---
title: "Автомобильдік қаржы пирамидасы деген де бар. Соны құрғандар сотталып жатыр"
description: "Ақтөбе облысында қаржы пирамидасын ұйымдастырушылар ұзақ мерзімге бас бостандығынан айырылды. Бұл..."
author: "jan.123"
published: "2024-01-16T05:32:13+00:00"
modified: "2024-01-16T05:50:47+00:00"
locale: "kk"
canonical_url: "https://yvision.kz/kk/post/avtomobildik-arzhy-piramidasy-degen-de-bar-sony-r-andar-sottalyp-zhatyr-999933"
markdown_url: "https://yvision.kz/kk/post/avtomobildik-arzhy-piramidasy-degen-de-bar-sony-r-andar-sottalyp-zhatyr-999933/markdown"
site_name: "Yvision.kz"
---

# Автомобильдік қаржы пирамидасы деген де бар. Соны құрғандар сотталып жатыр

> Ақтөбе облысында қаржы пирамидасын ұйымдастырушылар ұзақ мерзімге бас бостандығынан айырылды. Бұл...

Ақтөбе облысында қаржы пирамидасын ұйымдастырушылар ұзақ мерзімге бас бостандығынан айырылды. Бұл істі Қаржылық мониторинг агенттігінің аумақтық департаменті тергеген болатын.

![Автомобильдік қаржы пирамидасы деген де бар. Соны құрғандар сотталып жатыр](https://storage.yvision.kz/images/user/577780/96b021352ce00954f29a010d48b11d.jpg)

2022 жылдың наурыз айында Д.И. Дәулетов, А.Т. Жанасаевтың жетекшілігімен құрамында К.А. Құдасов, О. Б.Жайлаубай және басқа да тұлғалар бар қылмыстық топ «Аuto Seller» ЖШС деген атпен автокөлік құралдарын жоғары бағамен сатып алып, төмен бағамен сатумен айналысатын қызметті бүркемелеп, қаржы пирамидасын құрған. «Аuto Seller» ЖШС басшылары автокөлік иелеріне (тіркеу есебіне қарамастан) екі-үш ай ішінде тең бөліктермен төлей отырып, нотариалды куәландырылмаған сатып алу-сату шарттарын жасасып, олардың автокөліктерін 20%-ға қымбат сатып алуды ұсынған. Осыдан кейін бұл автомобильдер көлікті сатуды жүзеге асыратын жаңа тұлғаларға ақшалай қаражатты одан әрі төлеу мақсатында үшінші тұлғаларға төмендетілген бағамен сатылды. Сатып алу-сату шарттарына сәйкес залал сомасы 404 млн теңге болды. Сот Д.И.Дәулетовті 9 жылға, А.Т.Жанасаевты 8 жылға, К.А. Құдасовты 7 жылға және О.Б. Жайлаубайды 7 жылға бас бостандығынан айыруға үкім шығарды. Үкім заңды күшіне енген жоқ.

Видеосы осында.

---

Source: [https://yvision.kz/kk/post/avtomobildik-arzhy-piramidasy-degen-de-bar-sony-r-andar-sottalyp-zhatyr-999933](https://yvision.kz/kk/post/avtomobildik-arzhy-piramidasy-degen-de-bar-sony-r-andar-sottalyp-zhatyr-999933)