--- title: "Мадрид. I бөлім." description: "Түнгі он екіде Херестен шыққан автобус таңғы 8-де бізді Мадридке жеткізді. Автобуста wi-fi бар, біра..." author: "Arsik" published: "2012-10-30T05:38:00+00:00" modified: "2012-04-21T22:54:28+00:00" locale: "kk" canonical_url: "https://yvision.kz/kk/post/madrid-i-b-lim-250673" markdown_url: "https://yvision.kz/kk/post/madrid-i-b-lim-250673/markdown" site_name: "Yvision.kz" --- # Мадрид. I бөлім. > Түнгі он екіде Херестен шыққан автобус таңғы 8-де бізді Мадридке жеткізді. Автобуста wi-fi бар, біра... Түнгі он екіде Херестен шыққан автобус таңғы 8-де бізді Мадридке жеткізді. Автобуста wi-fi бар, бірақ істемеді, оған қарамастан, жайлы жеттік. Жайдары херестіктерге үйреніп қалғанбыз ба, Мадридтің асығып жүрген, сұсты тұрғындарынан қала да суық болып көрінді. Мейірімді бір турист қыз бізге метро картасын беріп, керек жерімізге қалай жететінімізді түсіндіргендей болды. Біраз адасып ол жерді де таптық. Бірден метроға 10 билет сатып алғанымыздың дұрыс болғанын кейін білдік. Біздің тұратын хостелымыз Пуэрта-дель-Соль («Күн қақпасы») алаңында Carretas көшесінде. Presidencia Cam-ның (біздің Орталық алаң сияқты) дәл қасында. ![Мадрид. I бөлім.](https://storage.yvision.kz/images/user/arsik/igoQgG85SSDH5JNL2cEQkYgoTYnAud.jpg) Бойы мен денесі бірдей болып қалатын қара нәсілді Данило атты кубинец бізді күле қарсы алды. Бір бөлмесін ұсынды. Іші қара суық. Ол жақта жылулық жүйесімен проблема, біз үйреніп қалған орталық жылу жоқ, әр бөлмеде кішкентай жылытқыш құрылғы бар. Бірақ романтикалық тұрғыда бөлмеміз көбінесе француз романдарының кейіпкерлері тұрақтайтын кішкентай, бірақ өте сүйкімді үйшік болатындай. Айқара ашылатын ұзын жіңішке ақ терезе қақпағын ашсаң, тар көшеден Испанияның иісі шығады, керемет емес пе! Біраз дем алып алғаннан кейін, позитив толқынын ұстап алып, жергілікті жерді зерттеуге шықтық. Күн де жайдары көзін бізге бұра бастады. Бірден көзге ұратыны – адамның көптігі. Әсіресе алаңда неше түрлі тілде сөйлесіп жүрген, неше түрлі ұлттар жүр. Алаңнан өтіп, алдымыздағы Испанияның көптеген ірі қалаларында бар танымал El Corte Ingles сауда үйіне кірдік. Бұл ірі сауда үйлер шопоголиктер үшін жұмақ болмақ. Оның ішінде масс-маркеттік Mango, Zara, Stradivarius, т.б. брендтерден бастап Pierre Cardin, Dior, Louis Vuitton сияқты люкстік брендтерге дейін, киімнен бастап, тренажерлерге дейін бәрі бар. Бүкіл Эль Кортты аралауға кем дегенде үш-төрт күн кетер. Ал El Corte Ingles бутигінің өзінде жоғарыдағы аталған брендтерді 50-70 пайыздық жеңілдікпен алуға болады. ![Мадрид. I бөлім.](https://storage.yvision.kz/images/user/arsik/L3ncaWcrJIR8RAAHt1xcuzPUkU3RYy.jpg) Бұған қоса, жаңа жылға бір күн қалды, ірі сауда үйіндегі жағымды қарбаласты елестете беріңіздер. Тамақ ішіп, өз-өзімізге келіп алғанша кеш болды. Кешкі алаңда жүре тұруды ұйғардық. ![Мадрид. I бөлім.](https://storage.yvision.kz/images/user/arsik/ny43Z1b7sXCEhN9JX2PTf8L4uBdngb.jpg) Мадридтің кез келген алаңында мынадай мимдерді көре аласыздар. ![Мадрид. I бөлім.](https://storage.yvision.kz/images/user/arsik/EOOqKYI2Qc5B7UkA80QTPtXplsE4FM.jpg) ![Мадрид. I бөлім.](https://storage.yvision.kz/images/user/arsik/YO0I5Qh9j3iyQD4U54I8XgYYBXc87q.jpg) Ал мына мимді көргенде, орнымда тұра алмадым. Менің сүйікті Эдвард руки-ножницы. ![Мадрид. I бөлім.](https://storage.yvision.kz/images/user/arsik/KMTAe6QWjE4B1P2twj9euaYLWyyAMC.jpg) Мадридтің шыршасы да ерекше екен. ![Мадрид. I бөлім.](https://storage.yvision.kz/images/user/arsik/5comw6tcOl81w6AMV4aRg4n0n142ln.jpg) Шыршаның ішіне кіріп алуға болады. ![Мадрид. I бөлім.](https://storage.yvision.kz/images/user/arsik/y76A7VTWV9aq2o1puR6qXRDAPOuJNf.jpg) Мадрид үкіметінің үйі ![Мадрид. I бөлім.](https://storage.yvision.kz/images/user/arsik/X316TPqaO2JQTpEnUVL4n4CR77FGo1.jpg) Сол күні 29-желтоқсан испандық зейнеткерлер 1939-1977 ж.ж. болған франкизм саясатының құрбандарын еске алды. ![Мадрид. I бөлім.](https://storage.yvision.kz/images/user/arsik/7vesyT60JXE7enwMQYvGIUv77afDeq.jpg) ![Мадрид. I бөлім.](https://storage.yvision.kz/images/user/arsik/3PqREbHTwSzt9gjNFz1fuGbzYUo3Lp.jpg) ![Мадрид. I бөлім.](https://storage.yvision.kz/images/user/arsik/JLN8TFPRSM8eOn0cDOX1y8B8zCqXae.jpg) ![Мадрид. I бөлім.](https://storage.yvision.kz/images/user/arsik/VcBXT942BTGXq4uI4o2lapsRYOdodf.jpg) Карл II-нің ескерткіші ![Мадрид. I бөлім.](https://storage.yvision.kz/images/user/arsik/GslGL59G5g9q9DE8vwfOWCsYR3YfBF.jpg) Пуэрто-дель-Соль Мадридтің инновациялық алаңы: мұнда алғаш рет газдық көше шамы орналастырылған, бір кездері электрлық жарық та, алғашқы трамвай желісі де осы жерден өткен. ![Мадрид. I бөлім.](https://storage.yvision.kz/images/user/arsik/QLN2xsqPRW7g2azB15MI0GTRikg03Z.jpg) Ең бірінші мадридтік автокөлік те, 1919 ж. алғашқы метро жолы да осы жерден бастау алған. Ал мынау қала гербі – қойбүлдірген ағашы мен аю. ![Мадрид. I бөлім.](https://storage.yvision.kz/images/user/arsik/ljsNhts3q6IxIDtHDpkqR85WRsFF94.jpg) Мынау 0-дік километр. Бұл нүктеден Испания бойынша қашықтықтарды есептеу басталады. ![Мадрид. I бөлім.](https://storage.yvision.kz/images/user/arsik/mX9iD9dAoyMV0E7Lyk3MQ77GE37PL8.jpg) 29-желтоқсан болса да, алаңдағы басты сағат 00-00 көрсетуін көптеген жұрт күтіп, дәл уақытында шампан атып, айқайлап қуанды. Сөйтсе олар жаңа жылды тек 31-і емес, бес күн бұрын, одан кейін тағы бес күн бойы тойлай береді. Мен болсам, туған күнімді асыға күткендері неткен керемет деп ойлап қойдым. Келесі күн қаланың сәулеттерін көрумен өтті. «Пласа-де торос-де лас-Вентас» - Испаниядағы коррида өтетін ең үлкен арена. Бұл жерде өнер көрсеткен тореро бірден атақты болып кетеді. 25 мың адамға есептеліп салынған ғимараттың архитектурасы араб пен римдік стильді қамтып жасалған. ![Мадрид. I бөлім.](https://storage.yvision.kz/images/user/arsik/gKBS5gKr2BDdH24yqbh7yTrCiO4aIs.jpg) Коррида тек мамырдан қазанға дейін жүргізіледі. ![Мадрид. I бөлім.](https://storage.yvision.kz/images/user/arsik/mNe1Hcl461PDJCZa90c6939pwheP2O.jpg) ![Мадрид. I бөлім.](https://storage.yvision.kz/images/user/arsik/rAB132yVCDi3Htf5WJRKi325z3N3TG.jpg) Ал мынау пенициллинді ашқан ғалым Александр Флемингке қойылған ескерткіш. Өгіздермен күрес кезінде жараланған торероларға көмектескені үшін осындай сый-құрмет жасалынған. ![Мадрид. I бөлім.](https://storage.yvision.kz/images/user/arsik/yeVEx1MWL83NAmVxbk04bUjz15wEAQ.jpg) Ал мына ескерткіштер танымал торероларға қойылған: Хосе Куберо мен Антонио Бьенвениде. ![Мадрид. I бөлім.](https://storage.yvision.kz/images/user/arsik/pXS4PbDSEQICJS023b7XQiqGh8RX61.jpg) ![Мадрид. I бөлім.](https://storage.yvision.kz/images/user/arsik/J17T53lP0yoErYGIfh9mXHyYhLZ32i.jpg) Келесі аялдаған жеріміз Реал Мадрид футбол клубының стадионы. ![Мадрид. I бөлім.](https://storage.yvision.kz/images/user/arsik/ioe9INYCR9W13IOsDdK1lIhp77G2OB.jpg) Мадридтің қаржы орталығы болып табылатын ауданында орналасқан ұзындығы 121 метр Торре Еуропа ғимараты. ![Мадрид. I бөлім.](https://storage.yvision.kz/images/user/arsik/7493J6AV7O0VMizMfS641MP2IfiZM9.jpg) Әдеттегідей күніміз Эль Кортты шаршап аралаумен бітті. Келесі бөлімде жүздескенше. *Айжан Кәрібаева* --- Source: [https://yvision.kz/kk/post/madrid-i-b-lim-250673](https://yvision.kz/kk/post/madrid-i-b-lim-250673)