--- title: "Инстаграмдағы кәсіби фотографтар" description: "Соңғы кезде смартфоны бар қазақстандықтардың басым бөлігі Instagram желісін пайдалануда. Заманауи ст..." author: "Arsik" published: "2013-07-24T04:28:53+00:00" modified: "2013-07-24T04:39:33+00:00" locale: "kk" canonical_url: "https://yvision.kz/kk/post/instagramda-y-k-sibi-fotograftar-364991" markdown_url: "https://yvision.kz/kk/post/instagramda-y-k-sibi-fotograftar-364991/markdown" site_name: "Yvision.kz" --- # Инстаграмдағы кәсіби фотографтар > Соңғы кезде смартфоны бар қазақстандықтардың басым бөлігі Instagram желісін пайдалануда. Заманауи ст... *Соңғы кезде смартфоны бар қазақстандықтардың басым бөлігі Instagram желісін пайдалануда. Заманауи студенттер, аналар, бизнесмендер, дизайнер, журналист, әнші, маркетолог және т.б. мамандық иелері бұл mobile app арқылы суреттерімен бөлісіп, инстаграмсыз күн көре алмайды. Ал бүгін **кәсіби фотографтардың** инстаграмында қандай фотолар болатынын тексеріп шығайық.* * ![](https://storage.yvision.kz/images/user/arsik/Rrd9AOxs3F6P2y00AdFz0gSpo4e10n.jpg) * **Карла Нұр [@karlanur](http://instagram.com/karlanur)** Мамандығы бойынша жарнама дизайнері Карла Нұрдың Vox Populi сайтындағы таңданарлық әлеуметтік фоторепортаждары интернет оқырмандарын бейжай қалдырған емес. Күнделікті инстаграмында да фотограф әрдайым өткір мәселелерге назар аудартып отыруға тырысады. ![](http://storage.yvision.kz/images/user/arsik/nD8ovrExxpjD0sYp7ty5268hM1tP0t.png) ![](http://storage.yvision.kz/images/user/arsik/0l6H0q127UDU40P2Lit3O8b1S17B7L.png) Сондай-ақ инстаграмның соңғы жаңаруы - видео түсіруді Карла Нұрдың жақсылап игеріп алғаны көрінеді. Балетке қатысты әдемі серияларын аккаунтына кіріп, тамашалай аласыздар. **Ян Рэй @[yan_ray](http://instagram.com/yan_ray)** 1986 жылы Ақтау қаласында туылған. 15 жасынан бастап суретке түсірумен шұғылдана бастаған Ян Рэй Лондондағы арнайы колледжде Fashion Photography мамандығы бойынша оқып шыққан. Қазірде Алматыда өзінің Eat Models модельдік агенттігін басқарады. Ян Рэйдің инстаграмында сәйкесінше модельдер, сәнді заттар мен орындар және де сәннің өзі жетіп артады. ![](https://storage.yvision.kz/images/user/kerbez_/vDdp9bv3rMvXMfvi41SWNZ8YJlXMWL.jpg) ![](http://storage.yvision.kz/images/user/arsik/S5cjcu7FVAhv26OKO88z6lYLnKZ620.png) ![](http://storage.yvision.kz/images/user/arsik/MmiZI4A40gOF6t0vm226ih5Ij088jU.png) **Қанат Бейсекеев @[beisekeyev](http://instagram.com/beisekeyev)** Vox Populi сайтының тағы да бір фотожурналисі. Жас та болса, қазірдің өзінде кәсіби фотографтар қатарына қосылған. Бүгінде Нью-Йорк қаласындағы New York Film Academy-де Фотография курсында шеберлігін шыңдауда. Сол себепті Қанаттың инстаграмы қазірде "армандар қаласының" фотоларына толы. ![](http://storage.yvision.kz/images/user/arsik/a90E0P966zu02cBpUk9T8Tgwp0joOV.png) ![](https://storage.yvision.kz/images/user/kerbez_/DpLlbncoeBRXYkdey4f91cQqX7oJWr.jpg) ![](http://storage.yvision.kz/images/user/arsik/h3o8WPHu7Vig5wUNFcZkORH3Zn4KN7.png) **Юлия Скобелева [@julia_sk](http://instagram.com/julia_sk)** Жанрлық портреттер мен арт, ню стилінде өзіндік қайталанбас қолтаңбасын жасаған. Юлияның әрбір суреті - өнер туындысы. Ол тек қана жеке шығармашылығымен емес, көптеген компаниялармен: Kcell, Beeline, InterContinental Almaty, Kinopark, т.б. және жарнамалық агенттіктермен жұмыс істейді. @Julia_sk логинімен фотограф нәзіктік пен әсемдікке толы суреттерін жариялап отырады. ![](http://storage.yvision.kz/images/user/arsik/wLEd4Un99Np6zPzYxKmVL0lInmcf1Q.png) ![](http://storage.yvision.kz/images/user/arsik/RX6nExuvgFofL5Ul28ns20Cj0q41Cj.png) ![](https://storage.yvision.kz/images/user/kerbez_/nci0xm3holXzcX6l9cEHyP4858m0cg.jpg) **Алексей Демидов [@alexeydemidov](http://instagram.com/alexeydemidov)** аka Глобус. Көбінесе жарнамалық фотографиямен айналысады. Алексей инстаграмында да нағыз кәсіби фотографтар секілді сирек әрі ерекше кадрларды қоюға тырысады. Әйелі Юлия Скобелеваны да ара-тұра кездестіруге болады. ![](https://storage.yvision.kz/images/user/kerbez_/2Ipq4U06O2tGTG16ScMA79wwoLoM02.jpg) ![](https://storage.yvision.kz/images/user/kerbez_/5rIMeUaXL0DCWL1H418WBaWz1M9yjK.jpg) ![](https://storage.yvision.kz/images/user/kerbez_/LdTZ4LiqmaAn4H9RzbnTGEpNFIbcz3.jpg) **Алексей Романов [@sneg_](http://instagram.com/sneg__)** 14 жасынан бастап фотографиямен айналыса бастаған Алексей қазірде танымал той фотографы. "Мен үшін ең бастысы той суреттерінде сіздердің бақытты, жайлы, әдемі болуларыңыз" дейді Алексей. Сәйкесінше фотографтың инстаграмы да бақытты жұптар мен мерекелік көңіл-күйге толы. ![](https://storage.yvision.kz/images/user/kerbez_/qsIcpa60hJ9pBn9JAb0P30kVOArzuD.jpg) ![](http://storage.yvision.kz/images/user/arsik/UA1aUccfbP3vv5rcNJA19VH1a5OWI5.png) ![](https://storage.yvision.kz/images/user/kerbez_/C06Atvc4zU7kYbSexiU8zPRmxJOC4u.jpg) *Материалды дайындаған: Айжан Кәрібаева* * ![](https://storage.yvision.kz/images/user/arsik/Uai76Y45v7LZplOZOnOSM04AL0q3pS.jpg) * Ұқсас материалдар: [Инстаграмдағы қазақ дизайнерлері](http://yvision.kz/post/354197) [Instagram: Шетелде оқитын қазақ студенттері](http://yvision.kz/post/357898) [Инстаграмдағы жас аналар](http://yvision.kz/post/360566) --- Source: [https://yvision.kz/kk/post/instagramda-y-k-sibi-fotograftar-364991](https://yvision.kz/kk/post/instagramda-y-k-sibi-fotograftar-364991)