--- title: "Президенттің Іс басқарушысы тағайындалды" description: "ҚР Президентінің Іс басқарушысы болып Асат Нұрпейісов тағайындалды. \"Мемлекет басшысының..." author: "seri.jigit" published: "2024-02-07T12:38:50+00:00" modified: "2024-02-07T12:38:50+00:00" locale: "kk" canonical_url: "https://yvision.kz/kk/post/prezidentti-is-bas-arushysy-ta-ayyndaldy-1000821" markdown_url: "https://yvision.kz/kk/post/prezidentti-is-bas-arushysy-ta-ayyndaldy-1000821/markdown" site_name: "Yvision.kz" --- # Президенттің Іс басқарушысы тағайындалды > ҚР Президентінің Іс басқарушысы болып Асат Нұрпейісов тағайындалды. "Мемлекет басшысының... ҚР Президентінің Іс басқарушысы болып Асат Нұрпейісов тағайындалды. ![Президенттің Іс басқарушысы тағайындалды](https://storage.yvision.kz/images/user/577778/1d011a370129698dff68722e157e9c.jpg) "Мемлекет басшысының Жарлығымен Асат Болатұлы Нұрпейісов Қазақстан Республикасы Президентінің Іс басқарушысы болып тағайындалды, ол бұрынғы атқарған лауазымынан босатылды", - деп жазады t.me/aqorda_resmi. Кешеге дейін бұл қызметті Айбек Дәдебаев атқарған еді. Енді ол - Президент әкімшілігінің басшысы. Ал Нұрпейісов бұған дейін Президент Іс басқарушысының орынбасары болған. Асат Нұрпейісов 1987 жылы 18 шілдеде дүниеге келген. 2010 жылы Прагадағы Нью-Йорк университетін «экономика және менеджмент» мамандығы бойынша, 2012 жылы Еуропалық бизнес мектебін бітірген, MSc Global Banking and Finance «Халықаралық банк ісі және қаржы» магистрі. Президенттік жастар кадрлық резервінің мүшесі. 2012-2015 жылдары KPMG Tax and Advisory менеджмент консалтингінде жұмыс істеген. 2015-2016 жылдары – Мемлекеттік басқару жүйесін дамыту департаментінің басқарма басшысы, Қазақстан Республикасы Ұлттық экономика министрінің кеңесшісі. 2016-2017 жылдары – «Бәйтерек» ҰБХ» АҚ Корпоративтік қаржы департаментінің директоры. 2018-2019 жылдары – Қазақстан Республикасы Премьер-Министрі Кеңсесі Жобалық басқару орталығының бас инспекторы, меңгерушінің орынбасары, меңгерушінің міндетін атқарушы. 2019-2022 жылдары – Қазақстан Республикасы Ұлттық Банкі Төрағасы аппаратының басшысы. 2022 жылғы 16 ақпаннан бастап Алматы қаласы әкімі аппаратының басшысы қызметін атқарды. 2023 жылғы 5 қаңтарда Қазақстан Республикасы Президенті Іс басқарушысының орынбасары лаузымына тағайындалды. --- Source: [https://yvision.kz/kk/post/prezidentti-is-bas-arushysy-ta-ayyndaldy-1000821](https://yvision.kz/kk/post/prezidentti-is-bas-arushysy-ta-ayyndaldy-1000821)