision.kz/kk/post/ta-sholpanda-babadan-al-an-bayta-ym-a-yndar-aytysyny-zhe-impazy-sem-erezhe-yzy-558413/markdown"
site_name: "Yvision.kz"
---

# «Таңшолпанда» — «Бабадан қалған байтағым» ақындар айтысының жеңімпазы Әсем Ережеқызы

> Бүгін «Таңшолпан» бағдарламасында «Бабадан қалған байтағым» атты ақындар айтысының бас жүлде иегеріӘ...

Бүгін [«Таңшолпан»](http://tankaz.kz/) бағдарламасында «Бабадан қалған байтағым» атты ақындар айтысының бас жүлде иегері[Әсем Ережеқызы](http://tankaz.kz/2015/10/05/post2787.html) қонақ болды.

![«Таңшолпанда» — «Бабадан қалған байтағым» ақындар айтысының жеңімпазы Әсем Ережеқызы](http://storage.yvision.kz/images/user/trk_kaz/2YKzq309o7h9VJ2s1fhUPrycjz39Ou.png)

«Ақтөбеде өткен айтыс - Қазақ хандығының 550 жылдығына арналған республикалық дода. Еліміздің түкпір-түкпірінен 9 ақын, Ақтөбе өңірінен 9 ақын қатысты», - деді ол.

Бағдарлама барысында айтыскер ақын шәкірттері туралы да айтты.

«Қыркүйек айында Алматыда өткен республикалық айтысқа шәкіртім Бибігүл Тілеболдинова қатысты. Сондай-ақ, Айсәуле Бейсенхан менен тәлім алады. Алдыма келіп, кеңес сұраған жастардан көмегімді аямаймын», - дейдіӘсем Ережеқызы.

Сондай-ақ, ол қазіргі жас айтыскерлерге көңілі толатынын, олардың айтысқа деген құлшыныстары ерекше екенін айтып өтті.

Ал, айтыстан жеңілген кездегі көңіл-күйі туралы былай дейді: «Жеңу мен жеңілу де шартты нәрсе болып барады. Біз сөзден жеңілмеуге тырысамыз. Өйткені айтысқа дайындықпен барамыз. Тек кейде қазылардың бағалауы әртүрлі болады. Бірақ айтыстан бәйге алмасам да, ренжімеймін».

Әсем Ережеқызы сұхбатын толығырақ [«Таңшолпаннан»](http://tankaz.kz/) тыңдаңыз.

---

Source: [https://yvision.kz/kk/post/ta-sholpanda-babadan-al-an-bayta-ym-a-yndar-aytysyny-zhe-impazy-sem-erezhe-yzy-558413](https://yvision.kz/kk/post/ta-sholpanda-babadan-al-an-bayta-ym-a-yndar-aytysyny-zhe-impazy-sem-erezhe-yzy-558413)