--- title: "Мадрид. II бөлім." description: "Келесі күні, яғни 31 желтоқсан күні музейлерге арналды. Мадридте болып, Прадо мұражайын көрмей кету ..." author: "Arsik" published: "2012-10-30T15:07:00+00:00" modified: "2012-04-28T21:59:07+00:00" locale: "kk" canonical_url: "https://yvision.kz/kk/post/madrid-ii-b-lim-251445" markdown_url: "https://yvision.kz/kk/post/madrid-ii-b-lim-251445/markdown" site_name: "Yvision.kz" --- # Мадрид. II бөлім. > Келесі күні, яғни 31 желтоқсан күні музейлерге арналды. Мадридте болып, Прадо мұражайын көрмей кету ... Келесі күні, яғни 31 желтоқсан күні музейлерге арналды. Мадридте болып, Прадо мұражайын көрмей кету - күнә жасаумен тең дейді испандықтар. Сондықтан алдымен әлем туындыларының үздік үлгілері мен Испания классикалық сурет өнерінің тамаша коллекциялары сақталған Прадо мұражайына тарттық. Мұражайға жыл сайын 2 жарым миллионнан астам әлемнің түкпір-түкпірінен өнер бағалаушылар ағылып келіп жатады. Әрине мұнда дүние жүзіне атағы жайылған Веласкес, Гойя, Босха, Рубенс, Эль-Греко және т.б. суретшілердің 8600-дей туындыларын түпнұсқасында көруге болады. Ол эмоцияларды сөзбен айтып жеткізу мүмкін емес. ![Мадрид. II бөлім.](https://storage.yvision.kz/images/user/kerbez_/RSz9BQvnNb1hftPFp8w3SR9ovGm3EJ.jpg) Айтпақшы, мұражайға бізді тегін кіргізді. Студенттік ISIC картасын ғана көрсеткенбіз, не үшін тегін кіргізгенін өзіміз де түсінбей қалдық. Адам көп, ішінде суретке түсіруге әрине болмайды. Бірақ, сонда да: Атақты Веласкестің суреттерін түсірмей кете алмадық: ![Мадрид. II бөлім.](https://storage.yvision.kz/images/user/kerbez_/x7kZbN24cGD6bh9YLpx8LEE67D5h9U.jpg) ![Мадрид. II бөлім.](https://storage.yvision.kz/images/user/kerbez_/UG4v52GXqk6I11qs83Bvh337F1KNlW.jpg) Караваджо: ![Мадрид. II бөлім.](https://storage.yvision.kz/images/user/kerbez_/64L4v0b7WBTD7d9W24YyRhIA6AOMq7.jpg) Франциядағы Лувр, Ресейдегі Кремль, Египеттегі пирамидалар сияқты Прадо мұражайы Испанияның толыққанды символына айналған. Мұражай алдындағы Гойя: ![Мадрид. II бөлім.](https://storage.yvision.kz/images/user/kerbez_/k7IEA3YK5s54gca8O9DOwYqSob34oi.jpg) Мұражайдың жалпы көрінісі: ![Мадрид. II бөлім.](https://storage.yvision.kz/images/user/kerbez_/v9c56a8VJXNFiFr5HEyNsFeV268qig.jpg) Прадоның оң жағында XVI ғ. салынған әулие Иеронимнің Патшалар шіркеуі тұр. Бұл жерде патшалар таққа отырғызылып, неке қиылған. ![Мадрид. II бөлім.](https://storage.yvision.kz/images/user/kerbez_/eT5j18sQejBcYjkziqooe37ZVNMLxn.jpg) ![Мадрид. II бөлім.](https://storage.yvision.kz/images/user/kerbez_/oFL3si8gg5kz1tVt2f3t3Yp5HcXE1K.jpg) 1991 жылы Хулио Лопес Эрнандес жасаған қарапайым суретшінің мүсіні ұлы суретшілердің қатарына еніп, суреттерін мұражайға қоюын армандап тұрған тәрізді : ![Мадрид. II бөлім.](https://storage.yvision.kz/images/user/kerbez_/tR6eeu6iShxyT59XTAbDCzZ8Muc2cI.jpg) ![Мадрид. II бөлім.](https://storage.yvision.kz/images/user/kerbez_/4AzHOyESt48puHzJ5ays9omhC3E9lI.jpg) 1785 ж. испан королі ІІІ Карлдың бұйрығымен салынған мұражай ғимараты әлі күнге дейін сол заманғы Еуропа рухын сезіндіреді. ![Мадрид. II бөлім.](https://storage.yvision.kz/images/user/kerbez_/07nJMo2boBsRz2Z7k3rk3rmsnSY87w.jpg) Ғимараттың сол жағындағы Веласкес ескерткіші: ![Мадрид. II бөлім.](https://storage.yvision.kz/images/user/kerbez_/A8CCtAzM2IGzF8Rol5Qc2xG1YjvUy7.jpg) Прадоға қарама-қарсы Мадридтің екінші үлкен мұражайы болып саналатын Тиссен-Борнемисстің мұражайы орналасқан. 1920-1980 ж.ж. барон Ганс Генрих Тиссен-Борнемисстің жинаған коллекциясы 1992 жылы мұражайға айналған. Көбінде өзге тарихи эпоханың: Италияның ерте кезеңінің кескіндеме өнері, XVII ғ. голланд шеберлерінің жұмысы, неміс экспрессионизмі, поп-арт пен геометриялық абстракциядан тұратын Прадо мұражайына қарағанда, мұнда XIII ғ. италиялық суретшілердің готикасынан бастап XX ғ. Америка суретшілеріне тән поп-артқа дейінгі 800-ден астам туындылар бар. ![Мадрид. II бөлім.](https://storage.yvision.kz/images/user/kerbez_/183OI3Y5W2Il38Z0h40H1H9BxdWuWw.jpg) ![Мадрид. II бөлім.](https://storage.yvision.kz/images/user/kerbez_/3L4zdB636Kpdps92s6VBw7QgutrWJ9.jpg) ![Мадрид. II бөлім.](https://storage.yvision.kz/images/user/kerbez_/9S15eH2oTy626jjiin11iMW63d335J.jpg) Мұнда Ван-Гог, Гоген, Караваджо, Пикассо, т.б. ұлы суретшілердің туындыларын көруге болады. Мұражайдан шыққаннан кейін әрі қарай жан-жақты жаяу аралап жүрдік. Көше ортасындағы Нептун фонтаны: ![Мадрид. II бөлім.](https://storage.yvision.kz/images/user/kerbez_/K73QePYmcrJHk0wnDdcOdx8IQHGlNn.jpg) Мадридтің бір ұнағаны - көзге ұрына бермейтін, бірақ іліп алар кішкентай нәрселерді аса сүйкімді қылып жасауы: ![Мадрид. II бөлім.](https://storage.yvision.kz/images/user/kerbez_/601z28bRtRpdc2VNpAUQRCi53j734k.jpg) ![Мадрид. II бөлім.](https://storage.yvision.kz/images/user/kerbez_/EG6CyezV981R7J6I5JjNhwofN4xU9J.jpg) ![Мадрид. II бөлім.](https://storage.yvision.kz/images/user/kerbez_/we2uUz913AjX3Z048QSyIa1W97bk6K.jpg) ![Мадрид. II бөлім.](https://storage.yvision.kz/images/user/kerbez_/EZ0CWJ4N6kGi3YoUh49gYIFh6rcvm3.jpg) Мынау севильялық мектептің негізін қалаушы, атақты испан кескіндеушісі Бартоломе Эстебан Мурильонің ескерткіші: ![Мадрид. II бөлім.](https://storage.yvision.kz/images/user/kerbez_/f0962aNv7ULOJtwu2pb6q43gzjp5S6.jpg) Ал мынау тағы да сол ІІІ Карлдың бұйрығымен 1781 ж. салынған Патшалардың ботаникалық бағы. Оның архитекторлары: Гомес Ортега мен Хуан де Вильянуэва (сондай-ақ Прадо мұражайының архитекторы). ![Мадрид. II бөлім.](https://storage.yvision.kz/images/user/kerbez_/bf0NtAM1cwnDsXn8JhLdi9kDV5Lr3i.jpg) Қыдырып жүргенде кешке қарай көше бойында жүгіріп жүрген адамдарды көрдік: ![Мадрид. II бөлім.](https://storage.yvision.kz/images/user/kerbez_/4turo70M4Md5N4WPedNUc7GimEl4ju.jpg) Біраздан соң олар көбейе бастады: ![Мадрид. II бөлім.](https://storage.yvision.kz/images/user/kerbez_/jf8j5QIqgZfm8Z5h5bAo3hqIa9oSEj.jpg) Жүгірушілер легінің көптігі соншалық, ұзын көше бойымен түгелдей бір Алматы жүгіріп өткендей болды: ![Мадрид. II бөлім.](https://storage.yvision.kz/images/user/kerbez_/oW2i5u3750U03q3GvDYUvO8TIL51tY.jpg) Қалалық флешмоб па, жаңа жыл қарсаңындағы дәстүр ме, түсінбедім. Арнайы аспаптар асынған музыканттар көшеде көп: ![Мадрид. II бөлім.](https://storage.yvision.kz/images/user/kerbez_/09G87EfSoNKJQjc5hm155c7d04OdaK.jpg) Либералдық идеологияны өзгерткен испан саясаткері Клаудио Мояна атындағы бульвар: ![Мадрид. II бөлім.](https://storage.yvision.kz/images/user/kerbez_/T6v9XDUPdZtLYXVK7VC1RLZPjCwxX9.jpg) Испанияның ауылшаруашылық министрлігі: ![Мадрид. II бөлім.](https://storage.yvision.kz/images/user/kerbez_/T2G029Hf02PQq6qcqT79nrcEcEgZmY.jpg) Мұражайлар алтын үшбұрышының үшінші мұражайы - София патшайымының мұражайы. Жергілікті тұрғындар оны "Рейна" (Патшайым) дейді. ![Мадрид. II бөлім.](https://storage.yvision.kz/images/user/kerbez_/qGvW03ApYKYA06nsX5cA99a2a267es.jpg) ![Мадрид. II бөлім.](https://storage.yvision.kz/images/user/kerbez_/5358wHdDfIV24gsx5Qyzgm3DGSQn9T.jpg) Бұл мұражайда Испанияның қазіргі таңдағы өнері мен көркем авангард туындылары қойылады. 1992 ж. Касон дель Буэн Ретиромен әкелінген Пикассоның атақты "Герника" туындысы бұл жерде Дали, Миро, Хуан Грис, Пабло Гарганьо, т.б. атақты шығармаларымен бәсекелеседі. Мұражайдың сыртқы келбеті өңделуде: архитектор Жан Нувельдің жұмысы. ![Мадрид. II бөлім.](https://storage.yvision.kz/images/user/kerbez_/Mv8Wi6M3TZ4gaxfw77O81KMZOIpAA7.jpg) Мәдени байып алған соң, біз асығып үйімізге қарай жүгірдік. Өйткені жаңа жыл да жақындап қалды. Естеріңізде болса, үйіміз Пуэрто дель Сольдің ортасында. Мадридтіктер жаңа жылды қарсы алу үшін дәл осы алаңға жиналады. Сол себепті біз барғанша дейін алаңды полицейлер қоршап алыпты, үйімізге әрең кірдік. Жолдан жүзім сатып алуды да ұмытпадық. Не үшін десеңіздер, испандықтардың дәстүрі бойынша, сағат он екі соққанда олар жүзімді бір-бірден жеп, тілек айтады екен. Испанияда жүргеннен кейін, біз де одан қалыс қалмадық. Алаңның қасында тұрсақ та, үйден шығамыз дегенше, адам лық толып кетіпті. Әйтеуір қапылыста, жүзімімізді жеп, тілек айтып, жаңа жылды да қарсы алдық. Ары қарай қыдыру, көңіл көтеру... Көше бойы қызық күтіп, шуласып жүрген адамдардың аяғының астынан мына жазуды көріп, жадырап сала бердім: ![Мадрид. II бөлім.](https://storage.yvision.kz/images/user/kerbez_/f0BjwEZ20f9127xQyQ1FDCJgBDO1tv.jpg) Дон Кихотсыз Испания Испания болар ма? :) Көңілді жаңа жылдан кейін, келесі күні қаланың басты сәулеттерімен танысуды жалғастырдық. Palacio de Comunicaciones - Мадридтің ең танымал, 5 жұлдызды қонақүйі. ![Мадрид. II бөлім.](https://storage.yvision.kz/images/user/kerbez_/Ia16Gm8v1VJN3tGTjOGAmgU4XsDbiI.jpg) Тағы да бір мұражай - әскери-теңіз мұражайы. ![Мадрид. II бөлім.](https://storage.yvision.kz/images/user/kerbez_/J6OxLxv01RzlWBz5xEAK6qxR03oE4f.jpg) ![Мадрид. II бөлім.](https://storage.yvision.kz/images/user/kerbez_/b4Zp6HW2aiF5QSWK78yo263gLHb774.jpg) Мына ғимарат 1831 ж. құрылған Испаниядағы ең үлкен фондтық биржа ғимараты. 2007 ж. есеп бойынша ондағы акция нарығының капитализациясы 1 276 трлн еуроны құрады. ![Мадрид. II бөлім.](https://storage.yvision.kz/images/user/kerbez_/IDAjqAZx6tHlHyL8BrlUzYDYay0aPF.jpg) Мынау Тәуелсіздік алаңы: ![Мадрид. II бөлім.](https://storage.yvision.kz/images/user/kerbez_/9atfr76aMHer0vp4l55kYWIFDyNW7x.jpg) Оларда да "вечный огонь" бар екен: ![Мадрид. II бөлім.](https://storage.yvision.kz/images/user/kerbez_/hOA00etDcIhgvUPL1D38Qi9WyBmaZp.jpg) Тәуелсіздік алаңының артымен жүре берсеңіз, қалалық Буэн-Ретиро паркіне тап боласыз. Оның ауданы 120 га. алады. Парктің алдында испан драматургі, 1922 ж. әдебиет саласындағы Нобель сыйлығының иегері Хасинто Бенавентеге арналған ескерткіш тұр: ![Мадрид. II бөлім.](https://storage.yvision.kz/images/user/kerbez_/DRC3ad46dWsmbH2Kk0jr1v1wWZ66pc.jpg) Парк алғашында патшалар үшін салынып, 1632 ж. патшалардың ойын-сауық құратын жері болған. Тек кейіннен 1869 ж. жалпы халыққа ашылған. ![Мадрид. II бөлім.](https://storage.yvision.kz/images/user/kerbez_/P81yl5V8M5m1q8E5fRt6RUIAKE71m5.jpg) Мадридтің ең атақты паркіне айналған Ретиро кезінде Габсбургтердің резиденциясы болған. Мұнда IV Филипп пен оның жақындары оқшауланып, дем алғанды жақсы көрген екен. Буэн Ретиро деген атау да содан шыққан: (исп."Buen Retiro") - игілікті оқшаулану дегенді білдіреді. ![Мадрид. II бөлім.](https://storage.yvision.kz/images/user/kerbez_/2qllIZ1052x0ChOyI2qmHNC0TfV9Td.jpg) Неше күннен бері тыныш таппай қала аралаған денеміз паркке келіп, джаздың жағымды дауысын естіп, релакс тапты. ![Мадрид. II бөлім.](https://storage.yvision.kz/images/user/kerbez_/dP02cLw3Gwc5Tx19z7aR4h8wC43X05.jpg) Өз-өзімізге "демалыс" жариялап, "Испания күнінің" астында біраз жатып дем алып алдық. Парк расында игілікті оқшаулану екен. Атмосферасы жайбарақат. ![Мадрид. II бөлім.](https://storage.yvision.kz/images/user/kerbez_/tVGo3J1qBSX17h7T782oFhar4098ds.jpg) Мұнда үлкен көлдің жағасында XII Альфонстың құрметіне жасалған ескерткішті жағалай доғал колоннада салынған. ![Мадрид. II бөлім.](https://storage.yvision.kz/images/user/kerbez_/p5kH6U928UJA0vD7ZYJcctd2c312q2.jpg) ![Мадрид. II бөлім.](https://storage.yvision.kz/images/user/kerbez_/688ysZsP3It9CQMiZf2r1O9j3EtP5K.jpg) ![Мадрид. II бөлім.](https://storage.yvision.kz/images/user/kerbez_/2SV2zv8DUVatotI92gKQWh7mjGQxcp.jpg) ![Мадрид. II бөлім.](https://storage.yvision.kz/images/user/kerbez_/ip6N00J972I8YJfJrLpsD2rOBL1444.jpg) ![Мадрид. II бөлім.](https://storage.yvision.kz/images/user/kerbez_/weMmxQFPJx8P8t2tmpTv3fsqmXXN7b.jpg) ![Мадрид. II бөлім.](https://storage.yvision.kz/images/user/kerbez_/DC4ll4D3wI13NznIbOSce9J6f6y2G6.jpg) ![Мадрид. II бөлім.](https://storage.yvision.kz/images/user/kerbez_/p14RGmA1IK6QuOJfkt4wf7l6Fi3f61.jpg) 1907 ж. қойылған Арсенио Мартинес Кампостың ескерткіші. Куба колониясын бағындырған, Солтүстік Африкадағы Рифаның көтерілісшілерін басып, жеңген. ![Мадрид. II бөлім.](https://storage.yvision.kz/images/user/kerbez_/vDxz0J43q74J1gqVOR13X7cc6Ll5tJ.jpg) Парктің таза ауасы қарнымызды аштырып, түскі асты Веласкес Сарайының жанындағы кафеден іштік. Испандықтардың дәстүрлі асы - паэлья. Ол маған көптеген теңіз өнімдері қосылған, өзгеше қуырылған палауды есіме түсірді. ![Мадрид. II бөлім.](https://storage.yvision.kz/images/user/kerbez_/ZRC2V4BM5m0d1320Vw4SKr4vQxsTsx.jpg) Өте дәмді. Сондай-ақ испандықтардың атақты тапасы. Яғни балық, ет, көкөністерден де жасалына беретін кішігірім жеңіл тамақтары. Ретиро паркінің сөзсіз мақтанышы - атақты Рикардо Боско Веласкестің екі архитектуралық ғимараты. Бірі - Веласкес Сарайы. ![Мадрид. II бөлім.](https://storage.yvision.kz/images/user/kerbez_/hqfaJNqG73T9wiPmRl0FAQUY0R2kM9.jpg) Оны ағаш сарай деп те атайды. Бұл ғимаратты 1884 ж. тау-кен ісі мен металлургияға арналған көрмені қою үшін салған. ![Мадрид. II бөлім.](https://storage.yvision.kz/images/user/kerbez_/21XkK3y9Tr7Uo9I0s979q3leo3Qeyb.jpg) ![Мадрид. II бөлім.](https://storage.yvision.kz/images/user/kerbez_/HMm41mOgE1dAPwx6nSX4p0XNFVmWJ3.jpg) Ал екіншісі - тек қана әйнек пен темірден салынған Әйнек сарайы. ![Мадрид. II бөлім.](https://storage.yvision.kz/images/user/kerbez_/ymUhdrNfR23MQx92lIWHL7d1cHb27K.jpg) О баста ол испандық колониялары болып табылатын аралдардағы флора мен фаунаны көрсету үшін оранжерея ретінде тұрғызылған. ![Мадрид. II бөлім.](https://storage.yvision.kz/images/user/kerbez_/090vnLIuP2dpPnNBfZPzy79w07EP6E.jpg) ![Мадрид. II бөлім.](https://storage.yvision.kz/images/user/kerbez_/67B2n9y2JZf0QOogexcq5W1NYRr06D.jpg) Парктен шыққанымызда, алдымыздан неоклассицизм стиліндегі монумент - Алькала қақпасы шықты. ![Мадрид. II бөлім.](https://storage.yvision.kz/images/user/kerbez_/RqL6AtcOceOVq1osDBtBsSOqryUt8e.jpg) Кешке қарай аралауымызды Мадридтегі ең атақты алаң Плаза де Майорда жалғастырдық. Мадридтік барокко стилінде жасалған алаңды архитектор Хуан Гомес де Мора салған. ![Мадрид. II бөлім.](https://storage.yvision.kz/images/user/kerbez_/DajUodNih1gRGvn5h5PL2tgtH7q1T1.jpg) Плаза Майордан батысқа қарай жүрсең, неоготика стиліндегі Альмуден Соборы бой көрсетеді. ![Мадрид. II бөлім.](https://storage.yvision.kz/images/user/kerbez_/ozFvuxF6IwA591wIR61A3FrUZTT4Rm.jpg) ![Мадрид. II бөлім.](https://storage.yvision.kz/images/user/kerbez_/27b5S0hrV9mpVJOZZnc9o9d1Oq5c2w.jpg) Шіркеудің іші өте әдемі: ![Мадрид. II бөлім.](https://storage.yvision.kz/images/user/kerbez_/6RnDVhKdbz3by8J5yIn740rnQkwyeG.jpg) Және де ең соңғы сәулет өнері, монархтардың ресми резиденциясы - Патша сарайы. ![Мадрид. II бөлім.](https://storage.yvision.kz/images/user/kerbez_/M23CW0bp55LV1S7JC45vJq44Jbd8Mn.jpg) Осымен біздің Мадридтегі тынымсыз 3,5 күніміз өтіп кетті. Түнгі автобусымызға асығып, Барселонаға жол тартып кеттік... --- Source: [https://yvision.kz/kk/post/madrid-ii-b-lim-251445](https://yvision.kz/kk/post/madrid-ii-b-lim-251445)