---
title: "Науқасқа омбылап қар кешіп жеткен фельдшерлерді тани отырыңыздар!"
description: "Әлеуметтік желіде ақтөбелік жедел жәрдем фельдшерлерінің шұғыл шақыртуға омбылап қар кешіп бара..."
author: "seri.jigit"
published: "2024-02-09T11:57:45+00:00"
modified: "2024-02-09T11:59:36+00:00"
locale: "kk"
canonical_url: "https://yvision.kz/kk/post/nau-as-a-ombylap-ar-keship-zhetken-feldsherlerdi-tani-otyry-yzdar-1000939"
markdown_url: "https://yvision.kz/kk/post/nau-as-a-ombylap-ar-keship-zhetken-feldsherlerdi-tani-otyry-yzdar-1000939/markdown"
site_name: "Yvision.kz"
---

# Науқасқа омбылап қар кешіп жеткен фельдшерлерді тани отырыңыздар!

> Әлеуметтік желіде ақтөбелік жедел жәрдем фельдшерлерінің шұғыл шақыртуға омбылап қар кешіп бара...

Әлеуметтік желіде ақтөбелік жедел жәрдем фельдшерлерінің шұғыл шақыртуға омбылап қар кешіп бара жатқанын көрсететін бейнежазба тараған еді. Артынан олардың кімдер екені анықталды.

![Науқасқа омбылап қар кешіп жеткен фельдшерлерді тани отырыңыздар!](https://storage.yvision.kz/images/user/577778/74c9aaa90ae4e95b192793a8d50c53.jpg)

Сонымен, олар - Ақтөбе облысы Хромтау ауданының жедел жәрдем фельдшерлері Қайрат Тілеу, Сая Рысбай және Бауыржан Құдияров.

Ерлікке пара-пар іс жасаған медицина қызметкерлеріне Денсаулық сақтау министрі Ақмарал Әлназарова алғыс айтты.

"Кез келген ауа райында, аяз бен боранда, жол жоқ жерде жедел жәрдем бригадалары төтенше жағдайларға қарамастан адамдардың өмірін сақтап қалу қажет миллиондаған шақыртуға қызмет көрсетеді. Осындай батырлардың қатарында – Хромтау ауданының жедел жәрдем фельдшерлері Құдияров Бауыржан Сұлтанханұлы, Тілеу Қайрат Берікұлы, Рысбай Сая Ыбырайқызы бар. Олар қар құрсауына қарамастан жүрек ұстамасымен ауыратын науқасқа жетіп, өздерінің асыл кәсібіне адалдықтары мен күш-жігерлерін танытты. Дәрігерлердің айтуынша, сол жерде кардиограмма жасалып, ұсынымдар берілді, сәтін салғанда пациент емдеуге жатқызуды қажет етпеді. Денсаулық сақтау министрлігі Хромтау ауданының жедел жәрдем бригадасы фельдшерлерінің қажырлы еңбегін атап өтеді. Әртүрлі қиындықтарды жеңе отырып, науқастардың өмірін сақтап қалатын барлық медицина қызметкерлеріне алғысымызды білдіреміз", деп жазды министр өзінің Facebook-тегі парақшасында.

---

Source: [https://yvision.kz/kk/post/nau-as-a-ombylap-ar-keship-zhetken-feldsherlerdi-tani-otyry-yzdar-1000939](https://yvision.kz/kk/post/nau-as-a-ombylap-ar-keship-zhetken-feldsherlerdi-tani-otyry-yzdar-1000939)