---
title: "Ресей тұрғындарының «Долана» сұйықтығын тұтынудан кейін жаппай улануы"
description: "Қазақстан Республикасы Ұлттық экономика министрлігінің Тұтынушылардың құқықтарын қорғау комитеті (бұ..."
author: "KZPP"
published: "2016-12-21T03:34:18+00:00"
modified: "2016-12-21T03:34:18+00:00"
locale: "kk"
canonical_url: "https://yvision.kz/kk/post/resey-t-r-yndaryny-dolana-s-yy-ty-yn-t-tynudan-keyin-zhappay-ulanuy-739831"
markdown_url: "https://yvision.kz/kk/post/resey-t-r-yndaryny-dolana-s-yy-ty-yn-t-tynudan-keyin-zhappay-ulanuy-739831/markdown"
site_name: "Yvision.kz"
---

# Ресей тұрғындарының «Долана» сұйықтығын тұтынудан кейін жаппай улануы

> Қазақстан Республикасы Ұлттық экономика министрлігінің Тұтынушылардың құқықтарын қорғау комитеті (бұ...

Қазақстан Республикасы Ұлттық экономика министрлігінің Тұтынушылардың құқықтарын қорғау комитеті (бұдан әрі - Комитет) Ресей Федерациясының бұқаралық ақпарат құралдарына сілтеме жасай отырып, Ресей Федерациясы Иркутск облысы тұрғындарының жаппай улануының тіркелу фактілері туралы хабарлайды.

Жаппай улану ағымдағы жылғы 17-18 желтоқсанда құрамында метил спирті (метанол) бар «Долана» сұйықтығын тұтынудан кейін орын алған.

Иркутск облысында жоғарыда көрсетілген құрамында спирті бар сұйықтықты тұтынудан кейін қайтыс болғандар саны 61 адамға өскен.

Комитет Ресейде қалыптасқан жағдайға алаңдауда және Қазақстан Республикасының тұрғындарын әртүрлі алкоголь өнімдері мен жоғарыда көрсетілген «Долана» сұйықтығын сатып алу кезінде мұқият және абай болуға шақырады.

Құрметті кәсіпкерлер! Аталған сұйықтық қауіпсіздік талаптарына сәйкес келмейді және сатылымға жіберілмеуі тиіс.

Белгіленбеген сауда орындарынан сатып алынған және растайтын құжаттары жоқ алкоголь сусындары қолдан жасалған болуы және өмір мен денсаулыққа қауіп төндіруі мүмкін.

[http://kzpp.gov.kz/kaz/presscentr/news/?cid=0&rid=6526](http://kzpp.gov.kz/kaz/presscentr/news/?cid=0&rid=6526)

---

Source: [https://yvision.kz/kk/post/resey-t-r-yndaryny-dolana-s-yy-ty-yn-t-tynudan-keyin-zhappay-ulanuy-739831](https://yvision.kz/kk/post/resey-t-r-yndaryny-dolana-s-yy-ty-yn-t-tynudan-keyin-zhappay-ulanuy-739831)