--- title: "«Көктем-2025» РКШОЖ барысында Атырау облысында практикалық іс-шаралар пысықталды" description: "2025 жылғы 6 ақпанда еліміздің оңтүстік және батыс өңірлерінде «Су тасқыны кезеңі жағдайларындағы төтенше жағдайларды жою кезіндегі іс..." author: "journalist_n" published: "2025-02-07T10:20:28+00:00" modified: "2025-02-07T10:20:28+00:00" locale: "kk" canonical_url: "https://yvision.kz/kk/post/koktem-2025-rkshozh-barysynda-atyrau-oblysynda-praktikalyk-is-sharalar-pysyktaldy-1012397" markdown_url: "https://yvision.kz/kk/post/koktem-2025-rkshozh-barysynda-atyrau-oblysynda-praktikalyk-is-sharalar-pysyktaldy-1012397/markdown" site_name: "Yvision.kz" --- # «Көктем-2025» РКШОЖ барысында Атырау облысында практикалық іс-шаралар пысықталды > 2025 жылғы 6 ақпанда еліміздің оңтүстік және батыс өңірлерінде «Су тасқыны кезеңі жағдайларындағы төтенше жағдайларды жою кезіндегі іс... 2025 жылғы 6 ақпанда еліміздің оңтүстік және батыс өңірлерінде «Су тасқыны кезеңі жағдайларындағы төтенше жағдайларды жою кезіндегі іс-қимылдарға азаматтық қорғау мемлекеттік жүйесінің басқару органдарын, күштері мен құралдарын дайындау» тақырыбында **«Көктем-2025» республикалық командалық-штабтық оқу-жаттығудың 1-ші кезеңі басталды. ** ![](https://storage.yvision.kz/images/user/580804/5332872ad0d5fbf3617c030acad36cdf.jpg?width=960&height=720) Оқу-жаттығу азаматтық қорғау мемлекеттік жүйесінің және халықтың көктем мезгілі жағдайында төтенше жағдайларды жоюға дайындығы мен қабілеттілігін арттыру, азаматтық қорғау қызметтері мен құралымдарының көктем кезеңдегі ТЖ-ға ден қоюға дайындығын тексеру мақсатында өткізіледі. ![](https://storage.yvision.kz/images/user/580804/8da536369313aa50efb2f937da39e501.jpg?width=960&height=720) Оқу-жаттығу шеңберінде екі күн бойы Алматы, Шымкент қалаларында, Алматы, Атырау, Ақтөбе, Батыс Қазақстан, Жамбыл, Қызылорда, Маңғыстау, Түркістан және Жетісу облыстарында ТЖ-ны жою іс-қимылдарын пысықтау бойынша командалық-штабтық оқу-жаттығулар, авариялық-құтқару қызметтерімен және азаматтық қорғау құралымдарымен практикалық іс-қимылдар өткізіледі. ![](https://storage.yvision.kz/images/user/580804/cac1b8cd16874cb1ceba9d5561844143.jpg?width=960&height=720) Оқу-жаттығуды үйлестіру және басшылық ету республикалық штабы Атырау қаласында орналасты. Оқу-жаттығудың басшысы Төтенше жағдайлар вице-министрі генерал-майор К.А. Тұрсынбаев. Оқу-жаттығуға Атырау облысы әкімінің орынбасары Қайрат Нұртаев қатысты. ![](https://storage.yvision.kz/images/user/580804/7da8e4177407c09ccacd868ba4a9bed6.jpg?width=960&height=720) > *«Көктем-2025» Республикалық командалық–штабтық оқу – жаттығуы-бұл басқару органдарын, азаматтық қорғау күштері мен құралдарын су тасқыны кезеңінде ықтимал ТЖ жоюға дайындаудың маңызды кезеңі. Біз тек сценарийлерді пысықтап қана қоймаймыз-біз жедел әрекет етудің, үйлестірудің және барлық қызметтердің өзара әрекеттесуінің нақты тетіктерін жасаймыз. Осындай оқу-жаттығулардың арқасында біз халықты және инфрақұрылымды су тасқыны салдарынан қорғау жөніндегі іс – қимылдардың дайындығы мен тиімділігін арттырамыз»,* - деп атап өтті вице-министр Кеген Тұрсынбаев. Оқу-жаттығудың бірінші күні көктемгі кезеңдегі ТЖ-ны жою үшін тартылатын күштер мен құралдар топтамасының дайындығына келтірілді, ТЖ-ны жою бойынша шешімдер қабылдау және іс-шараларды орындау бойынша іс-шаралар пысықталуда. Республикалық және аумақтық деңгейдегі құлақтандыру жүйесінің дайындығы тексерілді. Өңірлерде елді мекендерден қар шығару, автомобиль және теміржол жолдарындағы каналдарды, арықтарды, су өткізу құрылыстарын тазарту жұмыстары, сондай-ақ барлық азаматтық қорғау қызметтерін тарта отырып, басқа да алдын алу іс-шаралары жүргізілуде. Практикалық іс-қимылдарды пысықтау үшін су басуға неғұрлым бейім елді мекендер айқындалды, онда су тасқыны қаупі төнген және туындаған кезде азаматтық қорғау қызметтерінің іс-қимылдары бойынша өңірлік тактикалық-арнайы оқу-жаттығулар өткізіледі. Оқу-жаттығу шеңберінде тіршілікті қамтамасыз ету объектілерінің дайындығын тексеру мақсатында Атырау облысында су тасқыны кезеңінде болуы мүмкін ТЖ-ны жоюға азаматтық қорғау қызметтерінің іс-қимылдарын практикалық пысықтау жүзеге асырылады. Оқу-жаттығу орындары өткен жылғы су тасқыны кезінде орын алған нақты жағдайлар болып табылады. Бесікті ауылының аумағында Аспа елді мекенінен зардап шеккендерді эвакуациялау, сондай-ақ мұз астына түскен көліктерден адамдарды құтқару пысықталды. Операцияға құтқару қызметтері, соның ішінде ТЖМ «Қазавиақұтқару» АҚ авиациясы және жетуі қиын жерлерде жұмыс істеу үшін өтімділігі жоғары техника қатысты. Оқу-жаттығудың маңызды элементтерінің бірі уақытша орналастыру пункттерінің дайындығын қамтамасыз ету болды, олар Аспа ауылының тұрғындарына тамақ, медициналық көмек және жатын орындарын ұсына отырып, жайлы тұруды қамтамасыз етті. Оқу-жаттығуда су тасқыны жағдайында көмек көрсетуге дайындалған азаматтық қорғау күштері мен құралдарына да маңызды рөл берілді. --- Source: [https://yvision.kz/kk/post/koktem-2025-rkshozh-barysynda-atyrau-oblysynda-praktikalyk-is-sharalar-pysyktaldy-1012397](https://yvision.kz/kk/post/koktem-2025-rkshozh-barysynda-atyrau-oblysynda-praktikalyk-is-sharalar-pysyktaldy-1012397)