--- title: "Астанада мектеп оқушылары үшін далалық оқу-жаттығу жиыны болды" description: "Астана қаласының қорғаныс істері жөніндегі департаменті қаланың жалпы білім беру мектептерінің оқушы..." author: "minoboronyRK" published: "2013-05-20T06:53:37+00:00" modified: "2013-05-20T06:55:20+00:00" locale: "kk" canonical_url: "https://yvision.kz/kk/post/astanada-mektep-o-ushylary-shin-dalaly-o-u-zhatty-u-zhiyny-boldy-353414" markdown_url: "https://yvision.kz/kk/post/astanada-mektep-o-ushylary-shin-dalaly-o-u-zhatty-u-zhiyny-boldy-353414/markdown" site_name: "Yvision.kz" --- # Астанада мектеп оқушылары үшін далалық оқу-жаттығу жиыны болды > Астана қаласының қорғаныс істері жөніндегі департаменті қаланың жалпы білім беру мектептерінің оқушы... ** ![Астанада мектеп оқушылары үшін далалық оқу-жаттығу жиыны болды](http://www.mod.gov.kz/mod-kz/images/stories/200513/5.jpg) Астана қаласының қорғаныс істері жөніндегі департаменті қаланың жалпы білім беру мектептерінің оқушыларымен далалық оқу-жаттығу жиынын өткізді.** Алғашқы әскери даярлық пәнінің ұйымдастырушы-оқытушылары 11-сынып оқушыларымен 9 әскери рота базасында айналысып, әскери істің негіздері бойынша іс жүзінде машықтануға көмек көрсетті. 68665 әскери бөлімінде оқушылар қару-жарақ пен жауынгерлік техника үлгілерімен танысып, десантшылардың қызмет ерекшелігімен, тұрмыс-тіршілігімен танысты. «Отан қорғаушылар» монументінің жанындағы жиынның жабылу салтанатында жоғарғы сынып оқушыларының алдында Астана қаласы Қорғаныс істері жөніндегі департаменті бастығының орынбасары – қоғаммен байланыс және психологиялық қамтамасыз ету бөлімінің бастығы полковник Бахтияр Пернебеков сөз сөйледі. Құрмет қарауылы ротасы плац-концертпен тәнті етіп, ал оқушылар қоян-қолтық ұрыс өнерін көрсетті. Ең үздік рота, взвод және бөлімше командирлері Қорғаныс істері жөніндегі департаменттің грамоталарамен марапатталды.   **ҚР ҚМ Баспасөз қызметі ** --- Source: [https://yvision.kz/kk/post/astanada-mektep-o-ushylary-shin-dalaly-o-u-zhatty-u-zhiyny-boldy-353414](https://yvision.kz/kk/post/astanada-mektep-o-ushylary-shin-dalaly-o-u-zhatty-u-zhiyny-boldy-353414)