--- title: "Қоғамдық қорғаушылар тергеу қапасына телефон кіргізбек болған" description: "Еліміздің екі тергеу изоляторында ұялы телефондарды алып өтуді жоспарлаған қоғамдық қорғаушылар..." author: "orazali" published: "2024-02-07T04:00:13+00:00" modified: "2024-02-07T04:42:35+00:00" locale: "kk" canonical_url: "https://yvision.kz/kk/post/o-amdy-or-aushylar-tergeu-apasyna-telefon-kirgizbek-bol-an-1000780" markdown_url: "https://yvision.kz/kk/post/o-amdy-or-aushylar-tergeu-apasyna-telefon-kirgizbek-bol-an-1000780/markdown" site_name: "Yvision.kz" --- # Қоғамдық қорғаушылар тергеу қапасына телефон кіргізбек болған > Еліміздің екі тергеу изоляторында ұялы телефондарды алып өтуді жоспарлаған қоғамдық қорғаушылар... Еліміздің екі тергеу изоляторында ұялы телефондарды алып өтуді жоспарлаған қоғамдық қорғаушылар ұсталды. ![Қоғамдық қорғаушылар тергеу қапасына телефон кіргізбек болған](https://storage.yvision.kz/images/user/577776/1eaf5b822d921e303d030f09ba3a28.jpg) 5 ақпанда Астананың тергеу изоляторында жедел бөлімнің қызметкерлері фронт-офис кабинетіндегі бейнебақылауды арқылы қоғамдық қорғаушының ұялы телефонды, құлаққапты, екі SIM-картаны және қуаттағышты сотталғанға беру фактісін анықтады. Сол күні Маңғыстау облысы бойынша ҚАЖД №77 мекемесінде қызметкерлер қоғамдық қорғаушыны тексерген кезде аяқ киімінен телефон мен SIM-картаны тапты. Ер адам тергеу қамауына алынған туысына “тыйым салынған затты” беруді жоспарлаған. Мобильді құрылғылар мен басқа да заттар тәркіленді. Қоғамдық қорғаушыларға қатысты әкімшілік материалдар жасалды. Сондай-ақ сотталғандарды тәртіптік жауапкершілікке тарту үшін материалдар толтырылды. Қылмыстық-атқару жүйесі мекемелерінде ұсталатын адамдарға тыйым салынған заттар мен бұйымдарды бергені үшін ескерту немесе он АЕК мөлшерінде айыппұл түрінде әкімшілік жауапкершілік көзделгенін атап өткен жөн. Сонымен қатар қылмыстық-процестік заңнамаға сәйкес тергеуші “қоғамдық қорғаушы” мәртебесін алу туралы қаулының күшін жоюға құқылы. Polisia.kz --- Source: [https://yvision.kz/kk/post/o-amdy-or-aushylar-tergeu-apasyna-telefon-kirgizbek-bol-an-1000780](https://yvision.kz/kk/post/o-amdy-or-aushylar-tergeu-apasyna-telefon-kirgizbek-bol-an-1000780)